กำลังแสดงผล 1 ถึง 6 จากทั้งหมด 6

สุภาษิตสอนซาย

  1. #1
    แบ่งปันความรู้และประสบการณ์ สัญลักษณ์ของ ทองแดง
    วันที่สมัคร
    Jul 2008
    ที่อยู่
    ศิษย์เก่าน้ำพองศึกษา จ.ขอนแก่น
    กระทู้
    163

    ดูวีดีโอ YouTube ออนไลน์ ผญาสอนซาย

    อารัมภบท

    อาหังข้า..ขอบูชาหมู่นักปราชญ์
    ผู้เพิ่นฉลาดฮู้ครูเฒ่าแต่เก่าโดน
    ผู้เพิ่นได้คิดค้นผญาเก่าไว้สอนซาย
    ดีใจหลายไปอ่านเห็นเป็นของดีมีค่าล้วน
    สมควรยายเผยแพร่ไว้ให้ฮ่ำฮอนได้สอน-อ่าน
    ผุ้ข้า..ได้ตรวจทานปรับแต่งแก้ว่าดีแล้วให้อ่านกลอน
    ขอแก่เมธีเฒ่า..ผู้ข้าปัญญาเบาฮ่ามันตกขาดค่อง
    เทิงขอนำพี่น้อง..อย่าได้เย้ยกล่าวขวัญ.

  2. #2
    แบ่งปันความรู้และประสบการณ์ สัญลักษณ์ของ ศรีเวฬุคามมุนี
    วันที่สมัคร
    Aug 2008
    กระทู้
    64
    เบิ่งทรงคือสิเป็นเรื่องยาวต่อเนื่องน่อนิ ท่านทองแดง

  3. #3
    แบ่งปันความรู้และประสบการณ์ สัญลักษณ์ของ ทองแดง
    วันที่สมัคร
    Jul 2008
    ที่อยู่
    ศิษย์เก่าน้ำพองศึกษา จ.ขอนแก่น
    กระทู้
    163

    ดูวีดีโอ YouTube ออนไลน์ สุภาษิตสอนซาย 1

    อันนี้นั้น..มันหากแม่นงานซาย
    เวียกการงานหลายจักหมื่นพันแสนซั้น
    คือการคองเฮือนสร้างมันแม่นซายตกแต่ง
    แปงเฮ็ดเฮือนและเล้าเสาไม้แก่นดี
    แม่นมีศัตรูเกิดขึ้นในประเภทเศิกเสือ
    แว่นเวียกงานอาสาสู้ตายให้หาญกล้า
    อย่าได้กลัวเกรงย้านหลบหนีถอยหลีก
    อีกทั้งการก่อสร้างแปงฮั้วไฮ่สวน
    ไถก่นไง้ปลูกหว่านอึแตง
    แฮงของคนซายมีหลายอย่าได้กลายหนีเว้น
    เป็นเงินทองของใซ้แม่นซายหาผญาเก่ง
    อย่าได้เกรงได้ย้าน..ซายกล้าจั่งแม่นแนว

  4. #4
    แบ่งปันความรู้และประสบการณ์ สัญลักษณ์ของ ทองแดง
    วันที่สมัคร
    Jul 2008
    ที่อยู่
    ศิษย์เก่าน้ำพองศึกษา จ.ขอนแก่น
    กระทู้
    163

    เกาทัณฑ์ สุภาษิตสอนซาย 2

    แหหวิงซ้อนซายสานอวนน่าง
    ทั้งล่องนาม-ล่องแจ้งให้ซายดั้นเที่ยวแสวง
    ทั้งหมู่เกวียน-ล่อพร้อมงัวควายลากแก่
    เวียกพ่อซายคักแท้เต็มล้นอั่งเฮือน
    แปงการสร้างจักสานคุกะต่า
    สานจ่อและด้งม้อนเบียนพร้อมให้แต่งดี
    เสียมจอบตั้งหลาไนอิ้วเพียด
    แปงคอกควายคอกม้าให้เต็มคุ้มข่วงพะลาน
    บ่ได้อึดยากใซ้ตกแต่งเฮือนซาน
    หมั่นหล่ำหลิงแลสุขทุกข์ทั่วเมืองเต็มบ้าน
    อันว่าโลกีย์กว้างสงสารเที่ยวท่อง
    แนวนามซายให้จื่อไว้..หลายแท้แม่นอีหลี

  5. #5
    แบ่งปันความรู้และประสบการณ์ สัญลักษณ์ของ ทองแดง
    วันที่สมัคร
    Jul 2008
    ที่อยู่
    ศิษย์เก่าน้ำพองศึกษา จ.ขอนแก่น
    กระทู้
    163

    ดูวีดีโอ YouTube ออนไลน์ สุภาษิตสอนซาย 3

    ให้เป็นซายเก่งกล้าผญาฮ่ำเฮียนเถิง
    อีกเทิงการเมืองมีบ่ไลเสียวางเว้น
    เหมือนดั่ง..ดงดอนกว้างเสือสางยังได้เพิ่ง
    บ่มีเสือและซ้างดงนั้นกะเหล่าแปน
    เวียงวังกว้างซาวเมืองให้ได้เพิ่ง
    คือดัง..เฮือแพเพิ่งน้ำนะทีกว้างล่องลอย
    อีกทั้งใจซายนั้นให้เป็นซายสมซื่อ
    ให้มีศีลสัตย์ตั้งคะนิงแก้วหน่วยคุณ
    กำจัดใจที่ว้าวุ่นดำหม่นอยู่ในใจ
    ไลเวราปาปังอย่าได้นำมาใกล้
    ขอให้ไลเสียถิ่มเวรหนีให้เว้นห่าง
    ทั้งโอฆะใหญ่กว้าง..อย่าหลงให้ใส่โต

  6. #6
    แบ่งปันความรู้และประสบการณ์ สัญลักษณ์ของ ทองแดง
    วันที่สมัคร
    Jul 2008
    ที่อยู่
    ศิษย์เก่าน้ำพองศึกษา จ.ขอนแก่น
    กระทู้
    163

    รอบยิ้มพิมใจ สุภาษิตสอนซาย 4

    โลกมันบ่ตั้งเที่ยงหมั่นคือเกิดแก่เจ็บตาย
    เป็นพ่อซายคะนิงคิดเกิดตายซิเห็นแจ้ง
    ศีลห้า-แปดนั้นแพงขอดไว้อย่าไลลืมถิ่มปล่อย
    ให้ค่อยภาวนาศีลทานสร้างทางเจ้าได้แต่งแปง
    ซายนั้น ต้องฮู้แจ้งเฮ็ดแต่งแต่ทางดี
    อย่าได้มีประมาทศีลซาติซายสกุลกล้า
    เวียกนั้นมีหลายแท้โลกาอนันต์เนก
    ขอให้ เฮียนศาสตร์เพทเพี้ยงซิลือล้ำยอดคน