ไผ่บงหวาน อีกงานของไก่น้อย

[ไก่น้อย]

มีอีกงานนึงที่ไก่น้อยเฮดช่วงก่อนเข้าพรรษาปีนี้ อยากนำเสนออีกอย่างจ้า ไก่มีทีเหลือยู่ประมาณงานนึง บ่รู้สเฮดหยังกะเลยลงไผ่บงหวานเพิ่นว่า หน่อไม้เขาบ่ต้องต้ม บ่ต้องลวกเอามากืนแทนผักสดได้เลยพะน๊า...ตะเจ้าของกะบ่เคยกิน อิอิ

ต้นกล้าเพิ่นราคาแพงพอสมควรค่ะกะเลยบ่ได้ลงหลาย ทั้งเมิดกะประมาณ 100 ต้น แม่เลาว่า คั่นมันงามจั่งตัดต้นมาชำเองพะน๊า...ความคิดอิแม่ข่อย ... ::)


จั่งได่ปลูกแล้วได้ผลดี กะสิเอามาฝากพี่น้องบ้านเฮาอ่อมสูกินดอกจ๊า....ถ่าเบิ่งอีกจัก 2-3 ปีว่าส้านน...


ปลูกเรียบร้อยแล้วจ้า


สมาชิกผู้ช่วย ป่วน


นางงามเลาเก็กสวยก่อน แฮะๆ


อันนี้เป็น ยูคา ที่ปลูกได้ 2 ปีแล้วจ้า อย่างที่บอกไก่น้อยบ่ได้อยู่บ้านกะเลยปลูกพืชที่บ่ต้องดูแลหลาย แต่สวนไผ่นิกะลงทุนแล้วให้ญาติเพิ่นส่อยดูแล ช่วงแรกๆค่ะ


ข้อมูลจากเพิ่มเติม เวบไซด์ สวนสรภพ

ไผ่บงหวาน เป็นไผ่ขนาดเล็กถึงขนาดกลาง ลักษณะกอหุ้นแน่น ลำต้นคดงอ เนื้อในตัน แตกกิ่งตลอดลำ มีเส้นผ่าศูนย์กลางลำเมื่อโตเต็มที่ประมาณ 3-5 เซนติเมตร สูงประมาณ 5-10 เมตร หน่อมีสีเขียว เนื้อละเอียด รสชาดหวานมัน กรอบ อร่อยคล้ายยอดมะพร้าว (หรืออาจรสชาดดีกว่ายอดมะพร้าวเสียอีก) สามารถทานดิบได้ ทานเป็นเครื่องเคียงแทนผักสด และสามารถนำไปประกอบอาหารแทนเมนูมะพร้าวได้ทุกเมนู ไม่ต้องนำมาต้มเพื่อให้รสขมของหน่อไม้หายไป ซึ่งเป็นลักษณะพิเศษของไผ่พันธุ์นี้

ด้วยคุณลักษณะเด่นของไผ่ชนิดนี้ น่าจะเป็นพืชเศรษฐกิจตัวใหม่ที่อนาคตไกลให้แก่เกษตรกรอีกตัวหนึ่ง เนื่องจากยังไม่มีการปลูกอย่างแพร่หลาย หากมีการรวมกลุ่มหรือปลูกกันอยางจริงจัง

[pui.lab]

สุดยอดคนขยันและมองการไกล 8)

[ศรีสะท้าน]

แม่นลงมือปลูกเองหรือ ไปแอ๊คท่าถ่ายรูปกับเสิร์พน้ำให้พี่น้องเป็นผู้ปลูกให้นอ ตีบเอ้ย อิ อิ อิ หน่อมันใหญ่สิไปยามดอก ฝากความคึดฮอดไปหาผู้เถ่าสองเถ่าแหน่เด้อว่า อ้ายฮัก(ศรีฯ) คนพี่พ่อแม่และ....ที่บ่ทันเคยฮู้จักคึดฮอด เหอ ๆ ๆ

[หนุ่มลำซี]

