หน้าที่ 1 จากทั้งหมด 3 หน้า 123 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 29

ฟ้าบ่แจ้ง

  1. #1
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,311

    ฟ้าบ่แจ้ง

    ฟ้าต่อยต้อง ก้องแผดเสียงสยอง
    ลมลำพอง พัดพานตาลพร้าว
    วาโยห่าว อลละหลฝนทั่ง
    อุทธกังหลั่งล้นฝนน้ำหล่วงไหล

    ตกสมัยเมืองบ้าน ซงบ่บานเบยเบิก
    ตกถืกฤกษ์มืดเศร่า เสาร์ซ้อนแซกซึม
    เป็นอึมครึมหมอกครึ้ม ซ้ำตื่มพารา
    แขนกับขาไปคนทาง ย่างเซเผล้ม
    ชนนิยมไปคนท้าง ถือหางไปคนฝ่าย
    ต่างถือดีแต่กล่าวฮ้าย ภายพื้นผู้อื่นเขา
    คือมัวเมาหลงบ้า ฝูงประชาแตกเป็นเหล่า
    สรรหาความกล่าวเว้า สุมเข้าใส่กัน
    อัศจรรย์หลายแท้ ธรรมแหมบ่แจ้งส่อง
    ฆ่ากันหยังพี่น้อง ผองท่านเผ่าไทย
    คือบ่ไขความข้อ ยอปัญหามาสอแหล่ง
    ความฮูนแฮงฤาสิได้ ไขแก้ให้ฮุ่งเฮือง

    อยากให้ฟ้าเปิดแจ้ง แสงสาดพรรณะสี
    บ่อยากมีแนวบด เบี่ยงบังนภาพื้น
    อยากเห็นผืนดินพร้อม ภูเพียงบ่เอียงอ่วย
    บ่อยากมีหมิ่งม้วย มอระเมี้ยนหมู่คน
    อยากเห็นน้ำโห่งล้น หลายหลากนองไหล
    บ่อยากเห็นสายใจ ขาดเขินเคืองแค้น
    อยากเห็นแดนไทยนี้ แสนสุขขีกะเสิมส่ง
    บ่อยากเห็นไง่ฟ้ง เป็นดงด้าวป่าผี ฯ


    หมายเหตุ สอแหล่ง : สนทนาถกเถียงเพื่อตกลง / กะเสิม : เกษม

  2. #2
    Super Moderator
    Guide & Photographer
    สัญลักษณ์ของ เจ้าซายน้อย
    วันที่สมัคร
    Sep 2007
    ที่อยู่
    อยู่ในใจเสมอ
    กระทู้
    1,550

    เศร้าซึม

    ที่ฆ่าคนไม่ใช่อาวุธ...ที่ฆ่าคน คือคน

  3. #3
    ร่วมถ่ายทอดความรู้สู่สังคม สัญลักษณ์ของ หลานพระรถ
    วันที่สมัคร
    Aug 2008
    ที่อยู่
    เมืองพระรถธานี, ชลบุรี
    กระทู้
    376
    เพราะความโง่มัวเมา เอาความคิดแห่งตนเป็นบรรทัดฐาน ลืมนึกถึงหลัก "มหสุข" จึงเกิดฝั่งเกิดฝ่าย...แล้วก็มีเหตุตามมา...??...

  4. #4
    แบ่งปันความรู้และประสบการณ์ สัญลักษณ์ของ ทองคำ
    วันที่สมัคร
    Jan 2007
    กระทู้
    140
    อ้ายเอ้ย โลกานับมื่อส่วย เฮษคนไทยกำลังซวย ถึงคราวล้มคะลาดมื่น
    ฟังแต่ความคนอื่น เขามาสับส่อปี้น ยุสู้ใส่กัน
    ตั้งแต่คราวก่อนนั้น ไทยเฮาอยู่สงบสุข
    บ่มีโรคาทุกข์ เบียดเบียนอี่หยังได้
    แต่พอไทยเฮานี่ เข้าสู่ยุคเสรี เอาหนี้เข้ามาสู่
    มันโลดเหม็นอูดอู้ บ่คือกี้เก่าหลัง
    เกิดเหตุการณ์หลายครั้ง เกิดสู้รบซิงซัง เอาตนตั้งขึ้นเป็นใหญ่
    บ่มีไผฟังไผ ต่างคนต่างว่าโตเก่งกะด้อ บ่หันง้อใส่กัน
    คิดหาดีตั้งแต่บั้น เอาประโยชน์ส่วนของโต
    บ่ได้โงคืนคิด เห็นบ้านเมืองคือเค้า
    บาดว่าความปากเว่า ว่าเพื่อชาติเมืองสยาม
    มีแต่นามลมๆ บ่ไค่ทำจริงแท้
    เว่าไปหลายมันแฮ่งคือมาแหง่ เมืองเฮาว่ามันโง่
    เลยขอหยุดบาดโอ้ ลงไว้ก่อนไป
    อันนี้ผมบ่ได้มาเว่าให้ ว่าไผอย่าเคียดตื่ม
    แต่หากอยากให้พากันซ่อยฟื้น เมืองไทยนี้ให้ฮุงเฮือง พี่น้อง

