ส้มกระดูกหมู(แหนมซี่โครงหมู)สูตรดั้งเดิม
หลายคนคือสิเคยกินส้มกระดูกหมู(แหนมซี่โครงหมู) แล้วคงสิคิดว่าวิธีเฮ็ดนั้นคงสิยาก จริงๆแล้วส้มกระดูกหมูเฮ็ดง่ายๆเองเด้อครับ ฅนภูไทมีสูตรง่ายๆสะอาดและปลอดภัยมาสู่พี่น้องบ้านมหา มาเบิ่งกันเลยครับ
ขั้นตอนแรกเฮากะเลือกเอากระดูกหมูเลือกเอาแต่กระดูกอ่อนๆที่ติดเนื้อมันเด้อครับ
ทีนี้เฮากะมาปรุงกันเลยครับ ใส่กระเทียม เกลือ ผงชูรส แล้วกะข้าวเหนียวลงไป(แช่น้ำจักน่อยเด้อครับ)เวลาคั่นมันจั่งบ่เป็นก้อน
จัดการคั่นให้เข้าเนื้อเข้าหนัง กะว่าให้เครื่องปรุงเข้ากันดีแล้ว เฮากะตักใส่ถุง มัดให้แน่น หรือสิปิดฝาให้มิดชิดแล้วทิ้มใว้จักสองคืน
พอมันเป็นเฮากะเอามาทอดกินได้ได้เลยครับ ที่เหลือค่อยเอาไปแช่ตู้เย็น เก็บไว้กินโดนๆ สิกินกับข้าวสวยหรือข้าวเหนียวกะแซบ 8)
หรือสิทอดกินกับตำบักหุ่งคือฅนภูไทกะแซบไปอีกแบบครับ (t 8)
ปล. เคร็ดลับเพื่อเพิ่มความหอมความแซบให้เยาะซอสแม๊กกี้ใส่นำจักหน่อยเด้อครับ
Bookmarks