แมนอั่นเดียวกีนบ่ครับกับหน่อไม่ไผ่หวาน
เมือ 5 ปีคืนหลังผมกะปลูกคือกันครับ
แต่ปลูกไปได่ 3 ปีกำลังสิเป็นหน่อครับ
ออกดอกตายเกือบเหมิดสวนครับพี่น้อง
เพิ่นว่าเป็นนำพันธ์มัยว่าส่าน
สรุปว่างานนี้...เลยครับพี่น้อง
แต่ว่าของพีไก่น้อยคือสิบ่แมนพันเดียวกันดอกครับ
เพราะว่าต้นมันน้อยก่อกันหลายครับ

[ติ๋ม เปอร์โย]

น่าสนใจจ้าน้องไก่...นาพี่กะปลูกหน่อไม้ แต่เป็นหน่อไม้ธรรมดาจ้า แล้วกะปลูกหวาย ปลูกยานางพร้อม...
ยามฝนมาคนไปลักเอาเป็นตาหน่าย ปลูกถิ่มไว้บ่มีคนเฝ้าให้จ้า แต่บ่จ่มดอกหล่า เลี้ยงบ้านเพิ่น...
พี่ประกาศเลยว่าลักกินได้ ห้ามลักเอาไปขาย...พ่อแม่พี่น้องเพิ่นกะไปเบิ่งแต่ยามเพิ่นบ่มีแนวสิใส่ถ้วยกะยังว่า (จ่มหน่อยๆหนึ่งดอก) ฮ่าๆๆๆๆ

[maanoy]

เอ้ามาให้กำลังใจ เจ๊ สวนตะกู....เป็นเฮ็ดนำยุ อื้อ สนับสนุน
ค่อยเป็นค่อยไป...หญ้าหกยัง สิไปรับจ้างถางหญ้าให้...

[นิลมณีหยก]

ต่อไปเป็นแต่บ่อึดเงินใช้แท้เอือ้ยไก่น้อยอนาคตข้างหน้าให้น้องยืมแน่เด้อเที่ยบ่มีเที่ยเอือ้ยไก่ได้เป็นเศรษฐีน้อยในอนาคต ความคิดกว้างไกลอีหลียอมรับ:g(t

[khonsurin]

ขยันจังเลยน้อ ไผ่ออกหน่องามอีหลี เอาไปแกงกินคือซิแซบน้อ สดๆ

[ขอโทษที่คิดถึง...เด็กดื้อ]

มักเด้...สมาชิก ป่วน ทั้ง 3 นั้นแมะ โดยเฉพาะผู้ที่เฮ็ดท่า ซุปเปอร์แมนนั่นแมะ...อิอิอิ...เฮ็ดให้คิดฮอดน้อง คาลิน เน๊าะ...อิอิอิ

[แหลวแดง]

มักคือกันคับ อยู่บ้านมีที่อยู่หน่อยหนึ่งยังตัดสินใจบ่ได้ว่าสิปลูกหยัง ปลูกต้นไผ่กะดี ปลูกยางพารากะดี
ปลูกต้นกระดาษกะดีพะนะ มีแต่แนวดีๆ เลยบ่ทันปลูกหยังจักแนว ผมว่าดีเหมิดหละเนาะว่าแต่ลงมือเฮ็ด ปลูกไว้แล้วต้องเทียวมาหดน้ำบ่คับ หรือใช้ระบบน้ำหยด ปลูกพืชทุกอย่างต้องอาศัยน้ำเนาะ ลำบากหม่องนี้หละ ยามแล้งมันบ่มีน้ำ นอกจากว่าเฮาต้องเจาะน้ำบาดาล ไผ่บงหวานกินสดแทนผักกะได้ว่าติ๊ บุ๊ยยดีคัก ยามกินบ่ต้องต้มให้เสียเวลา หักมาแล้วกะล้างน้ำปอกกินได้เลย สะดวกดีคับ เป็นโตเลือกที่ดีอีกอันหนึ่ง :g