มาเด้อพี่น้องบ้านมหากินข้าวนำกัน...

[ติ๋ม เปอร์โย]

เห็นบอร์ดอาหารเหงาๆ แม่ครัวนอนเว็นมาหลายมื้อแล้วเลยลุกขึ้นมาเฮ็ดกับข้าวจ้า
นึ่งปลาทับทิมกับแจ่วหมากพริกดิบย่างไฟ...มีข้าวเหนียวพร้อมจ้า...
เครื่องปรุง...ปลาทับทิมหมักเกลือ+ซีอิ๊วขาว...ใส่ข่า ตะไคร้ ใบหมากกรูดฉีก ดับคาวของปลาจ้า
นึ่งใส่ผักตามที่หาได้ง่ายๆเนาะพี่น้อง
แจ่วนั่นกะเผาพริก กระเทียม หอมแดง มะเขือเทศ ตำรวมกัน ปรุงรสน้ำหมากนาว น้ำปลา ใส่ผักชีสับจ้า...

อีกหลายมื้อต่อมานึ่งปลาสวายจ้า...อันนี่กะแซบสุดยอด
เครื่องปรุง ปลาสวาย เกลือ ซีอิ๊วขาว น้ำปลาแดก
น้ำพริกตำข้าวเบือ ใส่พริกแห้ง หอมแดง กระเทียม ขมิ้น
เอามาหมักใส่ปลา ปรุงรส แล้วใส่ตะไคร้ ใบมะกรูด ข่า ผักชีลาว พริกสดตามมักเนาะจ้า
หมกใส่ใบตอง นึ่งจนสุกพุ้นหละ

ช่วงนี่เป็นเลือดจาง...กะเลยกินเครื่องในจักหน่อย..ทั้งๆที่บ่มักเลย แต่จำเป็นกะได้กินหละจ้า
หมกตับไก่ ใส่วิญญาณไก่(โครงไก่)ไปนำหน่อยหนึ่ง...แซบสำหรับผู้มักหละจ้า
เครื่องน้ำพริกแบบเดียวกันกับหมกปลาจ้า...ง่ายๆ

กินส้มหวานตา(น้องบ่าวกันต์พาเอิ้นจ้า)เป็นของหวานเนาะจ้า...กิน5หน่วย(ผล)กะบ่อิ่ม...หน่วยน้อยโพด...
ส้มโอนั่นกะหวานๆส้มๆ แซบดีอยู่จ้า...เอ่อ แล้วมีแนวใด๋ที่บ่แซบเลยหนี่555++

[khonsurin]

เห็นอาหารแล้ว โอ้ยหิวข้าว น้ำลายไหลเลยจ้าแม่ครัวจ๋า

[jack_sarakham]

คือมาเป็นตาจ่ำตาคุ้ยแท้ครับ หมกปลาแมะแนวมักโอ้ยหน้อ เว้าบ่ออกเลยผมน้ำลายตัน::)

[pui.lab]

อยากกินหมกปลา หง่าาาา เบิ่งแล่วหิวข้าวไปหาข้าวกินก่อน เดี๋ยวมาใหม่

[สาวทุ่งฝน]

เพิ่นจังแม่นเฮ็ดแนวกินเป็นตะแซบตักเนาะ
หอมห่วยๆมาฮอดทางนี้อะโลด คมมักชิมเลยเข้ามาเบิ่ง
สิได้ไปลองเฮ็ดเบื่งก่อนจ้า ไว้เฮ้ดให้ย่ากิน เทื่อแม่ย่าเพิ่นสิติดใจ
อิอิ

[หนุ่มลำซี]

ช่วงนี้พ่อครัวแม่ครัวบ่ค่อยได่เฮ็ดแนวกินเลยเอี้อยติ๋ม
ยากนำแต่งานคือเสี่ยเอ๋วานั่นหละครับช่วงนี้ต้อง
เฮ็ดงานไห่เข้าตาเจ้านาย..ย้านเขาปลดออก
เลยมาอาศัยกินนำไปก่อนครับ ::)

[Sweet_M]

โอ้ยหิวข้าว น้ำลายไหลเลยจ้าแม่ครัวจ๋า

[ขอโทษที่คิดถึง...เด็กดื้อ]

ให้กินนำแนะจ้า หมกปลากับส้มตาหวานแมะ...อิอิอิ

[หนุ่มเหงาคนไกลบ้าน]

ว้าวๆๆๆๆครัวน้องติ๋มมาแล้วปลาทับทิมบ่อครับนึ่แหมมาเอานำอ้ายเหงาอีกเด้อเหลือหลายยุครับน้ำจิ่มคือเป็นตะแซบแท้น้อครับหมปลาพร้อมๆๆมาอ้ายกินนำแน่เดี่ยวซิล้างถ้วยให้ดอก::)::)

[แดงน้อย]

เป็นตาออนซอนหมกปลาเล้าเนาะ..เก่งแท่ะน้อแม่บ้านผู่ได๋น้อจ้า..