.....ไผคนนั้นเป็นอ้ายได้บ่.....

[น้องแพรจ้า]

[Radio]jolo/Poem/Can-you.mp3[/Radio]

ขอเป็นอ้ายได้บ่จ้า คนที่มาคอยยิ้มส่ง ยื่นจำนงค์คำฮักมั่น เป็นคนนั้นได้บ่น้อ

เพียงอยากขอแฮงใจอ้าย เติมความหมายหัวใจหวิ่น วิตามินต์เติมใจท้อ พอสดชื่นบืนไส่ฝัน

อ้ายสิเป็นคนผู้นั้น ยามไหวหวั่นได้มองหา ซ่อยปรึกษาให้ความเห็น พอใจเย็นบ่น้อจ้า

ตอบคำถามในใจว่า ใจคอยถ้าคนที่แม่น ขอควงแขนความมุ่งมั่น ไผคนนั้นเป็นอ้าย ได้บ่น้อ

::)

[บักหล่าลูกกก]

ขอคอยเป็นคนข่าง คอยซูหูกะต๊า (ตระกร้า)
ขอคอยเป็นคู่ชื่น สองข้าง แนวไม้คาน
ยามวาคนมาหาบ จั่งสิได้เที่ยงวัด
หาบถนัด บ่ให้เฟี้ยด(กระฉอก) ฮอดหม่องสู่จุดหมาย ได้อยู่หล่า
::)

[หนุ่มเหงาคนไกลบ้าน]

ให้เป็นหยังกะใด่อ้ายชายกะบ่อว่า
ใปนควายช้างม้าอ้ายชายกะบ่อสน
ขอให้นงนางน้อยมาเบิ่งอ้ายคนจนๆๆ
แมนซิลำบากยากล้นขอใด่น้องมาเป็นคู่...
...ลองเบิ่งดอกครับน้องแพรว่....

[ศรีสะท้าน]

บู๊ยยย สาวน้องแพรฟีเวอร์ นำเสนอผญากล่าว
พวกผู้บ่าวแล่นหุ่ม หอมกลุ้มทั่วเฮือน
อ้ายทิดศรีเลยอยากเอื้อน เตือนบ่าวชาวมหา
ให้ค่อยฟังวาจา พากษ์ภาษาแพรเว้า
ยามเขาตั๋วสิหมองเศร่า คนเฮามันบ่แน่
ปากว่าจริงแท้แท้ ภายหน้าส่องบ่เห็น แท้แหลว

อันอย่าไปเซื่อความเว้าสาวผู้ดี พาทีเก่งหลายเด้อ มันสิเค่งปวดฮ้าว หนาวเนื้อเมื่อลุน อิ อิ อิ

[sompoi]

อะแฮ่มมมมม...

..คือได่กลิ่นผุเถ่า.. จ่มมุบมิบๆแถวนิ..มาสังเกตการณ์ซือๆดอก..ชะแว้บบบ..

[น้องแพรจ้า]

ขอขอบคุณเด้อค่ะอ้าย หนุ่มบ้านไกลมาเว้าต่อ (หนุ่มเหงาคนไกลบ้าน) อ้ายเร้าใจ(Soulful) กะนำส่อ มาพอเว้าให้ม่วนยิน
ผู้สะออนจนนอนดิ้น ขิวฮี่น ฮื่นทิดคำศรี มาหาตี๋เว้าไส่หลาย ตั๋วพี่ชายกะหาเว้า
ไผสิได้นั่งเศร้า ไผสิเหงากะหวนว่า ถ้อยคำจาที่น้องเว้า ย่อนเหงาแท้กะซ่างเป็น
เลยคิดเห็นดอกเด้ออ้าย ไผคือชายคนที่แม่น คนที่แทนหัวใจเศร้า อยากเป็นเจ้าแน่จักคน ซั่นเด้อ้ายยยยยยยย

........................................................................

