ของว่างพ่อศรี(เรือน)อย่างที่ ๑

[ศรีสะท้าน]

มื้อนี้ยามบ่ายว่างๆ สัมปากหาแนวกินบ่ได้ เลยไปหลอยลำข่าเฮือนผู้สาวบ้านมหามา ๔-๕ ลำ เอามาตำกินเป็นเหมี่ยง หรือตำข่า แบบบ้านเฮา อาหารชนิดนี้กะเป็นภูมิปัญญาอันฉลาดของคนโบราณ หาวิธีการเอาสมุนไพรมาเฮ็ดกินให้มีรสชาด ที่นี้กะมาเบิ่งวิธีการของศรี ว่ามีหยังแหน่ที่ใช้ในการชนขา โอ๊ะตำข่า อิ อิ อิ เบื้องต้นหาลำข่าพองาม อย่าให้ทันแก่หรือเป็นดอก ๔-๕ ลำ เอามาลอกเปลือกนอกออกให้ถึงชั้นในที่สามารถหย่ำได้

อุปกรณ์เครื่องปรุง น้ำปลาแดก,พริกแห้ง,กระเทียม,เกลือหน่อยหนึ่ง,ผงชูรส,น้ำปลา,หมากขามเปียก และข่าหั่นเป็นแว่นหยาบๆ คันหั่นบางหลายมันสิมุ่นโพด

[เต็มใจให้เธอ]

มากินก่อนหมู่เลยครับ อิอิ 2 ถ้วยเด้ออ้าย
น้ำลายไหย๋ๆๆๆ :g::)

[ขอโทษที่คิดถึง...เด็กดื้อ]

ตำข่า มีเครื่องปรุงใส่ มือถือนำตี้ อ้ายทิด .....บ่เคยกินเด้อสิบ่ให้ตำข่านี่แมะ ::)::)::)::)::)

[ศรีสะท้าน]

วิธีทำ

ตำพริกแห้งกับกระเทียมใส่เกลือนิดหนึ่งพอแหลก

เอาข่าที่หั่นไว้ลงไปใส่หมากขามเปียกลงไปนำก่อนกะได้ ถ้าบ่อยากให้มันเป็นก้อน แล้วตำๆ ๆ พอข่าแหลกแต่อย่าให้มุ่นละเอียด กะปรุงรสด้วยน้ำปลาแดก ผงชูรส น้ำปลานิดหน่อย ซีมเบิ่ง ให้ส้มหวานหมากขามเปียก และเค็มน้ำปลาแดกแหน่

[ศรีสะท้าน]

อ้างถึง:ตำข่า มีเครื่องปรุงใส่ มือถือนำตี้ อ้ายทิด .....บ่เคยกินเด้อสิบ่ให้ตำข่านี่แมะ

โอ๊ย เนาะ ผู้แซวกะดาย เป็นตาซังแท้ ว่างๆกะเอาลำข่าตีหมอพลแหน่เด้อ(ไล่ปอบ) ตอนนี้รู้สึกว่าปอบสิงสู่หลายเด้เธอ อิ อิ อิ

ปล. มือถือหน่ะลืมไว้ซื่อๆดอก หวืยยยย มาสิเอาไปตำใส่กันเนาะ ตำหมุ่นแล้ว มาสิได้โทรหากิ๊กเนาะ อิ อิ อิ

[แหลวแดง]

เห็นแล้วน้ำลายแตกแหมใหญ่ศรีฯ ของว่างแบบนี้ มักคักหลาย กินกับใบยมอ่อนกะแซบเด้อ
อยากซดนำจักหกเจ็ดคำเด้ หน่อยๆหนึ่งให้ใหญ่ศรีฯกินผู้เดียวซะ มื้อลุนตำหลายๆเด้อ สิซดนำคับ :g:g

[ศรีสะท้าน]

คึดพ้อแต่เป็นเด็กน้อยดอก ท่านแหลวแดง ผู้เถ่าเพิ่นพาเฮ็ดสู่กิน เป็นยาว่าซั้น

[ติ๋ม เปอร์โย]

รูปที่ตำแล้ว อยู่ไสอ้ายทิด กินเบิดแต่คาครกพุ้นตี้ คือบ่ให้เห็นนำแหน่....

คึกฮอดแต่คราวเป็นเด็กน้อย แม่เพิ่นตำห่อเมี่ยงห่อหมาก แต่งในพิธีหยังบุจำบ่ได้...
ติ๋มกะสินั่งถ่ากิน...เห็นเพิ่นหยิบคำใหญ่หลายกะสิท้วงไว้ ::) ย่านบ่ได้กิน...19ปีแล้วจ้าอ้ายบ่เคยพ้อจักเทือ....แซบสุดยอด8)

[คนตระการ...]

บ่อได้กินมาโดนแล้วอ้าย แต่คราวยู่บ้านกะประจำเลยล่ะครคับ กินกับไบบักเดื่อแซบๆ

[nuzing]

ซงสิแซบอยู่ดอกอาหารว่างกะดายแต่กะหน้าเป็นห่วงย่านเผิ่นบ่มีแฮงสิยกปืนใหญ่หะตำข่าของแถ้ต้องเอาปลาแดกต่อนน้อยๆใส่นำแหน่กะคักแล้วต้องกินกันหลายๆคน..โอ๊ยเทิงเขียนเทิงกลืนน้ำลาย ขอยกนิ้วให้เมนูพอเพียงเด้อใหญ่เอาเบียร๋หล่องลงแหน่กะพอได้ยุเนาะ ::)