หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 12

การเพาะ,ปลูกบักถั่วพู

  1. #1
    หนุ่มธรรมสิริ
    Guest

    การเพาะ,ปลูกบักถั่วพู


    การเพาะ,ปลูกบักถั่วพู

    สวัสดีครับ...ผม..มื้อนี้มีรูปการเพาะกับการปลูกบักถั่วพูไว้ถ่ากินมาฝากครับ..ปกตินี่เพิ่นว่าบักถั่วพูนี่เกิดง่าย แต่ผมลองเอาเม็ดไปปลูกแล้วบ่อเกิดครับ..รอแล้วรออีกกะบ่อเกิด...สงสัยเมล็ดพันธ์โดนโพด...เลยไปหาเมล็ดพันธุ์มาใหม่..ต้องเอามาเพาะก่อนดีกว่าเนอะ..จั่งสี้ฮู้เลยว่าเกิดบ่อเกิด..ใส่ผ้าแล้วห่อไว้ มัดยางบ่อให้แน่น..แล้วเอาทางมัดลงแซ่น้ำ..รดน้ำเช้าแลง สามมื้อครับเห็นหน่อโผ่แล้ว..บ่อโดนครับกะเล้ย...เกิด...เอาลงถ้วยเพาะแล้วเอาดินโรย ๆ ..


    การเพาะ,ปลูกบักถั่วพู

    อุปการการเพาะผมกะหาถ้วยโยเกิร์ตที่กินแล้ว เอาตะปูเผาไฟแล้วเจอะรูระบายน้ำที่ก้น แล้วนำไปปลูกครับผม..เอาคล่ำลงตามรูป..555..เพื่อที่สิเก็บถ้วยไว้เพาะอย่างอื่นต่อไปครับ..ป๊าด..ฮากขาวจ่านพ่านเลยครับ..555


    การเพาะ,ปลูกบักถั่วพู

    สำหรับหลุมปลูกกะขุดประมาณ 30 x 30 เอาขี้วัวใส่จักกะโป๋หมากพร้าว แล้วกะปุ๋ยสูตรเสมอ ( เช่นสูตร 15 - 15 - 15 ) ใส่นำกะได้ ที่เป็นธาตุอาหารหลักของพืช ที่มีไนโตรเจน ฟอสฟอรัส และโปรแตสเซี่ยม พร้อมธาตุอาหารรอง และธาตุอาหารเสริม...หมักหลุมไว้ก่อนห้ามื้อกะดี เพราะว่าถ้าเอาลงปลูกเลย..ในดินสิเกิดความฮ้อน ต้นพืชที่เอาลงปลูกอาจตายได้ มื่อผมเอาลงปลูกอีกบ่อโดนครับ..กะเลยได้กินแล้ว..บักถั่วพู..เอาไว้กินกับลาบครับ..หรือสิยำบักถั่วพูนี่กะแซบ.. ผู้ใด๋อยากได้บักถั่วพูไว้กิน..กะมาเอาเด้อครับ...ตอนนี้กินบ่อทันแล้ว...เพิ่นว่าเด้...


  2. #2
    อยากได้เมล็ดพันธุ์ มาปลูกเบิ่งเด้เนาะ....มักกินถั่วพูนะจ้า....

  3. #3
    ร่วมถ่ายทอดความรู้สู่สังคม สัญลักษณ์ของ หลานพระรถ
    วันที่สมัคร
    Aug 2008
    ที่อยู่
    เมืองพระรถธานี, ชลบุรี
    กระทู้
    376
    เป็นตาปลูกง่ายอยู่เน๊าะ ถั่วพูเพิ่น
    สายพันธุ์หยังน้อ? เก็บไว้ให้หลานพระรถปลูกนำเด้อ...::)

  4. #4
    ดูแลตรวจสอบเนื้อหา สัญลักษณ์ของ แหลวแดง
    วันที่สมัคร
    Mar 2008
    กระทู้
    2,194
    ขอบพระคุณหลายๆคับที่เอาความฮู้มาฝาก:g:g

  5. #5
    แบ่งปันความรู้และประสบการณ์ สัญลักษณ์ของ บ่าวหนองกี่
    วันที่สมัคร
    Sep 2008
    ที่อยู่
    สุขประพฤติ
    กระทู้
    124
    พ้อหม่องแล้ว ขอบคุณหลาย อ้ายเอ้ย
    บ่าวหนองกี่กุมปลูก 3-4 รอบแล้ว
    กะบ่เกิด ซอมเบิ่งยูเดะ ว่ามันเป็นหยังแท้ ฮึเป็นนำคนปลูกบ้อ กะคิดไปพู้นติ๊
    บัดนี่กะยังบ่ฮู้กะจ่างว่าแมนหยังแท้.. ขี่ค้านซอมแล้ว
    ขอลองเฮ็ดตามอ้ายเลยดีกั่วหลาย (นำแน) :g

  6. #6
    ท่องเวบ สัญลักษณ์ของ pui.lab
    วันที่สมัคร
    Jul 2006
    ที่อยู่
    โสดไม่มีใครเอา หรือว่าเราไม่เอาใคร
    กระทู้
    10,045
    บล็อก
    8
    PUI มักกินถั่วพู :g

  7. #7
    สาวเมืองชล
    Guest
    ขอบคุณหลายจ้าที่เอาความรู้มาฝากสิลองปลูกเบิ่งเด้อคะ

  8. #8
    ร่วมถ่ายทอดความรู้สู่สังคม สัญลักษณ์ของ jack_sarakham
    วันที่สมัคร
    Jun 2008
    ที่อยู่
    Germany
    กระทู้
    191
    ขอบคุณหลายครับท่าน ที่นำความฮู้มาสู่พี่น้องบ้านมหาเฮ้า บาดนี่คือซิบ่ต้องซื้อกินแล้วหน้อเฮ้า ประหยัดเงินไปหลายเติบ:g

  9. #9
    ร่วมถ่ายทอดความรู้สู่สังคม สัญลักษณ์ของ หลานพระรถ
    วันที่สมัคร
    Aug 2008
    ที่อยู่
    เมืองพระรถธานี, ชลบุรี
    กระทู้
    376
    มาติดตามความคืบหน้าค่ะ อ้ายบ่าวธรรมฯ
    พอสิได้เก็บหมากถั่วพูหยังน้อ? ::)

  10. #10
    หนุ่มธรรมสิริ
    Guest

    เอาผลงานการแสดง...โอะ..ผลงานการปลูกมาให้เบิ่งครับ

    สีนวล ๆ อ่อน ๆ กะบ่อแก่ครับ ถ้าออกเขียว ๆ กะสิแก่นิด ๆ พันธุ์ที่ผมปลูกกะหน่วยบ่อใหญ่ครับ แต่ว่ากรอบ แล้วใยกะบ่อค่อยมี กะลองปลูกปลุกเบิ่งเนอะครับเนอะ...เผื่อว่าสิได้กินกับป่นหรือกับลาบเนอะครับ ผมน่ะเห็นแต่เพิ่นว่า... คันได้กินลาบก้อยอย่าลืมแก่วแพวผัก กินพาเงินผาคำอย่าสิลืมกะเบียนฮ้าง...กะเลยปลูก..สั่นแหล่ว..ครับ..


Tags for this Thread