  5. #5
    Super Moderator
    Guide & Photographer
    สัญลักษณ์ของ เจ้าซายน้อย
    วันที่สมัคร
    Sep 2007
    ที่อยู่
    อยู่ในใจเสมอ
    กระทู้
    1,550

    โกรธแล้วน่ะ

    สามัคคี คือพลัง กะพากันเขียนไว้โตบักใหญ่ข้างถนน
    แม่นเขียนไว้เตือนใจคน หรือว่าสอนน้อตอไม้
    สังบ่พากันใส่ใจไว้ คะนิงกันแน่จักหน่อย
    โอ้ย..มาอุกใจหลายเด้ข้าน้อย เพิ่นเขียนไว้หละเฮ็ดหยัง
    คือมามีแต่เถียงกันปั้งๆ จกไส้เน่าเอามาโชว์
    ต่างคนต่างกะพาโล ยออวดโตว่าดีแท้
    คือบ่ดูแลบ้าง ทางพัฒนาประเทศชาติ
    ประชาชนเขินขาด สิอดตายแล้วพี่น้องทางปากท้องนั้นเป่าแปน...ท่านเอ้ย

  6. #6
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,311
    ฟ้าบ่แจ้ง ฟ้าแบ่งเป็นสองสี
    คือราคีบดบัง เบื่ยงเบนบนเบื้อง
    มีหลายเรื่อง การเมืองมัวมืด
    ยังบ่จืดแจบแจ้ง แดงฮ้อนเฮ่งสุม
    .......................................
    ซุมประชาเซื้อ นองเหลือแตกฝ่าย
    เกิดสับสนจ่นย้าย ยอย้องยาดกัน
    นรชนแบ่งกั้น กันเขตโขงเขา
    เหมือนดั่งความมัวเมา มาดหมายสิมายม้าง
    ลืมหลงการแปลงสร่าง หนทางเคยเทียวท่อง
    ลืมคึดเถิงปากท้อง ลืมหม่องแผ่นดิน
    ชาติสิสิ้น ดินสิไง่เป็นผง สานอ
    คันแม่นหลงมัวเมา บ่เอากันไว้
    มัวแต่ซาวจกไส้ ไผมันให้เมี้ยนมอด
    เขาสิดอดครุบหย่อ ยอบ้านไปนั่งครอง นั้นแหลว

  7. #7
    Super Moderator
    Guide & Photographer
    สัญลักษณ์ของ เจ้าซายน้อย
    วันที่สมัคร
    Sep 2007
    ที่อยู่
    อยู่ในใจเสมอ
    กระทู้
    1,550
    สนิมเหล็กเกิดแก่เนื้อ......ในตน
    กินกัดเนื้อเหล็กจน.........กร่อนขร้ำ
    บาปเกิดแก่ตนคน...........เป็นบาป
    บาปย่อมทำโทษซ้ำ........ใส่ผู้บาปเอง ฯ


    ภู-ติ-รัก

  8. #8
    จักน่อยกะแจ้งแล้วละ แล้วกะสิกลายเป็นฟ้าหลังฝนที่สวยงานกว่าเก่าเนาะ:g:g

  9. #9
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,619
    พี่น้องเอ้ย สังคมไทยนับมื่อยุ่งรุงรังคือฮากไผ่
    บ่ว่าน้อยว่าใหญ่บ่มีไผย่อนย่านเกรงแท้ต่อกัน
    เอาให้ขาดสะบั้นยื่อแย่งซิงดีบ่มีไผยอมไผนับแต่วันสิเป็นฮ้าย
    หลายคนหลายความเว้าโสกันคนละอย่าง
    ต่างคนต่างคิดพ้อไผแท้ว่าแต่ดีพี่น้องเอ้ย

  10. #10
    ฟ้าบ่แจ้ง ฝนกำลังสิตกแหม๋อ้าย....::)
    ผ่านมากวนอ้ายฮัก อ้ายแพงซื่อๆดอกจ้า...คึดฮอดเด้อ อ้ายทิด+อ้ายจารย์