หน้าที่ 1 จากทั้งหมด 4 หน้า 123 ... หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 36

แจ้ง...ผู้บ่าวบ้านมหามาสมัครเป็นการ์ดคุมงาน

  1. #1
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,311

    แจ้ง...ผู้บ่าวบ้านมหามาสมัครเป็นการ์ดคุมงาน

    แจ้ง...ผู้บ่าวบ้านมหามาสมัครเป็นการ์ดคุมงาน

    ...ฝ่ายแม่ญิงบ้านมหา เพิ่นมีการประกาศรับอาสาสมัครรำบายศรี(บ่แม่นรำบายอ้ายศรีฯเด้ พะนะ) ทางฝ่ายซายบ่ประกาศดอก เดี๋ยวสิไปซ้ำหัวข้อเพิ่น เลยขอแจ้งมาเพื่อทราบว่า ตอนนี้ทางแผนกรักษาความปลอดภัยหมู่บ้านเฮา ขาด จนท.หรือการ์ดคุมงานอยู่หลายอัตรา เลยสิขอแจ้งมายังผู้บ่าวบ้านมหา บ่ว่าสิเป็นผู้บ่าวส่ำน้อย ผู้บ่าวส่ำข้อย หรือผู้บ่าวหลายไปกว่าข้อย มาสมัครเป็นการ์ดคุมงานบ้านมหาพาแลง ๒ ซึ่งสิจัดขึ้นอีกบ่จักเดือนนี้ พเราะทางคณะกรรมการหมู่บ้านมาพิจารณาแล้วว่างานนี้เป็นงานใหญ่ คนหลาย อาจสิมีผู้ขี้ดื้อหรือบ่หวังดีมาก่อกวนหมอร้องหมอลำนักเต้น นักดนตรีในงาน เพราะที่แล้วมาขนาดจัดบ่ใหญ่ ผ้าโสร่งหมอแคน ส่งน้อยนางเอก สิ่นหมี่เมียหัวหน้าคณะยังเสีย แถมเกิบผู้ใหญ่บ้านขาดๆยังมีคนลักเอา แล้วยังหาโตผู้ลักบ่ได้เท่าปานนี้...(เสียดายเด้ เว้าพื้นผ้าโสร่งมาแมะ แม่เถ่าอุตส่าห์ต่ำให้..ไหมลืบอย่างดี เมียป้อยอีกต่างหาก..ตายซ้ำเถาะ อยากเอ้เจ้าของหลาย ไปตั้งกวงไกลยังหอบไปนำ พะนะ) เลยเห็นพ้องต้องกันว่า ต้องคุมเข้มแล้ว งานต่อไปนี้ โดยผู้ที่สิมาสมัครต้องมีคุณสมบัติดังนี้

    ๑. อายุบ่เกิน ๕๐ ปี บริบูรณ์ บ่บริบูรณ์กะซ่าง
    ๒. ร่างกายกำยำ ล่ำสัน..คือผู้แจ้งนี้หละ
    ๓. ถ้าบ่ได้ตามข้อ ๒. กะขอให้เป็นคนสูงยาว เข่าดี และตีเข่าเป็นด้วย
    ๔. ถ้าบ่ได้ตามข้อ ๒ และข้อ ๓ กะขอให้เป็นคนแล่นไว หลบเก่ง ปราดเปรียว...คือข้อยนี้หละ อิ อิ
    ๕. ถ้าบ่ได้ทั้ง ๔ ข้อ กะไปอยู่แผนกเฝ้าเสื้อผ้าหมอลำหมอร้องฝ่ายญิงซะ อย่ามาสมัคร...บ่รับ


    สมัครได้โดยตรงที่พ่อใหญ่ศรี โอ๊ะ อ้ายศรีฯ ค่าสมัคร ร้อยซาวกับเหล้าขาวขวดน้อย งานนี้ เบี้ยเลี้ยงบ่มี แต่กินฟรีตลอด เผลอๆอาจสิได้ต๊อดนั่งข้างหมอลำ

