ครัวเมรี ตำลูกยอ(สมุนไพร)

[สาวผู้ฮ้าย]

มื้อนี้ เมรีซิไปกิน ตำลูกยอ ลูกยอหรือใบยอ กะรู้ๆๆ กันยุนอ ค๊าสาระพัดประโยชน์
แต่ว่ามื้อนี้ เมรีมีตำลูกยอ ที่เมรีมักกิน กินได้บ่เบื่อเลยค๊า ต้องตำเองด้วยค๊า
เพราะว่าไปซื้อกิน เพิ่นตำบ่แซบ อิอิ


( สับอยากอีหลี ที่สำคัญคันมือพร้อมเวลาสับ)


วีธีตำผลลูกยอ
ต้องเอาเปลือก ที่เป็นตาๆๆ ออกจักน่อย
สับให้ละเอียดเลยค๊า ถ้าบ่ละเอียด กะสับตอนประมาณเอาไปตำให้ละเอียดกะได้
ที่สำคัญ อย่าใส่พริกหลายเด้อค๊า เพราะว่าผลลูกยอ นี้ เผ็ดยุแล้วค๊า ต้องตำให้มีออกรสหวานเปรี้ยวหรือ รส แล้วแต่คนมัก อิอิ
เครื่องปรุงกะทั่วๆๆไปคือตำส้มตำนี้ล่ะค๊า
1. ผลลูกยอประมาณคนที่กิน
2. น้ำมะขามเปียก ต้องใส่เนื้อมะขามไปด้วย
3. น้ำตาลพอประมาณ
4. น้ำปลาและน้ำปลาร้า (น้ำปลาร้าต้มดีที่สุด )
5. ปูนา ถ้ามี หรือไม่มีก็ปูเค็มก็ได้ แต่ เน้น ไม่อร่อย อิอิ

ที่สำคัญอยากให้อร่อยต้องใส่ แม่มดแดงด้วย สุดยอดเลยค๊าพี่น้อง
แต่กรุงเทพเมรีหาบ่ได้ ถ้าเป็นยุบ้านนอก สุดยอดไปเลย สูตรเมรี สาระพัดตำค๊า
แถมให้อีก จานค๊าตำกล้วยตานี

ยาระบายดีๆๆ นี้เอง ::)::)::)8)

[พล พระยาแล]

ป๊าดดดด แต่ละอย่างเป็นตานั่งบ่ลงป่องแถะหล่า ฮ่า ๆ ๆ

จู๊ด ๆ ๆ ปู๊ด แป๊ด ป้าด แพรด ๆ ::)

[หลานพระรถ]

ช่างสรรหามาตำเน๊าะ ผู้มักกินกะดาย
ได้ข่าวว่า ร้านมาประจำการอยู่แถวๆ เมืองชลบุรีแม่นบ่?
หากมีโอกาสสิแวะไปยามเด้อค๊า ::)

[สาวผู้ฮ้าย]

ป๊าดดดด แต่ละอย่างเป็นตานั่งบ่ลงป่องแถะหล่า ฮ่า ๆ ๆ

จู๊ด ๆ ๆ ปู๊ด แป๊ด ป้าด แพรด ๆ ::)

ยิ่งตำลูกยอ อ้ายจ๋า ปู๊ดดีตาหน่าย ::)::) (เป็นยาระบาย ลดกรดอย่างดีเลยจ้า)

[สาวเมืองชล]

เห็นแล้วน้ำลายไหล กินนำเด้อ

[หนุ่มเหงาคนไกลบ้าน]

แซบๆๆครับเรียกน้ำย่อยใด่หลายเติบเลยครับเมรี อ้ายกะเคยตำยุครับกะอยู่บ้านพู้นละเขาว่ามันเป็นยาตั้วครับอ้ายซิตำใส่มดแดงคั่นบ่อมีกะใส่บักส้มเฮานี่ละครับ ขอซิมนำแน่เด้อมีตอนปลาร้าบ่อหน่อ:g:g

[หนุ่มน้อยเมืองเพชร]

สาว ครับ อ้ายหนุ่มบ่เคยได้กินจั๊กเทื่อ
แต่ก้อน่าลองเน๊าะ ตำลูกยอ เคยกินแต่
ใบมาใส่แกงปลาดุก และลูกก้อคั้นเอาน้ำมากินแซบหลาย
ถ้าเป็นตำคงแปลกไปอีกอย่างน้อ ต้องลอง ต้องลองครับ
รอครัวเมรีสัญจรมาชะอำก่อน ต้องให้สาวเฮ็ดให้กินจั๊กหน่อย8)::)

[ขอโทษที่คิดถึง...เด็กดื้อ]

ให้กินนำแนะจ้า ตำบกยอแมะ...แต่เด็กน้อยมักกินหมากยอสุกจ้า กินกะเกลือ แซบ ๆๆ แต่บ่ได้กินโดนแล้วนะ...เว้ามาน้ำลายจะไหล...

[ดอกสเลเต]

แนะ มากินบ่เป็นล่ะ ลองชิมเกิ่น ::)::)

[jack_sarakham]

ซะออนเด้ตำหมากยอใส่ฮอดบักเขือขื๋น คือซิตัดกันดี เป็นซุอย่างเลยหน้อเือื้อย แห่งตำแห่งคัก ออนซอน