แกงหน่อไม้ใส่ผักกะแงง

[ติ๋ม เปอร์โย]

ที่เอาเมนูนี่มาลงเพราะว่าดีใจ ที่ได้กินแกงใส่ผักกะแงง 18ปีหละที่บ่ได้กิน จนลืมกลิ่นและรสชาด55++
เหตุที่ได้กินเพราะไปร้านไทยตามล่าหมากหุ่ง ได้มา2หน่วย ไปเห็นหน่อไม้สดกัยผักกะแงง กะเลยซื้อมาแกง...

เครื่องปรุงเลยจ้า โขลกข้าวเบือ พริกแห้ง หอมแดง กระเทียม เตรียมไว้จ้า
หน่อไม้หั่นต้มให้จืดซ่ำใด๋กะได้แล้วแต่ผู้มัก ผักกะแงงเด็ดเป็นท่อน ผักขา ตะไคร้ทุบ ข่าหั่นแว่น
ใบหมากกรูดฉีก พริกสด เห็ดหอม น้ำยานาง น้ำปลาแดกต้มสุก เกลือ น้ำปลา เนื้อหมูหั่นเป็นชิ้น
จัดการแกงโลดจ้า ปรุงรสกะกะเอา ซิมไปนำ

เสริ์ฟกับข้าวเหนียวฮ้อนๆ กินถืกลูกโดดคำใด๋ สะเดิดโด่งๆอยู่ เผ็ดคัก จักหมากพริกบ้านใด๋
มาเด้อพี่น้องกินข้าว กับแกงหน่อไม้หอมๆจ้า.....

[pui.lab]

ผักขะแงง อยากกินนำอ่ะทอดกับไข่ หิวข้าวบาดนี้สงสัยทอดหมูเช่นเคยปุ้ย ::)

[ชายหล่ามาดามศรี]

นำเข้ามากินแกงหน่อม้นำเอื้อยชายหล่า แกงหน่อไม้ที่อร่อยที่สุดในโลก เรย ใส่ผักกะแงง แบบแซบเรยพะน้า หอมห่วยๆๆ ไปฮอด 9 บ้าน10บ้านเรยตั่วนิ กินแล้วกะมาย่าวต่อก่อน

[หนุ่มลำซี]

18 ปีบ่เอี้อย ป้าด..
เป็นการรอคอยที่ยาวนานอีหลีน้อสำหรับผักกะแยง
กลับมาเที่ยหน้าเอาต้นไปปลูกนำเลยครับ
อยากยามได๋เก็บกินได่เลยครับ
แต่ว่าเขาสิไห่เอาขึ้นเครื่องบ่ล่ะอันนี่กะบ่อฮู้เด้อครับ ::)

[สาวผู้ฮ้าย]

:g:g เห็นกะอยากยุจ้า เอื้อยติ๋ม แต่ว่า เฮ็ดยามได๋กะหลอยกินเอา
เพราะเมรีเป็นโรคเกา แม้จ้า ปวดคาปากเลย หน่อไม้นี้ แต่ว่า กะกินยาแก้ปวดใส่เอา
เพราะแนวมักอิอิ::)::)

[ติ๋ม เปอร์โย]

::) รอคอยผักกะแงงมา18ปีติ เว้ากะคือโพดเนาะ แต่กะอิหลีใด๋.....อึดอยากปากแห้งตั๊วคนเมืองนอกอะ...
น้องหน่อยเมรีฯ อายุบ่ทันหลายมาเป็นโรคเก๊าน้องหล่า แนวรักษาบ่หายเด๋หนี่ แต่ต้องขะลำกินเอาเนาะ....
พวกเอื้อยกะพยายามรักษาโรคนี่อยู่ แต่บ่มียารักษาหายขาด มีแต่ยาบ่ให้โรคกำเริบ เจ็บปวดทอนั่น
เดี๋ยวกลับบ้านคราวหน้าคั่นเอายาไปได้ สิเอาไปฝากเด้อ....

[khonsurin]

ใส่ผักกะแงง หอมดี ยิ่งต้มปลาใส่ผักชนิดนี้หอมมาก กินแล้วแซบจนบอกไม่ถูกค่ะ

[ศรีสะท้าน]

ผักกะแยง(แขยง) ซั้นดอกซื่อมันหนะ แซบแล้วคือสิบอกบ่ถูก แซบอิหลี แซบกะด้อกะเดี้ย แซบเป็นตาหน่าย แซบหลายจนอยากวีภาข้าว กะว่าไปตี้หละ เหอ ๆ ๆ แต่อย่าวีมาทางนี้เด้อท่าน

วี(ขว้าง,ปา)

[หล่อร้อยเมตร]

เฮ็ดตามอ้ายบอกบ่หละ ซื้อดินร่วนมาปลูกใส่กระถางหนะ เทื่อมันป่งยอดพอได้เด็ดดมเด๋ (จั่งสิบ่ลืมกลิ่นผักกะแยงว๊า ::)

[ขอโทษที่คิดถึง...เด็กดื้อ]

ตาแซบแท้น้อ...ช่วงนี้กินนำบ่ได้จ้า เพราะกินเจ...อิอิอิ