กำลังแสดงผล 1 ถึง 9 จากทั้งหมด 9

หัวข้อ: ฮักเจ้าอยู่ฝ่ายเดียว

  1. #1
    แบ่งปันความรู้และประสบการณ์ สัญลักษณ์ของ ทองคำ
    วันที่สมัคร
    Jan 2007
    กระทู้
    139

    ฮักเจ้าอยู่ฝ่ายเดียว

    โอน้อ เจ้าผู้พั้วดอกซ้อน ซอนอุ่มอินถวา
    เจ้าผู้มาลาหอม กลิ่นไกลแมงเกี้ยว
    ชายนี่เที่ยวมาล้อม วอนจาเจ้าบ่อ่าว แหน่บ้อ
    หลงคนิงคิดพ้อ นางหล่าอยู่ซู่ยาม
    ยามเจ้าหัวยุ้มย้าม งามหลายท้ายกะล่าม
    อยาสิถามหม่อมน้อง แฟนเกี้ยวเจ้าอยู่ใส
    แม่นผู้ใด๋สิได้ นอนแปลงแฝงฮ่วม เจ้านอ
    แม่นผู้ใด๋สิได้พ้อ ฮักน้องได้กล่อมสอง
    พี่นี่ปองหวังร่วม นงแพงเจ้า คือสิบ่หันมาเตี้ยงต่อ
    คิดผู้เดียวพ้อว้อ คิดผู้เดียวพ่อว่อ แลงเซ้าอยู่บ่เป็น
    ผู้ใด๋นอสิหาวิธีเล่น โอมสาวมาบอกแหน่
    ผมสิบ่ลืมคุณแท้ หากเขานั้นมักผม
    อิอิ...........

    เขียนระบายอารมณ์ หลงมักเพิ่น

  2. #2
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,179
    อ้ายนี้ หลงมักน้อง ก้านก่องกรรณิการ์
    เจ้าผู้ ดวงมาลา หลากหลายแมลงล้อม
    เพียรถนอมแนมเฝ่า อยากหมายเซาจั้งจอด
    คึดต่อยอดยาบส่อย ภมรน้อยอยากไต่ตอม
    เพิ่นหากมาเล่าล้อม ขอมเขตดวงศรี
    ดวงมาลีงามใส อยู่ในกลางกั้น
    สุดกระสันจิตโอ้ แนวโตเซื้อต่ำ
    บ่สมคำค่าล้น เพียงบินหม่นส่วนสน
    หลีกบ่พ้น วนแหวกตาดาง
    หากแต่คางคอติด คิดหาทางม้ม
    แถถลำหล่ม ย้อนหมายดมดวงดอก
    เทียวหาซอกป่องเข้า มาลาเจ้าให้ส่วงใจ


    ยาบส่อย(พวงระย้าเรียงราย) หม่น(ชอนไช,ใช้หัวดันไปข้างหน้า) ส่วนสน(บินว่อน) ตาดาง(รูตาข่าย) ม้ม(พ้น) ซอก(ค้นหา)
    วรรณคดีล้ำลำนำเอื้อนเอ่ย เขยภาษาพากษ์เว้าลาวพื้นกล่าวไกล

  3. #3
    Queenie
    Guest
    เขียนผญาเก่งน้อค่ะ ข้าน้อยเขียนบ่เป็น
    เข้ามาอ่าน เพราะว่า มัก ขอบคุณจ้า

  4. #4
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    5,708
    บล็อก
    23
    วาสนานางได่คือสำดวงมาลา
    บ่อคู่สมดอกคุณค่าเคียงเคล้าคู่สอง
    เพียงแมงภู่ดมดอมเหมิดหอมกะหน่ายซัง
    หลงคำเว่าเพิ่นต่อตั้งสั่งว่าฮักแต่นาง
    กินนําตาจนอ้างว้าง..ย่อนหลงทางยามเพิ่นทิ่ม..อ้ายเอ้ย
    มองต่าง..อย่างปลง

  5. #5
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,179
    อ้างถึง : วาสนานางได่คือสำดวงมาลา
    บ่อคู่สมดอกคุณค่าเคียงเคล้าคู่สอง
    เพียงแมงภู่ดมดอมเหมิดหอมกะหน่ายซัง
    หลงคำเว่าเพิ่นต่อตั้งสั่งว่าฮักแต่นาง
    กินนําตาจนอ้างว้าง..ย่อนหลงทางยามเพิ่นทิ่ม..อ้ายเอ ้ย


    ผญาหยังมาแข็งเก่เด่ หางกี่ดี่ปานแมงเงาลงฮูแท้ อิ อิ อิ โตอย่างผังกะคือเขียนให้แล้ว
    วรรณคดีล้ำลำนำเอื้อนเอ่ย เขยภาษาพากษ์เว้าลาวพื้นกล่าวไกล

  6. #6
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    5,708
    บล็อก
    23
    แบบว่า เน้น เนื้อหา มีหยังบ่อ้าย...(จะแม่นจ่ม .. กะหาให้มาบ่อกี่มื้อไผ๋สิเก่งไวแท่ะ หึยยย)
    มองต่าง..อย่างปลง

  7. #7
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,179
    เคียดสั่นบ่หล้า คำจาปากจ่ม
    คือหน้างอแท้ส่ม อารมณ์บึ้งอึ่งบักยาง
    เฮ็ดตาตี่ม้างก้าง หย่ำคางใส่ปานแมว
    ฟังเสียงแซวคือสิขบ หลบก่อนเด้อศรีสะท้าน
    (เฮ่อ ๆ ลงมันหม่องนี้หล่ะ ย้านมือส่มสวกตา อิ อิ)
    วรรณคดีล้ำลำนำเอื้อนเอ่ย เขยภาษาพากษ์เว้าลาวพื้นกล่าวไกล

  8. #8
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,603
    ว่าโอน้อ
    ฟังคำจาจ้อยจ้อยส่อยป้ม โอะส้มป่อยคำแถลง
    บ่าวทางใด๋แพงให้ว่ามาเบิ่งดู้น้อง
    ฟังสำนวนนางหล้าเจรจาเอื้อนเอ้ย
    เฉลยคำให้แจ้งแสดงข้อต่อเติม มาเบิ่งดู้
    อ้ายขอมาริเริ่มเสริมส่งคำผญา
    เจรจาพาทีบ่อนมันสิเห็นแจ้ง
    เจ้าผู้แพงคำล้านขานคำบนบอก
    ออกจากใจสี่ห้องให้เห็นฮู้บ่อนจริง เบิ่งก่อนน่า
    จงเอาชนะในความยาก มิฉะนั้นความยากจะชนะท่าน

  9. #9
    แบ่งปันความรู้และประสบการณ์ สัญลักษณ์ของ ทองคำ
    วันที่สมัคร
    Jan 2007
    กระทู้
    139
    อิจฉาเนาะ เพิ่นแล้วลูกเคียดลูกง้อหลายเนาะ

    เจ้าผู้มาลาส้อย สุคนทาบ่เหยกลิ่น
    เจ้าผู้อินแต่งแต้ม งามแย้มกว่าสาว
    หัวใจปวดจ้าวๆ คิดอยาฮ่วมบุญบ่สม
    คิดอยากลมนางแพง เช้าแลงหากบ่กล้า
    ย้อนผลาเฮาหน่อย ชายพลอยพรากเนื้อคู่
    คันแม่นกรรมบ่ยู้ สิบซาติหากบ่เถิง

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •