กำลังแสดงผล 1 ถึง 7 จากทั้งหมด 7

หัวข้อ: ..ยังทำหน้าที่ ฮักพี่บ่เปลี่ยนแปลง..

  1. #1
    แบ่งปันความรู้และประสบการณ์
    วันที่สมัคร
    May 2007
    กระทู้
    181

    ..ยังทำหน้าที่ ฮักพี่บ่เปลี่ยนแปลง..




    ขอตั้งใจไว้เด้อจ้า เอาสัจจามาเริ่มใหม่ เพียงหัวใจที่ฮักมั่น มากันป้องป่องปัญหา
    มองด้วยตาที่ฮักเจ้า แฮงควมเว้าให้ตัดลด ปลดแอกความขุ่นข้อง ของทางอ้ายกะดั่งกัน
    อย่าหุนหันอารมณ์ฮ้อน เพียงตัดทอนความสิว่า หันปรึกษาจาค่อยเว้า เติมแคร์เข้ามาสู่ใจ
    หวนย้อนไปในมื้อนั้น วันแรกเจอเด้อเฮาผ่าน อย่าห่วงงานจนฮักเก้อ จนเผลอแกร้งแว้งไส่กัน
    เผื่อให้ฮักสองเฮานั้น ไกลจากวันที่หมองหม่น อย่าเอาจนหรือรวยล้ำ ไปผูกค้ำว่าเป็นแม่นสุข
    บ่เคยทุกข์เพียงมีอ้าย อยู่ข้างกายคนที่ฮัก กินต้มผักหรือพิชซ่า กะอิ่มจ้าบ่ต่างกัน
    คำอภัยยังคงหมั่น เติมแฮงฝันด้วยยิ้มส่ง และยังคงทำหน้าที่ คนฮักพี่บ่เปลี่ยนแปรง


    ด้วยฮักและคิดฮอดทุกท่าน ทุกคนเด้อจ้า



  2. #2
    แบ่งปันความรู้และประสบการณ์ สัญลักษณ์ของ แตงอ่อน
    วันที่สมัคร
    Mar 2007
    กระทู้
    133
    ม่วนๆคักน้องแพร ..อ่านๆไปกะเป็นธรรมในการครองเรือนที่ดีอย่างหนึ่งเนาะ..
    แก้ไขครั้งสุดท้ายโดย แตงอ่อน; 19-03-2010 at 17:08.

  3. #3
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    5,708
    บล็อก
    23
    เข้ามาให้กำลังใจน้องแพรคือกันอ่ะล่ะจ้า..ญาอ้ายศรีเล้าคายากเวียกหาเห็ดหาหน่อไม่อยู่เด้อจ้าน้องแพร..เดวๆสิเอิ้นเล้ามาตอบให้ดอกจร้า..อิอิ..(เสี่ยงส่นอ้ายดีคักจะของกะดาย..)
    มองต่าง..อย่างปลง

  4. #4
    แบ่งปันความรู้และประสบการณ์ สัญลักษณ์ของ บักหล่าลูกกก
    วันที่สมัคร
    Oct 2008
    กระทู้
    158

    รับเอาก่อนซ่ำดอก นานมาโพด ยาครูกะดาย

    ย่อนควมทุกข์เคยยากล้น ย่อนเคยจนจั่งเปิดหน่าย นางเคียงกาย ทนเคียงคู่ คอยทนสู้อยู่ซุยาม
    บ่ต้องตาม ทุกข์นำดอก อ้ายขอบอกหล่าคนงาม พยายาม ทนอดสู้ สิเข็นหยู้ เอาผุเดียว
    ก่อนเคยเทียว พาเที่ยวเล่น มันจำเป็น เลยต้องห่าง ภาระมีให้สะสาง เวลาว่างเลยบ่เหลือ
    ซำแหล้วววว.....

    ได้ยินน้องเจ้าจาเว้า จั่งได้เซามาหยุดคิด ว่าเผลอผิดอารมณ์ฮ้อน เผลอตัดรอนย้อนใส่ตัว
    มัวตะมองหนอทางหน้า ลืมเลือนว่าทางเคยหย่าง มีตะนางคอยเคียงคู่ จั่งได้รู้สุขสวรรค์
    คำอภัยเคยให้นั้น คอยเติมฝันอ้ายมีแฮง ค่อยเสริมแปลงค่อยแต่งฝัน ให้เฮานั้นได้สมใจ เนาะหล่าเนาะ

    :g

  5. #5
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,179
    พอมาเห็นสาวแพรต้าน โวหารผญาเอ่ย
    ขอซมเซยที่กล่าวเว้า หันเข่าหม่องบ่อนธรรม
    นับว่าสุดประเสริฐล้ำ ที่นำใส่กะใจจิต
    เป็นปรัชญาชีวิต สิ่งดีเหลือล้น
    เกิดเป็นคนต้องเห็นท้าง ทางแปวอันแปนป่อง
    ความฮักจริงจากดวงจิตอีน้อง นั้นคือหม่องค่าคูณ แท้แหลว
    วรรณคดีล้ำลำนำเอื้อนเอ่ย เขยภาษาพากษ์เว้าลาวพื้นกล่าวไกล

  6. #6
    แบ่งปันความรู้และประสบการณ์
    วันที่สมัคร
    May 2007
    กระทู้
    181


    ขอบคุณหลาย ๆ เด้อจ้า อ้ายทิดคำศรี ที่มาต่อให้ค่ะ ยังบ่ทันได้แต่ง ต่อให้เด้อจ้า มาจอบเบิ่งซื่อ ๆ ค่ะ


  7. #7
    ดูแลตรวจสอบเนื้อหา สัญลักษณ์ของ หนุ่มเหงาคนไกลบ้าน
    วันที่สมัคร
    May 2008
    กระทู้
    2,307
    :g:g มาให้กำลังใจครับน้องแพรวาครับคิดฮอดอยู่เด้อครับ

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •