เขียนฝากเถิง ดีเจ สองเสือ ที่ส่งเสียง ตอน 3 ทุ่ม ฮอดเที่ยงคืนเนาะครับ แบบแซวกัน เว้านัวหัวม่วนเด้อครับ
ผิดผลาดคำเว้าได๋ บ่สมควร กะอย่าถือโทษโกรธเคืองกระผมเถาะ ผมย่านนนนนนนนนนนนน
ฝากเขียนถึงคนเสียงเทห์ ซุมดีเจผู้เสียงหล่อ
พวกเสียงหวานคักกะด้อ ซุมมักจ้อเข้าไส่ไมค์
ขอเพลงได๋บ่ขัดข้อง พากันดองปานหมากม่วง
ตั๋วถ้าฟังจนว่าง่วง พอหมดช่วงฝากต่อกัน (หืยยยยยยย จักแม่นเป็นตาหน่าย)
อัศจรรย์ดังเหลือล้น ดีเจพล พญาแก่ โอ๊ะพญาแล
เสียงกรี๊ดดังดีคักแท้ ปานถืกแส้ผู้นั่งนำ (จะแม่นพากันฮ้องกรี๊ดไส่กันดีคัก)
ขอฟังลำกะมิดจ้อย เอิ้นแต่จอยมาลำไส่ (จะแม่นสิพากันไปออกแผ่นซะ)
ยายลำซิ่งจนหมั่นไส้ กะเลยได้มาโอ่นำ (โชว์เสียงเด๊ยายผม เต้นไปลำไปพะน๊า หอบสิ่นแล่นย่านแต่บ่ทันเขา)
ส่วนน้องจูนกะซังซ่ำ เลยมาลำนำพวกหมู่ (จูน กะทนบ่ได้เว่ย คาดลาดลากไมค์ มาส่งเสียงตบกกหูผู้ฟังหนิหล่ะ)
ฟังเอาดู๋พวกพี่น้อง จักไผร้องจะแม่นหลาย
ฮ้องว๊ายวายนำเพิ่นเด๊ ทางดีเจเด็กน้อยงึด (ฮ้องว่า จะแม่นสุเจ้าเสียงดีกันคักเนาะ อิจฉาจนตาตี่ตั๊วเผิ่นนี่กะดาย)
เจ้าซ่างคึดมาจำได้ ไหลปานน้ำบาดเมื่อลำ
ขาประจำเว้าแป้ดแป้ด กะแม่นแพตสาวโรงงาน
เมาเมรี(อุ๊ยสาวเมรี) กะวิจารย์ เทียวส่งสารบ่มีแล้ว
ส่งข้อความแบบคันแข่ว แนวยายหนูผู้มักม่วน
เทียวส่งสารโตอ้วนอ้วน มาชวนเว้าอยู่หยั่งคืน (ซัง จะแม่นพากันเป็นนกฮูกคัก กลางเว็นมิดจั๊ด ยายนินอนเว็นตั๊วเนาะ คริ ๆ )
ฮอดยามตื่นเฮ็ดงานแหล่ว แนวสาวติ้มผู้พ่ายรัก
เดี๋ยวอกหักจักอกร้าว สาวคนนี้เป็นจั่งได๋ (จะแม่นเผิ่นตั๊ว จักหน่อยกะโสด จักหน่อยกะเศร้า เดี๋ยวกะเหงา อยู่หยั่งมื่อ หึยยย)
เบิ่งเอาเด้อผมจำได้ บ่าวคนไกลใจหดหู่ (โทรมาว่าเขียดเกาหลี จะแม่นโตใหญ่พะนะ บ่กล้ากินย่านวิน พะน๊า พะนะ)
สาวขูลู-นางอั๊ว มาตั๋วล่อ ขอแต่เพลง (อันฝากเพลง อ้ายฮักเจ้าเด้อ กับ ฝันดีเด้อหล่า ให้นำแน่เด้อ ก่อนนอนส่งให้ผู้นั้นแนะ ซังเว่ย)
ให้เกรงใจดีเจปุ๊ย เผิ่นเทียวสุยเว้านำหมู่
เจ้านายเผิ่นเว้าดู๊ดู๋ ว่าเฮ็ดงานถะแม้ มาแป๋เข้าตั้งแต่คอมฯ (พะนะ งานบ่จักเฮ็ด มาจอบตะเว้านำพี่ นำน้องหลายกะดาย ฮ่า ๆ ๆ)
บ่าวจตุ กสินพร้อม กะถ้าซอมเบิ่งแต่หมู่
เว้าดู๋ ๆ แน่เด้อหล่า ซุมแม่บ้า เผิ่นถ้าแซว (เกรี๊ยววววววว ผู้บ่าวมาแล้วจ้า เด็กหนุ่มกำลังดี เว้านำที สองทีกะชื่นใจพอกินแซป พะน๊า มาซ่างเป็นแทะ)
มีเวลากะสิมาวิพากษ์ วิจารย์ต่อนำเรื่อย ๆ ถ้า บ่พากันขิวก่อน เพราะว่าเว้าไปนำ จี่เกิบไปนำ ฮ่า ๆ ๆ คนที่ยังบ่ได้เอ่ยนาม กะให้รักษาโตไว้ดี ๆ เด้อครับ
ขอวิจารย์นำแนะ จักเล็ก จักน้อย สิได้มาม่วนซื่นนำกัน เนาะครับ
Bookmarks