สวัสดีครับผม..มื้อนี้มีการปลูกผักวอเตอร์เครสมาฝากครับผม..ผักที่มากคุณค่าทางโภชนาการ..ว่าซ้าน..ผักอั่นนี้คนไทยเอิ้นว่า สลัดน้ำ ครับ.. มาจากยุโรป ว่าซ้าน..มีวิตามินชีหลายกว่าส้ม มีแคลเชี่ยมหลายกว่าผักทุกชนิด แล้วกะมีธาตเหล็กหลายกว่าผักขมครับ ท่อนี้ยังบ่อพอ..ยังมีประกอบด้วยสารต้านอนุมูลอิสระอีก อันนี้ผมได้พันธุ์มาจากห้างครับ..ส่วนใบเอาผัดกินแล้วครับ.. เหลือแต่กิ่งน้อย ๆ กะเลยลองเอาซำเบิ่งครับ..สิเกิดบ่อน้อ..บัดทีเนี๊ย...
หลังจากซำแล้วผ่านไปหลายมื้อผักกะเกิดครับ...เลยเอารูปมาให้เบิ่ง..
หลังจากเกิดแล้วกะถอน ๆ แล้วกะนำไปปลูกที่สวนครับ..ตัดยางรถยนต์ที่บ่อใช้แล้ว แล้วกะผลิกเตรียมปลูกแล้วครับ...
เอาดินที่หมักไว้ใส่ ๆ แล้วกะปลูก..เอาฟางรองเพื่อรักษาความชื้นครับ..บัดทีนี้กะมีผักเพื่อสุขภาพหม่ำ ๆ แล้วครับ..บ่อว่าสิเป็นต้ม ผัด แกง หรือว่าขั่วใส่ไข่กะแซบ...ครับ..ไผอยากได้มาปลูกไว้กินกะไปห้างแผนกผักเด้อขอรับกะผม...
Bookmarks