Sushi,ซูซิ...

[ติ๋ม เปอร์โย]

Sushi..55++ฟังบ่ผิดดอกจ้า...ญี่ปุ่นคักซูซิ(ย่านเป็นญี่ปุ่นกลายพันธุ์อยู่จ้า)..อิอิ
ซ่วงจากไข้...ฝันว่าอยากกินอาหารญี่ปุ่น...ป้าดโธ่...มาสิไปยาดพี่มิคกินคักแหน่แท้..
คั่นบ่คือต้นตำหรับกะอย่าว่ากันเด้อจ้าพี่มิค...สูตรตามใจฉันอิหลี...กะซั่นสิว่าป่วงตี้ เฮ็ดไปทั่วทีป ::)

มาเบิ่งเครื่องปรุงตามที่ติ๋มพอหาได้หละจ้า...ข้าวซูซิ..ปูอัด..แผ่นสาหร่าย..ปลาแซลม่อนรมควัน(หาปลาดิบสดๆบ่ได้อะจ้า)
ไข่เจียวหั่นเส้น..แตงกวาปอกเปลือกเอาเม็ดถิ่มหั่นเส้น..แครอทหั่นเส้นลวกสุก..หน่อไม้ฝรั่งลวกสุก
อะโวคาโด้หั่นเส้น1ผล..วาซาบิ..น้ำส้ม..เกลือ..น้ำตาล..ซอสคิกคุแมน(เขียนถืกบ่บุ)::)ไม้ไผ่สานสำหรับม้วน

หุงข้าวญี่ปุ่น...เฮ็ดน้ำราดข้าว ต้มน้ำส้มใส่น้ำตาล+เกลือกะเอาโลดจ้าบ่ได้ตวง...
นำข้าวที่หุงแล้วพรมด้วยน้ำส้มที่ต้มไว้ให้ทั่ว...เหลือน้ำส้มไว้ทามือเวลาปั้นข้าวนำจ้า..กันติดมือ..
วางแผ่นสาหร่ายลงไม้ไผ่สาน..ใส่ข้าวเกลี่ยให้ทั่ว...ใส่ไส้ผักต่างๆปูอัด ม้วนให้แน่นเลยจ้า
เอามีดคมๆทาน้ำส้มแล้วหั่นชิ้นพอคำ...จัดลงจาน...จัดการปั้นข้าวพอคำวางปลาลงไป
ครั้งนี่เอาทอนี่ก่อนเนาะจ้า พึ่งหัดเฮ็ดเทือแรก...เสริ์ฟกับซอสคิกคุแมนและวาซาบิ...
ใจกะอยากจ้ำกับปลาแดกบองพุ้นแหล่ว...สาแม่นบ่แซบเด้อวาซาบินั่น ::)

รสชาดแซบดีอยู่จ้า....แต่บ่ม้มตำหมกหุ่งกะยังว่า...

ป่นปลาทูกับส้มผักคั้นเองเลยเด้อ...หนี่กะแซบกว่าซูซิอยู่...ที่เฮ็ดซูซิเพราะติ๋มอยากเฮ็ดเป็น
แล้วกะลูกสาวมักกินนำจ้า...เชิญแซบจ้า....

[ไก่น้อย]

ป้าดดดดด เอื้อยข่อยอินเตอร์เนชั่นแนล อีหลีตั่วนิ เป็นสุอย่างคักเหว่ย โอยยน่อ ทางนิย่างเข้าร้านไวๆแหล่วคั่นอยากกินอาหารอิปุ่นกะดาย บ่คึดสิเฮดเองจ๊ากเทื่อ 555+ พี่ติ๋ม เก่งม้ากกก เลยจ้า .... :g

[เต็มใจให้เธอ]

เอื้อยติ๋มผมละคิดว่าดาราคนนั้นเนาะครับ ที่ถ่ายปก อิอิ

เป็นตะแซบแท้ครับ หน้าตาสวยน่าทานจัง

[ตรี ศรีเมืองใหม่]

โบราณว่า"เสน่ห์ปลายจวักผัวรักจนตาย" อิอิๆๆ อิจฉาคนที่ได้อยู่นําน้องติ๋มเน๊าะได้กินแต่แนวดีๆเพราะว่าน้องติ๋มเฮ็ดอาหารได้เก่งทุกอย่าง..

[sompoi]

..หลักๆแล่วใช้ได่แล้วติ๋ม พี่ยังบ่เคยเฮ้ดกินเองเลย กะเป็นคือไก่น้อยอ่ะล่ะ ย่างเข่าร้านโลด ฮ่าๆ..มีตั้งแต่ระดับราคาถืกๆ จนแพงคอดๆเลย เคยแต่เห็นเขาเฮ็ดในทีวี..ไส้นั่นถ้าสิใส่อิกกะมีแตงกวา กะเนื้อปลาอิหยังกะได่บดเนื้อละเอียดๆจ้า(ส่วนมากสิเป็นปลามะคุโระ(หรือทาโร่ที่คนไทยรู้จัก) แล่วกะนัตโตะ (รู้จักบ่อจ้า)คือถั่วหมักน่ะแร่ะ..เอ้อ ออกเสียงว่า..ซูชิ..จ้า บ่อแม่น ซูซิ..

[นิลมณีหยก]

แต่กี้ได้กินดู๋ๆเอื้อยติ๋มซูซิ หมู่เฮ็ดให้กินมักๆแต่ว่าเดียวนี้บ่ค่อยได้กินเผิ่นยากเวียกเผิ่น มักไส้ปูอัด ปลาดิบบ่มักคาวปลา ไผว่ากินปลาไซม่อนสมองดีกะช่างบ่กินนำดอกยอมปึก8)

[ฝนหลวง]

เป็นตาแซบดัวหล่ะเอื้อยติ๋มผมสิเฮ็ดกินเองมันสิเป็นหน่าตาคือของเอื้อยติ๋มบอน้อ

[หนุ่มลำซี]

ขอเป็นป่นปลาทูแล้วกันครับพี่ติม..::)

[ข้าวปาด]

ป้าด ซูซิ คือห่องามแท่สาวติ๋ม ซูซิ บ่ปานใด๋ สนใจ ตำหุ่ง กับ ส้มผัก ป่นปลาทู พุ้นแล่ว อิอิ

[ติ๋ม เปอร์โย]

ขอบคุณสำหรับคำแนะนำจ้าพี่มิค...เทือหน้าจ้าพี่...ติ๋มกะหัดเฮ็ดไปซั่นหละ ลูกสาวติ๋มมักกินจ้าพี่..
ขอให้อ้ายทิดเฮือนพี่มิคเฮ็ดสาธิตแหน่น้าพี่....ติ๋มอยากเบิ่งต้นตำหรับนะจ้า...ย่องอ้ายทิดพี่เฮ็ดให้เบิ่งแหน่จ้า...อิอิ