กำลังแสดงผล 1 ถึง 7 จากทั้งหมด 7

หัวข้อ: คำผูกแขนผู้บ่าวผู้สาวตอนแต่งงาน

  1. #1
    หนุ่มธรรมสิริ
    Guest

    คำผูกแขนผู้บ่าวผู้สาวตอนแต่งงาน

    มีบ่อน้อครับ..ผู้สาว ผู้บ่าว ที่คิดว่ากำลังสิแต่งงาน..ผมมีความเว้าตอนผูกแขนมาฝากครับ..
    อมศรี ศรี ฝ้ายเส้นนี้แม่นฝ้ายพระยาแถน ป่อนแขนมาพ่อสิผูก เอาเป็นลูกของพระยา ผูกกั้มซ้ายให้ขวัญเจ้ามา ผูกกั้มขวาให้ขวัญเจ้าอยู่ ให้เป็นคู่เทียมสอง ให้ปองดองฮักห่อ อยู่นำพ่อคูณเฮือน หลายปีเดือนให้เจ้าได้ลูกน้อย ทั้งข้อยข้าแลเงินคำ มีผู้นำเงินล้าน มีผู้ให้บ้านหลังงาม มีนาทามพันไฮ่ มีหมูหมากาไก่ ช้างม้าและวัวควาย นอนตื่นสวยให้เจ้าได้เงินล้าน ออกจากบ้านอย่าได้มีศัตรู ให้มีผู้ส่อยชูขนหาบ มีโชคลาภเนืองนอง มีข้าวของเต็มอั่ง ให้เจ้าได้นั่งเป็นเศรษฐี สองสามีจงควรคู่ ให้ทั้งสองเจ้าอยู่ถาวร ยามกินนอนอย่าอึดอยาก ของเหลือปากโภชนะอาหาร มีลูกหลานเต็มเหลือหลาก อย่าอึดอยากแนวใด๋ ให้ไปไวมาค่อง ให้ได้ท่องศิลธรรม จ่มมำ ๆ ไหว้พระเจ้า ให้เป็นพ่อเฒ่า แม่เฒ่าทั้งสอง ให้ได้ถือไม้เท้ายอดทอง ถือตะบองยอดเพชร อย่าได้บกเงินบาท อย่าได้ขาดแนวใด๋ ให้สมหวังเหลือเหตุ ให้เป็นดั่งพระเวสสันดร คนออนซอนเหลือหลาก มีลูกมากปานกะปูยามนา อุ อะ มุ มะ มูลมา สวาหุม .

  2. #2
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,179
    โอม ศรี ๆ ๆ เอ๋า..เอิ้นหาข้อยอีกแล้ว ยามมีงานยามใดกะดาย...อิ อิ อิ ขาดศรีบ่ได้เนาะ เฮ่อ ๆ ๆ
    วรรณคดีล้ำลำนำเอื้อนเอ่ย เขยภาษาพากษ์เว้าลาวพื้นกล่าวไกล

  3. #3
    ศึกษาหาความรู้ สัญลักษณ์ของ บ่าวขาดำ
    วันที่สมัคร
    May 2008
    กระทู้
    44
    อ้ายศี ครับ เพิ่นเอิ้นไปกิบ ลาบงัว ครับ:g::)::)::)
    >> <<. ::)::)

  4. #4
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,179
    เหอเออ ..เอ้อ คืออยู่อาว ซอยดีๆ จ้ำจุ๊แจ่วเพี้ยเนาะ เหอ ๆ ๆ
    วรรณคดีล้ำลำนำเอื้อนเอ่ย เขยภาษาพากษ์เว้าลาวพื้นกล่าวไกล

  5. #5
    แบ่งปันความรู้และประสบการณ์ สัญลักษณ์ของ commo
    วันที่สมัคร
    Aug 2007
    ที่อยู่
    สระแก้ว
    กระทู้
    369
    บ่มีใผ่แต่ง ผู่ข่าสิแต่งเองเด้อ เอ...แต่ว่าสิยากอ้ายศรีสะท้านเล๋ามาผูกแขนบ่ละหึ... ย่านเล๋าลำบากฮั่นหนาผู่ได๋มาผูกกะสิเอิ้นหาแต่เล๋า ซั่นดอกหวา.. ::)

  6. #6
    แบ่งปันความรู้และประสบการณ์ สัญลักษณ์ของ มะนาว
    วันที่สมัคร
    Sep 2008
    กระทู้
    134

    ยามได๋น้อสิได้แต่งนำเผิ่น

    คำเว้าอวยพรงานแต่ง คือเป็นตาอยากแต่งงานแท้น้อ...ยามได๋น้อคู่สิเกิดปัดทีเนี่ย..อุกหลายแท้น้อหาคู่บ่ได้::)::)

  7. #7
    ร่วมถ่ายทอดความรู้สู่สังคม สัญลักษณ์ของ ลูกหินกอง
    วันที่สมัคร
    Jul 2008
    กระทู้
    243
    แม่นบ้อน้อสาวมะนาวหว่าบ่อมีคู่คนผู้งามปานนี่ ถ้าบ่อมีลูกหินกองขอเขียนใบสมัครไ้ด้บ่อน้อ

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •