กำลังแสดงผล 1 ถึง 7 จากทั้งหมด 7

หัวข้อ: ..ผญาเก่า มาซ่อยกันฟาดข้าว ตีข้าว นวดข้าว แล้วแต่ไผสิว่าครับ..

  1. #1
    ฝ่ายเทคนิคและโปรแกรม สัญลักษณ์ของ บ่าวโจ่โล่
    วันที่สมัคร
    Dec 2006
    กระทู้
    1,433

    ..ผญาเก่า มาซ่อยกันฟาดข้าว ตีข้าว นวดข้าว แล้วแต่ไผสิว่าครับ..


    ..ผญาเก่า มาซ่อยกันฟาดข้าว ตีข้าว นวดข้าว แล้วแต่ไผสิว่าครับ..

    แสงสุรีย์ชี้ส่องฟ้า แสงทองทาเวหาแจ่ม น้ำหมอกแซมแต้มต้นหญ้า สะท้อนฟ้าสว่างใส

    สายลมใหวไปตำต้อง ข้าวสีทองนำท้องทุ่ง เตือนปูปลากบกุ้ง พากันมุ่งไปอยู่คลอง

    สายลมหนาวสิมาต้อง ห้วยและหนองน้ำสิขาด ปลาสิพลาดตกไส่บั้ง ปลาข่อนตั้งไส่ไห่นา

    ผักกะแยงแข่งยอดหญ้า สิได้ป๋านาหนองท่ม เป็นหน้าที่ผักแก่นขม สิปูพรมไปฮอดแล้ง แกงปลาย่างสิคู่กัน

    มาลงขันเฮ็ดข้าวเหม่า ไปลองเผาข้าวหลามใหม่ เป็นจังหันแต่งเตรียมไว้ ถ้าไส่บาตรแบ่งพระฉันท์

    ได้เวลาแล้วเด้อท่าน ออกพรรษาทั่วทุกถิ่น ได้เฮ็ดบุญกฐิน เหมิดจำศีลพระเจ้า เตรียมเคาะข้าวให้ซ่อยกัน

    ลมเหมันต์เข้ามาต้อง ได้ประคองปั้นเข้าจี่ น้ำขาดหลี่ขาดต้อน วอนทุกท่านให้คิดถึง เบิ่งแน่เด้อ

    [Radio]jolo/Paya/Payakorkoa.mp3[/Radio]
    ผญาเขียนได้ดนแล้วครับ แก้ไขคำเล็กน้อย และเพิ่มเสียงเว้าผญาให้ฟังครับผม


    อย่าคิดนะว่าเธออยู่ในโลกนี้คนเดียว หนทางไม่เปลี่ยวขนาดนั้น ยิ้ม ๆ ไว้ซิก็อุปสรรคต้องฝ่าฟัน ยังไงเธอก็จะมีฉันคอยห่วงใย

    สื่อบันเทิงที่นำมาให้รับชม รับฟังเป็นเพียงตัวอย่างเท่านั้น หากท่านชื่นชอบ สื่อใด โปรดซื้อสินค้าลิขสิทธิ์

  2. #2
    ดูแลตรวจสอบเนื้อหา สัญลักษณ์ของ หนุ่มเหงาคนไกลบ้าน
    วันที่สมัคร
    May 2008
    กระทู้
    2,307
    มาซ่อยกันเด้อครับเกี่ยวข้าว ตีข้าว ทุกมื้อนี้มีกะจ้างเนาะครับ

  3. #3
    ร่วมถ่ายทอดความรู้สู่สังคม สัญลักษณ์ของ ทิดจ่อย
    วันที่สมัคร
    Apr 2009
    กระทู้
    773
    หยุดเสาร์-อาทิตย์ หนึ่งหั่นคะน้อยกะไปแบกข้าวขึ้นเล้าส่อยคะเจ้าอยู่ จั่งแม่นเผิ่นเกี่ยวข้าวแล้วไวคักคนซู่มื้อนี้ ใช้แต่รถเกี่ยวนวดพร้อมหาผู้สิตีข้าวคือสมัยก่อนยากอยู่ท่านเอ้ย คันแม่นตีข้าวนอนนาคือแต่ก่อนกะสิม่วนดีอยู่...ได้บรรยากาศ

  4. #4
    ร่วมถ่ายทอดความรู้สู่สังคม สัญลักษณ์ของ จำปา
    วันที่สมัคร
    Nov 2009
    กระทู้
    1,367

    ..ผญาเก่า มาซ่อยกันฟาดข้าว ตีข้าว นวดข้าว แล้วแต่ไผสิวา...

