หวัดดีคับพี่น้องบ้านมหาทุกคน มื้อนี้อยากกินไก่อบไก่นึ่งสั่นดอก เลยเฮ็ดคือหนุ่มลำซีหั่นหละ แต่ว่าบ่มีน้ำแข็งดอกคับ เลยเอาน้ำเปล่านั้นหละ ได้คือกัน
สับไก่ พักไว้ ซอยข่า ตะไคร้ กะเทียม หอมแดง พริกสดกะได้ แห้งกะได้ ตำรวมกัน ใส่เกลือนำเด้อ และกะคลุกกับไก่ซะเลย อย่าลืมปรุงรสพร้อม เอามือแตะๆซิมเบิ่ง อย่าให้เค็มหลายเด้อคับ มันสิกินบ่แซบ
นึ่งแบบนี้หละคับ เอาไก่ไว้ล่าง หม้อใส่น้ำค้างทางเทิง อย่าให้มีหม่องอากาศออกได้เด้อ ไก่สิไหม้ถิ่มเบิดเด้ หมั่นเอามือจุ่มเบิ่งน้ำ ถ้ารู้สึกว่าฮ้อนกะเปลี่ยนน้ำใหม่ ประมาณสี่น้ำ ไก่กะสิสุก พอด้ามพอดี
จัดการตักใส่จาน หรือถ้วยกะได้ หรือถ้ามันหลายกะใส่ซามกะได้ บ่ผิดกติกาแต่อย่างได๋
และอย่าลืมตำน้ำจิ้ม พริก กระเทียม เกลือ น้ำตาลทราย ผงชูรส น้ำบักนาว น้ำปลา ซิมเบิ่ง คันแซบแล้วกะหาออกไปกินได้เลย
ส่ำนี้กะแล้วแลงดอกคับ อาหารอีสานบ่มีสูตรตายโต ใส่แนวได๋กะไส่ได้เลยคับ ว่าแต่ใสแล้วมันสิแซบ มาเด้อบาดเนี้ยพี่น้อง แล้วแล้วคับ ::)::)
Bookmarks