ฝากถึงใครบางคน พะนะ

[ศรีสะท้าน]

ตั้งแต่กี้น้องกับ พี่เคยคลอเคียง
อยู่ในเถียงสองเฮา กินเข่าปลาภาต้ม
กลางสายลมสูรย์แจ้ง บ่เคยแหนงหนีผ่าน
เคยปากจาพ่ำต้านพี่ชาญ โอ๊ะ! พี่ชายท่านปุ้ยบ่ลืม
น้องยังใจปลาบปลื้ม อบอุ่นในดวงจิต
ผูกสัมพันธ์ไมตรีมิตร บ่ห่างหายกลายพ้น
มาเหลือตนแต่ตัวน้องเคยเฮียงสอง ได้ไกลจาก สาแหลว
ฝากแต่ความลึกซึ้ง คะนึงเจ้าอยู่สู่ยาม
แอบหัวยิ้มย้ามย้าม ยามแนมฮูปเฮียงสอง
ได้แต่คองคอยหา เทื่อบุญผลายู้
ตอนนี้ขอทนสู่ บู๋ทางไปตามหว่าง
หากบุญยังบ่หล่ายม้าง นางน้องสิท่องเทียว ไปแหลวฯ

(เพิ่นฝากมาว่าแต่งผญาฝากไปทางผู้ลางคนให้แหน่อ้าย พะนะ..กะเลยแต่งให้เพิ่น มาเอาเด้อของฝากกะดาย อิ อิ)

[pui.lab]

โอ๊ยน้อ อ้ายศรี ผญาบ่ออกทำกันได้

[หมูหวาน]

ฝากแต่ความลึกซึ้ง คะนึงเจ้าอยู่สู่ยาม
แอบหัวยิ้มย้ามย้าม ยามแนมฮูปเฮียงสอง
:g:g:g:g:g


:g:g อ่านฮอดหม่องนี้ แล้ว อดยิ้มบ่ได้แมะ อ้ายพ่อศรี แต่งได้ม่วนคักแมะ (t:)

[กลางทุ่งสารคาม]

ฝากคือกัน
.
.
.

.
.
.
.
.
แทนความขอบคุณ

[โป้ยก่าย]

อดีดฮักเถียงนาน้อยตั้วนี่ อิอิ


ตั้งแต่กี้
เฮาเคยไปนั่งเล่นเถียงนาโพนต้นหมากกอก
อ้ายยังบอกว่าฮักน้องยังจำได้อยู่บ่นาง
จนว่าเถียงนาฮ้างหลายปีอยู่หม่องเก่า
ยามอ้ายคึดฮอดเจ้าไปยืนเฝ้าเบิ่งแต่โพน
หนีไปโดนบ่เห็นหน้าบัดคืนมาย่านแต่เป็นผู้ใหม่
ไปอยู่ไกลต่างบ้านย่านลืมถิ่มผู้อยู่หลัง แท้เด้...

[พล พระยาแล]

บางทีความรัก ก็ใช่ว่าจะเกิดขึ้น และสมหวังตลอดไป

ความปลื้ม ความยินดี ความปรารถนาดี ความผูกพันธ์ และสิ่งต่าง ๆ ที่ผ่านมา

หากในความเป็นจริงมันเป็นไปไม่ได้ ก็ขอให้เก็บมิตรภาพที่ดีเหล่านี้ไว้ในใจตลอดไป

ถ้าเชื่อมั่นและศรัทธาในความรักที่มีให้กัน แม้รักนั้นจะไม่สมหวัง

แต่สิ่งที่ตามมาอาจจะเป็นเพื่อน พี่ ๆ น้อง ๆ หรืออะไรก็ตามที่ก่อเกิดความสุขใจ ห่วงใย

และคิดถึงกันและกัน ก็ขอให้เก็บสิ่งเหล่านี้ไว้ให้ยั่งยืนตลอดไปครับ

[น้องแพรจ้า]

แนวความฮักน้องบ่ได้.....สมใจหมายคือตั้งต่อ.....กะดีใจยามได้พ้อ.....ซ่อยคลายท้อบาดคิดถึง
ได้รำพึงยามไกลหน้า.....ได้ถามหายามไกลห่าง.....ถึงเส้นทางน้อบ่ได้.....คือใจตั้งต่อพี่ชาญ (โอ๊ะพี่ชาย)
ความสัมพันธ์ืแบบน้องอ้าย.....ในความหมายกะอบอุ่น.....เป็นต้นทุนความชิดไกล้.....บ่ไลร้างมื้อห่างหนี
ทางหัวใจคนผู้นี้.....กะยังดีนำคือเก่า.....ยามได้จาปากเว้า.....ยังมีเจ้าเป็นพี่ชาญ (เอ๊ยพี่ชาย)

::) ::) ::)