ปูผัดผงกะหรี่

[แหลวแดง]

หวัดดีคับพี่น้องบ้านมหา มื้อนี้เฮ็ดอาหารทะเลคับผม พอดีไปย่างตลาดนาเกลือเห็นปูเป็นตาแซบเลยเอามาผัดผงกะหรี่สั่นดอกคับ





เอาปูมาล้าง และกะสับเป็นชิ้นเป็นต่อนซะก่อนคับ มันจั่งกินง่าย สับแล้วกะนึ่งให้สุกจักหน่อยและพักไว้ก่อน



ระหว่างที่รอให้ปู่นึ่งสุก เฮากะมาเฮ็ดเครื่องปรุงคับ มีไข่ไก่ หรือไข่เป็ดก็ได้สองหน่วย นมสด น้ำมันหอย น้ำตาลทราย น้ำมันน้ำพริกเผา ผงกะหรี่หนึ่งช้อนชา และซีอิ๊วขาว เครื่องปรุงกะเอาคับ อย่าให้เค็มกะใช้ได้คับ ตีเครื่องปรุงให้เข้ากัน หั่นต้นหอมยาวสองนิ้ว และหั่นคึ่นช่าย และหั่นพริกชี้ฟ้า



ตั้งกะทะไฟกลางๆคับ กระเทียมสับลงผัดพอหอม ใส่พริกชี้ฟ้าและปูลงผัด พอน้ำมันเคลือบปูจักหน่อย กะเทเครื่องปรุงที่เตรียมไว้ลงผัด เร่งไฟแรง พอเครื่องปรุงสุกแล้วปิดไฟได้เลยคับ และใส่ต้นหอมและคึ่นช่ายที่เตรียมไว้ ผัดต่อจักหน่อย กะตักใส่จานได้เลยคับผม



ตักใส่จานจั่งซี้ๆๆหละคับ อิอิ



หาออกมาแล้วกะขาดบ่ได้คือปลาร้าบองคับ ปูที่บ่ได้ผัดกะนึ่ง และตำน้ำจิ้มสุตรเดิม ส่วนหอยนางรมเป็นอาหารเสริมคับ แล้วเบิดแล้วคับ มาเด้อพี่น้องมากินข้าวนำกันคับผม::)::)

[nong_aew]

กินนำๆ...นำมากินทุกกะรทู้เลย...อ้ายคือมาเฮ็ดแนวกินแก่งแท้อ้าย .....สอนน้องแหน่เด้อ..

[หนุ่มลำซี]

ม้ือนี่มาแนวซีฟุดส์น้อครับ
กินนำแนเด้อครับ
ขอก้ามปูเด้อครับ ::)

[บ่าวหนองกี่]

เป็นตาแซบคักขนาด เฮ็ดจังได๋จั่งสิได่กินคือเพิ่น แนวบ้านอยู่ไกลทะเล
พอหาได่กะนำทุ่งนาซั่นแหล่ว น่ามพอหวิดฮูกะมือจกโลด ได่มาเป็นโต
เอามาผัดคืออ้ายแหลวแดง มันสิเป็นจั่งได๋นอ.... ::)

[ขอโทษที่คิดถึง...เด็กดื้อ]

เป็นตาแซบคักจ้า ...หิวแล้วทีเนี้ยไปหาแนวกินก่อนเด้อจ้า