ของหวานถ้วนนี่จัดให้ตามคำขอของน้องครูแก้มจ้า(แก้มแดงแรงใจ)
อิอิ...อย่าขอเมนูของหวานมาดู๋หลายเด้อแฟนคลับกะดาย คนเฮ็ดแล้วกะกิน แม่นทางนี่ใด๋...::)
ส่วนผสม...บ่มีหยังหลาย ถั่วเขียวซีก(บางคนเอิ้นถั่วเหลือง) กะเอาเด้อ บ่ได้ตวงตายโตเด๋...
เอาถั่วแช่น้ำค้างคืนไวโลด...ยามเช้ามากะนึ่งให้สุก เตรียมไว้
น้ำตาลทราย แป้งมัน กะทิ เกลือนิดหน่อย...
หม้อใส่น้ำตั้งไฟกะให้ท่วมถั่วกะพอ พอเดือดใส่ถั่วที่นึ่งแล้ว ใส่น้ำตาล ชิมเบิ่งมักหวานประมาณใด๋..
พอได้ความหวานตามมัก แล้วกะเอาแป้งมันละลายน้ำใส่ลงไปกะสิเป็นข้นๆ ปิดไฟ
กะทิ...ใส่หม้อตั้งไฟ พอฮ้อนใส่เกลือ...ใส่แป้งมันลงไปพอข้นๆ ปิดไฟ(คั่นมักกะทิหวานๆกะใส่น้ำตาลลงไปนำจ้า)
ตักเต้าส่วนใส่ถ้วย...ตักกะทิราด หลายหน่อยกะแล้วแต่ผู้กินมักหละจ้า...เชิญแซบ..ง่ายๆแต่แซบ...อิอิ
Bookmarks