ได้นั่งซอมนั่งส่อ ขอถามใจเจ้าของเบิ่ง ว่าเหมิดเทิงหัวใจนี้ คือมีอ้ายอยู่สู่วัน
แค่คิดฝันกะหวนยิ้ม พิมพ์คำฮักปักหัวใจ เหลียวไปไสกะคือเธอ ลักละเมอคึดนำอ้าย
กินข้าวงายหล่ะบ้อพี่ เป็นสุขดียุหรือบ่ คิดเห็นไผแน่บ่น้อ เทียวถามซ่อแต่เจ้าของ
หัวใจจองเอาอ้ายไว้ ไปทางได๋กะคือห่วง ยานว่าป่วงถ้ายิ้มให้ คนของหัวใจ เป็นอ้ายได้บ่

[หนุ่มเหงาคนไกลบ้าน]

อยากแต่งหลายกว่านี่อยู่ดอกครับน้องแพรว่าแต่ว่าคิดบ่อออกฮิๆๆๆมืดตึบตั้วยามคิดใด่กะคิดใด่อยู่::)::)::)

[บักหล่าลูกกก]

บู๊ยยย สาวน้องแพรฟีเวอร์ นำเสนอผญากล่าว
พวกผู้บ่าวแล่นหุ่ม หอมกลุ้มทั่วเฮือน
อ้ายทิดศรีเลยอยากเอื้อน เตือนบ่าวชาวมหา
ให้ค่อยฟังวาจา พากษ์ภาษาแพรเว้า
ยามเขาตั๋วสิหมองเศร่า คนเฮามันบ่แน่
ปากว่าจริงแท้แท้ ภายหน้าส่องบ่เห็น แท้แหลว

อันอย่าไปเซื่อความเว้าสาวผู้ดี พาทีเก่งหลายเด้อ มันสิเค่งปวดฮ้าว หนาวเนื้อเมื่อลุน อิ อิ อิ

น้าทิดศรีเทียมครูบา
คำผญาเพิ่นชาญเชี่ยว
คำเลี้ยวลดเพิ่นลึกล้ำ
ได้ทุกคำถูกใจสาว

อยากสิไขไปทางเข้า
คือจั่งเลาคล่องป่องแปน
อยากสิแปลงไปทางแปว
ได้ทุกแนวดั่งมโน (เพิ่นแท้)

บัดทางโตผุข้าน้อย
คอยใช้แต่กระดาษทด
หลายแต่จดแล้วขีดฆ่า
สิบหน้าหด เหลือบทเดียว ท่อนั่นแหลวววว

ทุกวลีคือความหมาย
ทุกคำอ้ายอยากสิกรอง
เหลือทำนองมาเสนอ
ซำที่เจอในกระทู้

เหมิดสมุดไปหลายแล้ว
เหมิดทุกแนวทุกความคิด
จั่งได้ผิดได้ถืกแท่
มาโพสแก้ น้อ ผุสาว

ตั๋วกะตามเพิ่นเถาะอาจารย์ครับ แนวเต็มใจให้ตั๋วตั้ว แนวหมู่นี่

[ศรีสะท้าน]

ฟังเสียงสัพพะยอกม้วน กลอนกวนเพิ่นซ้วนใส่
คักแท้ใดพี่น้อง ศรีอยากฮ้องปีบโฮ
อัคร์มโหฬารตั้ง ยังผญาเพิ่นจากล่าว
ส่ำสายฟ้าฟาดต้าว ตำทื้นพสุธา
บ่มีคาเคืองข้อง ไปเป็นคลองคักขนาด
ยาวอาดหลาดค้องน้อง แท้นอน้องผู้เพิ่นแพร

[เจ้าซายน้อย]

ฮะเอย...
เป็นได้อยู่ดอกล่า น้องแพรจ้าอย่าสงสัย
เป็นแนวได๋คำแพง ให้เฮ็ดหยังกะเฮ็ดได้
ให้เป็นควายซ้างม้า (ให้เป็นหมาบ่ได้เด้อ)::)
ให้เป็นควายซ้างม้า ให้เป็นกากะตามซ่าง
คันมีน้องอยู่ข้าง ทางอ้ายนั่นบ่สน...นางเอย

อยากเป็นเด้ อยากเป็นซายคนนั้น คนสำคัญที่เจ้าว่า
ยามไหวหวั่นได้มองหา ซ่อยปรึกษาความเห็น พอเย็นใจคนนั้น
ตอบคำถามในใจเจ้า ทุกเรื่องราวบ่ต้องห่วง
แขนที่เจ้าอยากควง ให้มาควงแขนอ้าย ซายพร้อมสิดูแล...ล่ะนา


ซวดลวดนำหมู่แนเด้อ ::)