    ปล.เงินค่าสมัครกับเหล้าขวดน้อย หลังจากแล้วงาน อย่าคึดว่าสิได้คืน เพราะสิเอาไปใส่คายทำพิธีเฮ็ดผ้ายันต์กันค้อนกันขวด หรือของแข็งที่สิปลิวมาในงาน อิ อิ อิ เฮ็ดกะเฮ็ดให้ จนท.ที่มาสมัครนี้หละ ไว้แขวนคอเพื่อความปลอดภัยเนาะ ฟ้าวมาด่วนเด้อ จองคิวไว้แต่เนิ่นๆ

  2. #2
    ดูแลตรวจสอบเนื้อหา สัญลักษณ์ของ แหลวแดง
    วันที่สมัคร
    Mar 2008
    กระทู้
    2,194
    แม่นคับแม่นต้องประกาศรับสมัครไว้แต่เนิ่นๆจั่งซี้หละ ย้านพวกขบวนการไม้ลำปอเอาไม้ลำปอไปแหย่หมอลำฝ่ายหญิงสั่นดอก อิอิ หัวหน้าต้องยกให้ใหญ่ศรีฯกับอ้ายพลเด้อ อยู่ในเกณฑ์ทุกข้อเลยคับ อิอิ
    เว้าเป็นตาหน่ายเนาะ ไปเฝ้าซิ่นให้หมอลำฝ่ายหญิงว่าติ๊ 5555
    ::)::)::)

  3. #3
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,311
    หืย..บ่เฝ่าจั่งใด ปีที่แล้ว จักสิ่นจักชุดเต้นแดนเซอร์ เสียไปจักว่าจักโตเนาะ ขนาดผ้าโสร่งข้อยขาดๆ ตาบแล้วตาบอีก แถมบ่ได้ซักเป็นอาทิตย์อีก ยังถืกลักแมะ หน่ายยังว่า อิ อิ อิ จักแม่นลูกหลานไผมาซ่างขี้ดื้อแท้

  4. #4
    ดูแลตรวจสอบเนื้อหา สัญลักษณ์ของ แหลวแดง
    วันที่สมัคร
    Mar 2008
    กระทู้
    2,194
    กระทู้ต้นฉบับโดยคุณ ศรีสะท้าน
    หืย..บ่เฝ่าจั่งใด ปีที่แล้ว จักสิ่นจักชุดเต้นแดนเซอร์ เสียไปจักว่าจักโตเนาะ ขนาดผ้าโสร่งข้อยขาดๆ ตาบแล้วตาบอีก แถมบ่ได้ซักเป็นอาทิตย์อีก ยังถืกลักแมะ หน่ายยังว่า อิ อิ อิ
    ขะเจ้าหมั่นไส้สื่อๆดอก ใส่ผ้าสะโหร่งขาดบ่สมฐานะพ่อหมอธรรมหลาย ขะเจ้าเลยลักไปเซี่ยงลืม อิอิ เว้าเป็นตาเหลือโตนผู้เพิ่นบ่มีคุณสมบัติสั่นดอก คือสินั่งเฝ้าชุดหางเครื่องมืนตาแมบๆอยู่เนาะ โอ๊ย เว้าแล้วกะเห็นภาพ เป็นตาอยากหัวหลาย 5555::)::)::)

  5. #5
    ผู้ช่วยผู้ใหญ่บ้านมหา
    มิสบ้านมหา 2012
    สัญลักษณ์ของ ติ๊กต็อค
    วันที่สมัคร
    Mar 2007
    กระทู้
    2,197
    บล็อก
    3
    ๒. ร่างกายกำยำ ล่ำสัน..คือผู้แจ้งนี้หละ --------> กร๊ากกกกกกก

