ยำถั่วลันเตา

**ติ๋ม เปอร์โย** · 16-10-2008, 05:26

ยำถั่วลันเตา คล้ายกันหละจ้ากับยำถั่วพู....มาเบิ่งเครื่องปรุง คนเมืองนอกหาถั่วพูลำบากเนาะ

ถั่วลันเตาซอย ลวกพอเขียว กุ้งลวกพอสุก หมูสับคั่วให้สุก น้ำพริกเผา ถั่วลิสงคั่วบุบนิดหน่อย น้ำปลา
น้ำหมากขามเปียก น้ำตาลปิ๊บประมาณช้อนชา พริกป่น หอมแดง+ต้นหอม+ผักชีซอยเตรียมไว้
เตรียมอ่างใหญ่แหน่ ใส่น้ำพริกเผาประมาณช้อนกินข้าวพูนๆ+น้ำตาลปิ๊บยีให้กระจาย ใส่น้ำหมากขามเปียก
น้ำปลา หอมต่างๆ พริกป่น คนให้เข้ากัน ใส่หมูสับ+กุ้ง+ถัวลันเตา ถั่วลิสง เคล้าเบาๆพอเข้ากัน
ถ้ามือบ่แม่น ชิมแหน่กะดี ติ๋มใส่น้ำหมากนาวนำนิดหน่อย มักเปรี้ยวเผ็ดนำ หวานตาม เค็มห่างๆ
คั่นไผมักกระเทียมเจียว หอมเจียวกะโรยลงไปตามมักจ้า
ยำถั่วลันเตา

ตักใส่จานเสริ์ฟกับข้าวสวยฮ้อนๆ มีไข่ต้มนำกะเข้ากันดีคัก เชิญแซบจ้าพี่น้อง

**jack_sarakham** · 16-10-2008, 13:56

บ่เป็นหยังคับ กินก่อนกะไ้ด้ อิ่มก่อนค่อยว่ากัน ซิจ่งไว้ให้เป็นตัวอย่างจักคำอยู่ดอกคับ ตะว่ากุ้งนิบ่ทันครับหมดแล้ว::)

**หนุ่มน้อยเมืองเพชร** · 16-10-2008, 13:59

(t ขอจั๊กอิ่มก่อนเด้อ 555 แม่นแล้ว เรื่องอื่นค่อยว่ากันที่หลัง (t

**กลางทุ่งสารคาม** · 16-10-2008, 15:01

โอ้ย....สงสารท้องผมขี้กะตึกฮ้องเลย

**ติ๋ม เปอร์โย** · 16-10-2008, 15:27

มาลงสูตรให้แล้วเด้อจ้า ฟื้นแล้ว อิอิ.....

**หนุ่มลำซี** · 17-10-2008, 08:24

เบิ่งสุตรแล้วเป็นตาหลายขั้นตอน
ขอเป็นผู้นั่งถ่ากินดอกครับ พี่ติ๋ม ::)

**หนุ่มเหงาคนไกลบ้าน** · 17-10-2008, 15:53

น้องติ๋มถั่วลันเตานะแมนถั่วฟักยาวที่เฮาเอามาตำบ่อครับน้อติ๋ม
เบิ่งหน้าตาและสีสันสุดยอดเลยขอ๙มเบิ่งก่อนเด้อขอจักเป็กก่อนเด้อจักซิกินฮาๆๆๆๆๆๆๆ::)::)

**ติ๋ม เปอร์โย** · 17-10-2008, 16:30

วิธีเฮ็ดบ่ยากดอกหล่าหนุ่มลำชี....ลองเบิ่งเด้อแซบเด๋....

อ้ายเหงาบ่แม่นถั่วฝักยาวใด๋อ้าย....ไปตลอดสิซื้อหน่วยที่ยังบ่ซอยมาให้เบิ่งดอกอ้าย
ติ๋มกะบ่ได้ถ่ายภาพก่อนซอยให้เบิ่งเนาะอ้าย คอบบ่อยากลงหลายภาพ อิอิอิ