กำลังแสดงผล 1 ถึง 4 จากทั้งหมด 4

พรปีใหม่ จากใจโป้ยก่าย

  1. #1
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,619

    พรปีใหม่ จากใจโป้ยก่าย

    บัดนี้ ก่ายสิแถมพรให้ศรัทธาไทยทุกๆท่าน
    ถือเอาคองโบราณคำอี่สานภาคพื้นมาแถมให้ส่งพร
    ว่าเป็นกลอนทำนองแหล่นำพรชัยให้เสริมส่ง
    สมประสงมาดแม่งมโนเจ้าให้ซื่นบาน
    วาระกาลฮอดบ่อนบั่นปีเก่าเวียนบรรจบ
    ครบสิบสองเดือนเต็มผ่านสามฤดูค่อย
    ลมวอยๆหนาวสะบั้นธันวาเดือนสิ้นปีเก่า
    มกราตั้งเค้าพวมสิเข้าเปลี่ยนปี
    ในดิถีปีใหม่นี้ให้มีแต่ความสุข
    อันตรายความทุกข์อย่าผ่านกลายมาใกล้
    ให้มีชัยกันทั่วหน้าเด้อพี่น้องบ้านมหาให้กายาผุดผ่อง
    ให้มีเงินมีทองไหลเข้ามาอั่งล้นเหลือใช้จ่ายบ่ไหว
    คันมีเงินเหลือใช้ให้โป้ยก่ายขอยืมเอาไปเป็นเงินทุน
    แต่งเมียมานอนซ้อน......................................
    ฮ้วย ! มาคือลงจั้งซี้น้อบัดนี อิอิ..........แนวคนบ่มีลูกมีเมียเนาะ
    มันหนาวเลยหลงปากไปสั้นหละ อย่าสุซากันเด้อพี่น้องเอ้ย

  2. #2
    ขอให้อ้ายและครอบครัวจงมีแต่ความสุขความเจริญคิดหวังสิ่งใด่กะขอให้สมหวังเด้อครับให้ร่ำๆๆรวยๆๆซื้อหวยถูกเด้อ

  3. #3
    ฝ่ายบริหารระดับสูง สัญลักษณ์ของ พล พระยาแล
    วันที่สมัคร
    Mar 2008
    กระทู้
    6,941
    ปีใหม่ขอให้เพื่อนและครอบครัว (ถ้ามี) จงมีความสุขในทุกสิ่งทุกอย่างที่ตั้งใจไว้

    เดินทางไปไหนมาไหนขอให้ปลอดภัย มีสุขภาพร่างกายแข็งแรง อย่าเจ็บ และอย่าจน

    ขอให้เป็นคนดีของสังคม มีกัลยาณมิตรแวดล้อม มีบริวารที่จงรักภักดี เด้อเพื่อนเด้อ




    (ไม่ได้พบกันนานเลยน้อเพื่อน โทรศัพท์กะปิดพะนะ)

  4. #4
    Super Moderator
    Guide & Photographer
    สัญลักษณ์ของ เจ้าซายน้อย
    วันที่สมัคร
    Sep 2007
    ที่อยู่
    อยู่ในใจเสมอ
    กระทู้
    1,550

    รอบยิ้มพิมใจ สวัสดีปีไหม่ครับ

    สาธุการ นมาน้อม พร้อมกล่าวอวยพร
    ปีเก่าผ่านลาจร อวยพรปีไหม่พร้อม
    ประนมมือนอบน้อม จรดหว่างเกษา
    ขอพรองค์พระสัมมา สัมโพธิ์พุทธเจ้า
    ยอยกเหนือเกศเกล้า อวยพรเจ้านั่นซุคน...สาถ่อน


    ขอให้มีสุขล้น ทุกๆคนเด้อปีไหม่...เด้อครับเด้อ
    ขอให้สุขภาพ พลานามัย ผ่องใสอย่ามีล้า
    ขอให้เจริญก้าวหน้า บุญผลาเสริมส่ง
    ขอให้มีความมั่นคง จงเจริญทุกด้าน การงานพร้อมนั่นซุแนว
    ขอให้เจ้าคลาดแคล้ว เหตุฮ้ายภัยพิบัติ
    ขอให้มีวาจาสัตย์ มุสาอย่ามาแผ้ว
    ขอให้ได้หน่วยแก้ว มณีนิลดวงประเสริฐ
    ขอให้เกิดแต่สิ่งดี อย่าสุมีแนวฮ้าย มา-กลายกล้ำให้หม่นหมอง
    ขอให้ฉลองยศถา ศักดินาหลายๆขั้น
    ขอให้ทุกๆท่าน สุขสันต์เด้อปีไหม่
    อวยพรชัยเด้อซ่ำนี้ สาธุพร้อมแด่ทุกคน....สาธุ


    เจ้าซายน้อย


Tags for this Thread