หน้าที่ 1 จากทั้งหมด 3 หน้า 123 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 26

อ้ายลา......ก่อน

  1. #1
    ศิลปิน นักร้อง นักแสดง สัญลักษณ์ของ ไอ้เก่ง คนเลย
    วันที่สมัคร
    Feb 2008
    กระทู้
    186

    อ้ายลา......ก่อน

    ......หัวเถิงหมอน ได้นอนไห้ น้ำตาไหลคิดฮอดอุ่น คำแพงเอ๊ย
    คือมาหนีป๋าอ้าย ให้นอนไห้ ทุกระทม

    ......ซ่างมาตั๋ว หลอกต้มให้ซายคิด เพียรหลงไหล หล้าเอ๊ย
    เคยปักใจฮักนาง หวังแต่งงานยาม ซายพร้อม

    ......พวงพยอมของอ้าย ไปอยู่ใส แล้วน้ออุ่น
    หรือหว่าบุญที่อ้ายสร้าง บ่สูงเท่าหม่อมพะนาง

    ......คำที่เคยกล่าวอ้าง ฮักอ้ายส่ำเบิดหัวใจ
    แล้วไผ๋มาคืนคำ เหยียบกระทำให้ซายท้อ

    ......จำได้บ้อ คำหวานเว้า ให้ผู้เฒ่าเพิ่นป้อนไข่ นั่นเด้
    มือขวาป้อนให้อ้าย ส่วนมือซ้าย ให้พะนาง

    ......แต่ความหวังมาเพม้าง หนทางถึกตัดเขิ่ง
    บุญบ่เถิงยอดซู้ ซูได้กะบ่สูง

    ......ได้แต่เพียงหมายมุ่ง วาดฝันสิได้ฮ่วม ดอกเด๊
    อันหว่าเคยฝันร่วม เป็นแท้แม่นบ่มี

    ......หากบุญมีผลายู้ บุญซู พ้อซาดใหม่ เด้อ นางเด้อ
    ซาดนี้อ้ายบ่ได้ หัวใจน้อง มาคู่เคียง

    ......แต่หัวใจกะยังเตี้ยง คิดนำสุเซ้าค่ำ สาแหล่ว
    ได้แต่จานั่งเว้า กินข้าวบ่ายน้ำตา

    ......ซ่างหัวมันเถาะหล่า ให้ถือหว่ากรรมสนอง
    สิประคองดวงใจ ไปให้ไกลสุดก้ม

    ......แล้วพนมมือขึ้น อธิฐาน ตั้งจิตหว่า
    ขอให้ซินซาตา วาสนาส่งยู้เฮาได้แม่นคู่กัน

    ......ถ้าชาติหน้ามีจริงนั้น ให้สัมพันธ์เฮาคือเก่า แหน่เด้อ
    อย่าให้อ้ายพรัดพรากเจ้า คือชาตินี้แม่นบ่ควร

    ......คนเฮาเกิด ในโลกนี้ล้วน เกิดแก่ น้อเจ็บตาย
    ชีวีอ้ายสิวาย เพราะหว่านาง มาเมินม้าง

    ......เบิดหนทาง สิมาฟื้น ความสัมพันธ์ กันคือเก่า
    ได้แต่เพียง ปรารถนา ให้น้องเจ้า สุขล้น กับคู่ครอง หล่าเอ๊ย .....คำแพงเอย.....

    (อ้ายลา....แล้ว)

  2. #2
    ผู้ช่วยผู้ใหญ่บ้านมหา
    Mr.Reception
    สัญลักษณ์ของ คนตระการ...
    วันที่สมัคร
    Feb 2008
    กระทู้
    4,718
    บ่าวเก่งเบิ่งซงผยาแล้ว คือสิมีความหลังในใจแม่นบ่อ อ่านแล้วผมเศ้รานำ

  3. #3
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,311
    อ้ายคงไกลจากน้อง บ่ครองอาสน์เตียงสนา
    เถิงเวลาเพียรพัก มักหลายอยากอายเว้า
    ขอไปนอนซึมเศร่า เหงาใจไข้ป่วย
    ใจอ่อนอิดอ้วยซ้วย ระทวยทื้นทุกข์ระบม
    อ้ายขอหนีจากม้ม ในแวดสงสาร
    ขอจากไปไกลนาน ผ่านกลายกวมกว้าง
    ขอทังปวงทะลายปี้น จำสีนตัดขาด เสียแหลว
    บ่อหมายมาดสืบไว้ พระทัยท้าวท่าวเท ซั้นแหลว


    สนา(สะหนา=อาสนะ) อิด(ล้า) อ้วยซ้วย(ระทวย) ปี้น(พลิก)

  4. #4
    แบ่งปันความรู้และประสบการณ์ สัญลักษณ์ของ kapoloclikclik
    วันที่สมัคร
    Aug 2007
    กระทู้
    254
    มาคือ กินใจแท้ เศร้าพะโลเนาะ .............

  5. #5
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,311
    ลาหลั่งล้าย หลายหลากพรรณา
    ลาไกลหวง ห่วงหายซายฮ้อง
    ลาหนห่อง เฮือนหอฮ้อนเฮ่ง
    ลาจากเห็งห่มหุ่ม ควันกุ้มจูดเผา
    ลาจากเจ้า เจียระจากจำจร
    ลาไลหมอน หมู่อาภรณ์ภายมุ้ง
    ลาไลซุ้ง บุงแสวแนวกะต่า
    จากหนีไกลกั่นพร้า ลาแล้วแส่วสะเทิน

  6. #6
    แบ่งปันความรู้และประสบการณ์ สัญลักษณ์ของ บ่าวไทเลย
    วันที่สมัคร
    Mar 2007
    กระทู้
    650
    หล่ะจั่งแหม่นน้อ บ่าวเก่งเอ้ย
    อุกอั่นเอ้านำเน๊าะ เศร้าแม๋

  7. #7
    ท่องเวบ สัญลักษณ์ของ pui.lab
    วันที่สมัคร
    Jul 2006
    ที่อยู่
    โสดไม่มีใครเอา หรือว่าเราไม่เอาใคร
    กระทู้
    10,045
    บล็อก
    8
    อ่านแล้วก็เศร้านำ เข้มแข็ง เดินเงยหน้า อย่าก้มหน้าเด้อน้ำตาสิย้อย

  8. #8
    รวงข้าว
    Guest
    คือมาเศร้าแท้ มะมาคนไทเลยคือกันซิปลอบบบ

  9. #9
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    6,362
    บล็อก
    23
    ปร้าดดด...สะเทือนใจอย่างแรง...ม่วนๆจ้า..:g:g

  10. #10
    ดูแลตรวจสอบเนื้อหา สัญลักษณ์ของ พ่อบักเบนซ์
    วันที่สมัคร
    Mar 2007
    ที่อยู่
    บ้านหนองทุ่ม เมืองพล ขอนแก่น ...City
    กระทู้
    350
    8)8)8)8)(t(t 8)8)8)