กำลังแสดงผล 1 ถึง 2 จากทั้งหมด 2

ผญา ผลงานของคุณเสือจนตรอก

  1. #1
    ร่วมถ่ายทอดความรู้สู่สังคม สัญลักษณ์ของ บ่าวเต็งคนโก้
    วันที่สมัคร
    Oct 2010
    ที่อยู่
    กาฬสินธุ์
    กระทู้
    110

    ผญา ผลงานของคุณเสือจนตรอก

    เสียงกล่อมของอี่แม่ข่อย.........ปุนปลูกภาษาศิลป์
    .....ม่วนยินเนาว์นอนหลับ.........อยู่อู่แพรผ้าขาวม้า
    .........ประเดิมฟังเสียงเว่า.........คำผญากลอนกาพย์
    ......เสี้ยมสอนความฮักให้.........เฮียมฮู้แต่เยาว์

    เริ่มจากคลานย่างเว่า...........ก็ฮู้เล่าคำโคลง
    เล่นหยอกใยสหายฮัก..........อยู่ลานกลางบ้าน
    เปล่งเสียงลำขับฮ้อง............เพลินใจแปลบ่ออก
    เว้าผญาเป็นแต่น้อย.............ยังมิฮู้ขีดเขียน

    ตกไปอยู่ต่างบ้าน................เขียนกลอนฝากหาสาว
    เขาพากันนินทา..................ว่าคนโบฯหัวเฒ่า
    เป้าหมายเฮียมแนไว้.............เพียรแพงภาษาแม่
    ชื่นใจเสียงอิ่นอ้อย................ชิมแล้วอิ่มบ่เป็น

    ฮักยิ่งฮักวาดเจ้า................ภาษาเกิดของเฮียม...อิสานเอ๋ย
    อ่อนโยนสำเนียงใส............บ่เครือเคืองลิ้น
    ถ้อยคำศิลป์แฝงซ่อน..........ซอนทำนองนวลคล่อง
    คองปากกาขีดแต้ม.............บ่เหยิงยุ่งยากซา

    ฮักภาษาจึ่งได้................. แสวงซอกความงาม
    เน้นหาอักษรศิลป์..............ใฝ่ฝันเฮียนฮู้
    ครูพักลักจำ..สุจิปุลิไว้.........เพียรเล็งแลวป่อง
    จุดหมายยังอยู่หน้า............จิเถิงเท่าที่ปอง..ปานใด๋น้อ..ผญา ผลงานของคุณเสือจนตรอก

    ทุกลมปราณซอกค้น.........ด้วยความฮักอมตะ
    มอบดวงตาดวงใจ............แก่ผลงานสร้าง
    ฝังอารมณ์จิตเกี้ยว ...........พรสวรรค์พันเกี่ยว
    เสี้ยวชีวิตบ่ฮอดฮ้อย..........ยังจิพ้อพบพาน.....

    โดย เสือจนตรอก

  2. #2
    นักการภารโรง สัญลักษณ์ของ บ่าวคนเดิม
    วันที่สมัคร
    Jan 2006
    ที่อยู่
    Amphoe Det Udom
    กระทู้
    3,753

    Re: ผญา ผลงานของคุณเสือจนตรอก

    โอ้..มาแรงอย่างนี้น่าจะนำน่ะ.... Re: ผญา ผลงานของคุณเสือจนตรอก จัดไป 1
    ขอบพระคุณสมาชิกและทีมงานที่เคารพรักทุกท่าน


Tags for this Thread