    ...โอนอ..พี่น้องบ้านมหาเอ้ย
    อย่าสูเสยเลยถ่อน เอาคำสอนของพ่อแม่
    ทั้งเถ้าแก่อ้ายน้อง ผู้ครองหมั่นต่อฮีดหลัง
    พากันฟังแล้วฟ้าว นำอ้ายบ่าวโจโล่ขาน
    เผิ่นมาวานพวกพี่น้อง ไปซ้อซ้องซอยฟาดข้าว
    ซุมผู้สาวหนุ่มบ่าวน้อย ได้มาซอยซูมตู้มกัน
    วันสำคัญมาฮอดแล้ว อย่าสุแจ้วหาท่างหนี
    ฟ้าวมาซอยกันตี จังสิดีแล้วไวงาย
    ไว้โดนหลายมันสิหล่า ฝนตกมาเป็นแนวใหม่
    มาไวไวพี่น้อง ตีกองก้องดังสะนัน(กองข้าว)
    ความสัมพันอย่าไห้ม้าง ลาฮ้างแห่งอีสานเด้อ...พี่น้องเอย

    ต้องขอโษทเด้อค่ะคันคำได๋บ่คล่องคลองหูกะดายผึ่งหัดแต่งใหม่แหมะค่ะ..ผญาเก่า มาซ่อยกันฟาดข้าว ตีข้าว นวดข้าว แล้วแต่ไผสิวา...

  5. #5
    ร่วมถ่ายทอดความรู้สู่สังคม สัญลักษณ์ของ เมษา
    วันที่สมัคร
    Jan 2009
    ที่อยู่
    ไทย & ยูเค
    กระทู้
    967
    สมัยนี่เพิ่นยังมีตีเข่าแบบนี่อยู่บ่หือ หรือว่าหมดยุคแล่ว

    สมัยเมษาน่อยๆ เพิ่นก่ามาซอยกันตีเข่าแบบนี่แหล่ะ ม่วนหลาย

    มักตอนกินเข่าเวนหน่ะ นั่งกินเข่ากันกลางลาน อากาศก่าเย็นๆแดดก่าดีหลาย

    คือมีความสุขหลายเนาะ อยากย้อนเวลาแท้น้อ

  6. #6
    ดูแลตรวจสอบเนื้อหา สัญลักษณ์ของ pcalibration
    วันที่สมัคร
    Nov 2008
    ที่อยู่
    เมืองฉะเชิงเทรา(แปดริ้ว)
    กระทู้
    1,883
    บล็อก
    1

    ยุคสมัยมันส่วย งัวค.ว.ยบ่ได้ป่อย คนก่ะพลอยขี่คร้าน
    นอนอยู่บ้านเบิ่งละคร บ่ออนซอนเลยเจ้า บ่เคยซาวดอกนำฝ่อน
    ลืมฮอดฆ้อนเคาะเข่า ผุ้นตั๊วเจ้าม่ะส่างเป็น เห็นแต่รถไถถ่า ไถนาเทิงเก็บเกี่ยว
    เฮ็ดมื้อเดียวแล้วก่ะแล้ว แนวเงินจ้างต่างคน สาละวนแต่ทางใช้ เหมิดกำไรสิกู้ต่อ ธกส.ผัดแห่งจ้น เที่ยวมาหม่นแต่สิทวง บัญชีหลวงเอานาค้ำ บัญชีดำเอาหัวโขก
    โลกเอ๊ยโลกส่างวุ่น ตลาดหุ้นเผิ่นแฮ่งวาย คันสิขายนาถิ่ม นอนเก็กซิมฮอดยามจ่าย
    เงินขายเข่าก่ะบ่คุ้ม ปัญหาหุ่มอยู่บ่เซา เศร้าหลายเด๊นอ..น๊อ..บ่าวโจ่โล่..เอ๊ย
    .......
    แก้ไขครั้งสุดท้ายโดย pcalibration; 28-11-2009 at 12:42.

  7. #7
    ศึกษาหาความรู้
    วันที่สมัคร
    May 2009
    กระทู้
    28
    โอ้ย ฟังคิดฮอดความเก่าเด้ แถวบ้านบ่อ มีแล้วครับ ตีข้าว ฟาดข้าวนี่
    ใช้รถเกี่ยว รถสีกันเบิ้ด ครับ

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •