ส่งการบ้านอ้ายทิดคำศรี แถมแกงบวดฟักทองญี่ปุ่นจ้า...

[ติ๋ม เปอร์โย]

หลังจากที่ไปซื้อกล้วยดิบมาแล้วกะบ่ม กว่าสิสุกได้ห่อตองเกือบเน่าหละจ้า
จัดการห่อพี่น้อง ได้ข้าวต้ม10มัด 20กลีบ เพราะว่าติ๋มกินกล้วยเบิดหนีจากข้าวซั่นแหล่ว::)

มาตกม้าตายตอนนี่หละ หาหมากพร้าวบ่ได้ อ้ายทิดขึ้นเอาต้นอยู่คูสาอ้ายเอามาส่งแหน่จ้า
ใช้หมากพร้าวอบแห้งแทนจ้า...นอกนั่นกะกินแบบข้าวต้มมัดธรรมดาโลด แซบกว่ากันเยอะเลย...

เป็นภาพที่ดองไว้จ้าพี่น้อง"แกงบวดฟักทองญี่ปุ่น" เฮ็ดสู่หมู่กิน ช่วงหมู่มายามจ้า...

เครื่องบ่หลายอย่างดอกจ้า ฟักทองญี่ปุ่น น้ำตาลปี๊บ กะทิ เกลือนิดหน่อย น้ำปูนใสจ้า
จัดการหั่นหมอกอึปอกเปลือกหั่นเป็นชิ้นตามมัก แล้วเอาไปแช่ในน้ำปูนใส แล้วสรงขึ้นล้างน้ำจักเทือ..แล้วนึ่งให้สุก...
เอากะทิใส่หม้อ ใส่น้ำตาล ตั้งไฟใส่เกลือนิดหน่อย พอเดือดใส่ฟักทองยกลง เทใส่ถ้วยแก้ว....

ตักออกใส่ถ้วยน้อยๆ เสริ์ฟจ้า ผู้ละถ้วย2ถ้วย...เชิญแซบจ้า

กินอิ่มแล้วกะเต้นแล้วกะเต้น...สำหรับคนย่านอ้วนเนาะจ้า...ติ๋มกะย่านอ้วนคืนแต่กะมักกิน::)
หม่องอยู่กะพุ้นหละฟิตเนสหละเนาะ....

[ไก่น้อย]

ฮิ้ว คักแทะพี่ กินอิ่มแล้สเต้น ระวังออกทางเก่าเด้อ ...ฮ่าๆๆ ... ซวดๆๆๆ ให้ทั้งอาจารย์กับศิษย์นำจ้า

[หมูหวาน]

เป็นตาแซบแท้ เนาะ เอื่อยติ๋ม เป็นตาหวานดีแท้ๆ :g:g:g

[หนุ่มเหงาคนไกลบ้าน]

บู้ย.....ของหวานบาดนิอั่นมักรูปที่เต้นแหมคือซิเต้นเข่ากับล่ำซิ่งดีแท้เนาะ ของหวานกินแล้วกะนอนตั้วครับน้องติ๋มฮิๆๆๆๆมันจั่งอยู่ใด่หลายมื่อออกกำลังกายเสียพลังงานตั้ว

[ขอโทษที่คิดถึง...เด็กดื้อ]

บวดบักฮึมักจ้า มักข้าวต้มแป้งจ้า...อิอิอิ

ให้กินนำแนะจ้า

[ศรีสะท้าน]

มีแต่ของแซบๆ แบบอ้ายมักแท้นอหล่า มาเมืองไทยพ้อกัน ตุ้มโฮม มาเฮ็ดจักหม่อใหญ่ๆเลี้ยงพี่เลี้ยงน้องคือสิได้บุญหลายนางเอ้ย

[ติ๋ม เปอร์โย]

แม่นอยู่ดอกจ้าอ้ายทิด...เฮ็ดสู่กันกินเอาคือสิม่วน...เรื่องนี่ติ๋มกะเคยเว้ากับอ้ายบ่าวอยู่จ้า...
หาหม่องจัดโล่งๆ สบายๆ แบกครกแบกสากไปตำหมากหุ่งเลี้ยงกันเอา...
แต่ยังบ่ทันได้คุยกันป็นการเป็นงานดอกอ้าย...เป็นการเว้ากันของพี่กับน้องซื่อๆจ้า...::)

[jack_sarakham]

แนวมักคับบวชบักอือ แซ่น้ำปูนแข็งๆมักคับบ่ต้องหวานหลายครานกินน้ำ ออกสีมันๆเค็มๆหวานเล็กน้อย แซบคัก ได้มื่อยามใดกะเอิ่นแน่เด้อครับ ซิซอยปูสาดกับบริการดอก::)

[ศรีสะท้าน]

แม่นอยู่ดอกจ้าอ้ายทิด...เฮ็ดสู่กันกินเอาคือสิม่วน...เรื่องนี่ติ๋มกะเคยเว้ากับอ้ายบ่าวอยู่จ้า...
หาหม่องจัดโล่งๆ สบายๆ แบกครกแบกสากไปตำหมากหุ่งเลี้ยงกันเอา...
แต่ยังบ่ทันได้คุยกันป็นการเป็นงานดอกอ้าย...เป็นการเว้ากันของพี่กับน้องซื่อๆจ้า...::)

เอาแบบไต้กะบอง(ไต้)นำบ่หล้า แบบบ่ต้องมีไฟฟ้าหนะแหม..อิ อิ อิ..แต่ย้านแต่ยามลมมาเนาะ ไฟกะบองมอด หวืย มืดกะมืด อ้ายย้านแต่เขาย่างตำ(เดินเหยียบ,เดินชน)ล้มคุบคอนั้นหนะ เฮ่อ ๆ ๆ

[ชายหล่ามาดามศรี]

มีแต่แนวมักๆๆ เอื้อยติ๋ม สุดยอดจ้า มักแฮงๆๆ แกงบวดบักอึ่นี้ ทานนำแน่เด้อ มักหลาย 55555