ได้ปลากะแยงมากะว่าสิแกงใส่หน่อไม้ส้มคับ แต่ว่าส่วนหนึ่งกะเอามาเฮ็ดหมกจักหมกพอได้บ่ายข้าวสั่นดอกหวา
ล้างปลาดีๆ บุบหัวหอม เอาเกลือ น้ำปลา ผงชูรส จักหน่อย ใส่พริกลูกโดด และกะอย่าลืมผักอี่ตู่เด้อจ้า เอาใบตองมาหลายซั้นจักหน่อย ลนไฟให้มันอ่อนซะก่อนจั่งห่อเนาะ ตองจั่งบ่แตก ครบแล้วเฮากะจัดการห่อได้เลย อย่าลืมไม้คัดหมกเด้อ อยู่บ้านพอดีหนาวหลายช่วงปีใหม่ อี่แม่ดังไฟฝิง ผมเลยเขี่ยขี้เถ้าออกเอาหมกปลาวางแล้วกะเขี่ยถ่านมารอบหมกปลาไว้ ถ่าบ่โดนปานได๋กะสุกดอกคับ แต่ว่าหมั่นเบิ่งจักหน่อยเด้อ ไฟสิไหม้ใบตอง บ่ได้กินหมกปลาเด้
พอเฮาคิดว่าได้เวลาพอสมควรแล้ว เฮากะเอามาแกะออกสั่นตั้ว ดูดีเติบอยู่ อิอิ
เทใส่จานได้เลยจ้า เอาข้าวเหนียวฮ้อนๆมาจ้ำได้เลยเด้อบาดเนี้ย หรือว่าเอาไปบ่ายข้าวกะได้คับ
:g:g:g
Bookmarks