    โอ๊ะๆๆ ลืม รักษาพิคเจอร์

  6. #6
    ผู้ช่วยผู้ใหญ่บ้านมหา
    Mr.Reception
    สัญลักษณ์ของ คนตระการ...
    วันที่สมัคร
    Feb 2008
    กระทู้
    4,718
    นักรบศรีวิชัย การด์พันทมิตรกะไปแล้ว ::) แล้วอ้ายศรีสิตั้งซื่อหยั๋งล่ะครับ นักรบศรีอีสาน การด์บ้านมหา ::) ผมบ่อได้สมัรคนำดอกคร้านพาขี้เหล้าเมือส่งเดี่ยวสิว่านี่กะคือหน้าที่ของการด์::)

  7. #7
    ผู้ช่วยผู้ใหญ่บ้านมหา สัญลักษณ์ของ nuzing
    วันที่สมัคร
    May 2007
    ที่อยู่
    ตกฟากอยู่อุบล เป็นคนชราบางแคแล้ว
    กระทู้
    2,550
    บล็อก
    5
    อั่น...ใหญ่เอ๊ย...ยายคือจนปัญญาหลายไปเว่าไปออยซุมผู่บ่าวบ้านมหาให้ไปยื่นใบสมัครเป็นการ์ด.มีแต่ผู่สั่นหัว งึกๆๆ หื่อๆๆๆ..ถีบบักท่าวบ่าวไทกสินมามันกะบ่เอา เคิกเบิ่งขาขาวๆสาวลำซิ่งบ่ๆๆยายหว่าซั่น ::) ท่าวชายน้อยซิสนใจแหน่ตำแหน่งอาสาพานางเอกหมอลำไปเหงี่ยว ::)ถ่าบ่มีลูกบ้านสมัครกะเอาเถ่าผ่อใหญ่บ้านโลดเนาะใหญ่จั่งสิคุมอยู่ ::)

  8. #8
    ศิลปิน นักร้อง นักแสดง สัญลักษณ์ของ พงศ์น้อย ส กสิน
    วันที่สมัคร
    Jan 2007
    ที่อยู่
    ผมไม่รู้ ผมนอนนา
    กระทู้
    1,171
    บล็อก
    5
    ถูกต้องที่สุดเลยยาย งานนี้สิไปซ้อมๆเบิ่งให้ดอกใหญ่ศรี หุ่นอย่างนี้เอาบ่ มีมือมีตีน (มือเอาไว้ไหว้ ตีนเอาไว้แล่น อิอิ) ต่ะว่าคาใจ อยากอยู่แผนกพานักร้องหญิงและแดนเชอร์ไปเหยี่ยวนี่แหล่ว ฮ่าๆๆๆ

  9. #9
    ท่องเวบ สัญลักษณ์ของ pui.lab
    วันที่สมัคร
    Jul 2006
    ที่อยู่
    โสดไม่มีใครเอา หรือว่าเราไม่เอาใคร
    กระทู้
    10,045
    บล็อก
    8
    ก๊ากกกกกกก ฝ่ายชายรับสมัครการ์ดคุมงาน คุณสมบัติมีแต่่คักๆ ขอหัวจักบาดแน่ะ ::)
    หัวหน้าการ์ดมีไผแน๊น้อ อ้ายศรีหัวหน้า่ อ้ายแหลวรองหัวหน้า พงศ์น้อย ผช.หัวหน้าการ์ดติ้
    ก๊ากกก ย่านการ์ดเมาก่อนเด้
    ::) ::)

  10. #10
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    6,362
    บล็อก
    23

    เบิ่งๆๆ..

    [IMG]เบิ่งๆๆ..[/IMG]

    ..เบิ่งเอาโลดพวกพนักงานการ์ดอ่ะจ้าพี่น้อง..มาก่อนหมู่ เมาก่อนหมู่นำ ตกดึก กะไปก่อนหมู่ คือกัน.ฮ่าๆๆ..::)