ก๋วยเตี๋ยวเป็ดตุ๋น...มาแล้วจ้า...

[ติ๋ม เปอร์โย]

ช่วงนี่ทางยุโรปเข้าหน้าหนาวแล้วเนาะจ้า ฝนตกรินอีกต่างหาก...แถมลมพร้อม...อาหารส่วนมาทางนี่สินิยมกินซุปต่างๆ...
แต่นั่นเป็นฝรั่งเพิ่นเนาะจ้า...ก๋วยเตี๋ยวบ้านเฮาแซบกว่าเยอะเลย...ลูกสาวมักอีกพร้อม...กะเลยเกิดเมนูก๋วยเตี๋ยวต่างๆขึ้นมา...
มื้อนี่พาลูกสาวไปเที่ยวตลาดมาจ้า...ไปแต่เลิกเรียนบ่ายโมงกลับบ้านซะห้าโมงแลง...
ช๊อปกระจายเลยแม่กับลูก...ความสุขเล็กๆน้อยๆเนาะจ้า...

ขากลับแวะตลาดหาแนวมากินแลง...อยากกินก๋วยเตี๋ยวเป็ดตุ๋น...เบิ่งเป็ดเป็นตัว ตัวหนึ่งหนัก3กิโลกรัม...
ตุ๋นแต่5โมงแลงไปหาเที่ยคืนสิได้กินบ่หนี่...เกิดศึกหัวข้าวแน่ๆ...เลยตัดสินใจซื้อแบบเนื้อหน้าอกเป็ดมาจ้า...
มาฮอดบ้านจัดการ..ทอดอกเป็ด เอาน้ำมันออกถิ่มไปก่อนจ้า..
ทอดบ่ต้องใส่น้ำมัน..แล้วกะจัดการใส่หม้อตุ๋น...ใส่เครื่องต่างๆที่เห็นหละจ้า
ว่าเป็ดบ่มีกระดูก เลยซื้อกระดูกวัวมาชิ้นหนึ่ง...ตุ๋นแบบช้อนฟองถิ่มไปนำเด้อจ้า
แล้วปรุงรส ซีอิ๊วขาว..เกลือ น้ำมันหอย น้ำตาลก้อน ผงรสดี ผงพะโล้ เม็ดพริกไทยดำ
ตุ๋นประมาณ2ชั่วโมง กะกินทุ่มหนึ่ง
มื้อนี่เป็นเส้นหมี่อบแห้งจ้า...แช่น้ำลวกไว้ ถั่วงอกลวก ผักชี ต้นหอมหั่น..อกเป็ดกะเอาออกมาหั่นบางๆจ้า..


เชิญแซบเด้อจ้า...ปรุงรสตามมัก กระเทียมเจียว พริกดองน้ำส้ม พริกป่น น้ำตาล น้ำปลา..
ผู้ใด๋มักซีอิ๊วดำกะใส่เองเด้อจ้า...ลูกสาวบ่กิน ติ๋มเลยบ่ใส่ มักใส่ถั่วลิสงคั่วบดกะใส่เอาเลยจ้า....

[บ่าวกันต์]

ฮิ้ววววว หิว

หิวคัก หิวแน่ หิวแท้ หิวหว๋า

หิวฮอดเมืองไทยพุ่น

โอ้ย หิวๆๆๆๆๆๆๆๆๆๆ

[ชายหล่ามาดามศรี]

แนะ ๆๆ พี่อ้ายคือมาก่อนหมู่เรยแม๊ะ 5555 ให้กินนำแน่เด้อ คราฟเอือ้ยติ๋ม ชายหล่าเอาเส้นเล็กเด้อคราฟ แซบๆๆๆ

[ตรี ศรีเมืองใหม่]

ติ๋ม/อ้ายว่ากลับมาเปิดร้านอาหารอยู่ไทยซะดีกว่า อ้ายสิสมัครเป็นฝ่ายชิม กับฝ่ายจัดหาเด็กเสิร์ฟ(ผู้หญิง)ให้เอง คริๆๆๆ

[sompoi]

อ้ายศรีๆ..มาเด้อ ส้มตักมาสามถ้วยพุ่นแม๋ะอ้าย..ย่านบ่อิ่มจะของแล่ว..ฟิวส์หิวๆนำ..อิอิ..

[pui.lab]

น่ากินจังเลยเส้นหมี่ขอบชอบอีกเส้นหนึ่ง สามชามพอดีหล่ะปุ้ย อิ อิ

[สาวผู้ฮ้าย]

ขึ้นว่า เส้นๆๆๆ นี้ มักๆๆๆ เอื้อยติ๋ม ให้กินนำแนเด้อ

เป็นตาแซบแท้ล่ะ เส้นเล็กนอ ลวกแล้วไสๆๆ เหนียวดีตาหน่าย อิอิ

เว้ามาแล้วอยาก นอ

[หนุ่มลำซี]

ผมขอเล็กน้ำตก1ชามครับ
พิเศษลูกซิ้นครับ เอื้อยติ๋ม

[ตะวันนา]

.........โอ่ยยยย...หิวววววววววววววว....

....ขอกระดูกงัวไว้แทะแหน่เด้อจ้าพี่ติ๋ม....::);d

[ขอโทษที่คิดถึง...เด็กดื้อ]

ขอเส้นใหญ่แห้ง น้ำนิดหนึ่งจ้า...พออุ๊จุ๊จ้า...แซบ ๆๆๆๆๆ