พรปีใหม่ จากใจโป้ยก่าย

[โป้ยก่าย]

บัดนี้ ก่ายสิแถมพรให้ศรัทธาไทยทุกๆท่าน
ถือเอาคองโบราณคำอี่สานภาคพื้นมาแถมให้ส่งพร
ว่าเป็นกลอนทำนองแหล่นำพรชัยให้เสริมส่ง
สมประสงมาดแม่งมโนเจ้าให้ซื่นบาน
วาระกาลฮอดบ่อนบั่นปีเก่าเวียนบรรจบ
ครบสิบสองเดือนเต็มผ่านสามฤดูค่อย
ลมวอยๆหนาวสะบั้นธันวาเดือนสิ้นปีเก่า
มกราตั้งเค้าพวมสิเข้าเปลี่ยนปี
ในดิถีปีใหม่นี้ให้มีแต่ความสุข
อันตรายความทุกข์อย่าผ่านกลายมาใกล้
ให้มีชัยกันทั่วหน้าเด้อพี่น้องบ้านมหาให้กายาผุดผ่อง
ให้มีเงินมีทองไหลเข้ามาอั่งล้นเหลือใช้จ่ายบ่ไหว
คันมีเงินเหลือใช้ให้โป้ยก่ายขอยืมเอาไปเป็นเงินทุน
แต่งเมียมานอนซ้อน......................................
ฮ้วย ! มาคือลงจั้งซี้น้อบัดนี อิอิ..........แนวคนบ่มีลูกมีเมียเนาะ
มันหนาวเลยหลงปากไปสั้นหละ อย่าสุซากันเด้อพี่น้องเอ้ย

[หนุ่มเหงาคนไกลบ้าน]

ขอให้อ้ายและครอบครัวจงมีแต่ความสุขความเจริญคิดหวังสิ่งใด่กะขอให้สมหวังเด้อครับให้ร่ำๆๆรวยๆๆซื้อหวยถูกเด้อ

[พล พระยาแล]

ปีใหม่ขอให้เพื่อนและครอบครัว (ถ้ามี) จงมีความสุขในทุกสิ่งทุกอย่างที่ตั้งใจไว้

เดินทางไปไหนมาไหนขอให้ปลอดภัย มีสุขภาพร่างกายแข็งแรง อย่าเจ็บ และอย่าจน

ขอให้เป็นคนดีของสังคม มีกัลยาณมิตรแวดล้อม มีบริวารที่จงรักภักดี เด้อเพื่อนเด้อ




(ไม่ได้พบกันนานเลยน้อเพื่อน โทรศัพท์กะปิดพะนะ)

[เจ้าซายน้อย]

สาธุการ นมาน้อม พร้อมกล่าวอวยพร
ปีเก่าผ่านลาจร อวยพรปีไหม่พร้อม
ประนมมือนอบน้อม จรดหว่างเกษา
ขอพรองค์พระสัมมา สัมโพธิ์พุทธเจ้า
ยอยกเหนือเกศเกล้า อวยพรเจ้านั่นซุคน...สาถ่อน

ขอให้มีสุขล้น ทุกๆคนเด้อปีไหม่...เด้อครับเด้อ
ขอให้สุขภาพ พลานามัย ผ่องใสอย่ามีล้า
ขอให้เจริญก้าวหน้า บุญผลาเสริมส่ง
ขอให้มีความมั่นคง จงเจริญทุกด้าน การงานพร้อมนั่นซุแนว
ขอให้เจ้าคลาดแคล้ว เหตุฮ้ายภัยพิบัติ
ขอให้มีวาจาสัตย์ มุสาอย่ามาแผ้ว
ขอให้ได้หน่วยแก้ว มณีนิลดวงประเสริฐ
ขอให้เกิดแต่สิ่งดี อย่าสุมีแนวฮ้าย มา-กลายกล้ำให้หม่นหมอง
ขอให้ฉลองยศถา ศักดินาหลายๆขั้น
ขอให้ทุกๆท่าน สุขสันต์เด้อปีไหม่
อวยพรชัยเด้อซ่ำนี้ สาธุพร้อมแด่ทุกคน....สาธุ

เจ้าซายน้อย