อ่อมไก่ใส่ผักชี
มื้อนี้ฅนภูไทสิอ่อมไก่สู่กินเด้อ อ่อมไก่เป็นเมนูที่ฮิตที่คนอีสานนิยมเฮ็ดกินกัน อ่อมใส่ผัก ที่นิยมกันหลายกะคือผักชีลาวบ้านเฮา มาเบิ่งกันเลยครับ
ขั้นตอนแรกกะจัดการสับไก่ให้เป็นต่อนน้อยๆกะพอคำ
ใส่เครื่องแกงโอ๊ะเครื่องอ่อมแมะ ลงไป เครื่องแกงกะมี พริก ตะไคร้ ข่า ตำให้ละเลียด อย่าลืมใส่น้ำปลาแดกลงไปนำ
ทีนี้เฮากะเอาขึ้นค้างไฟคั่วให้เครื่องอ่อมซึมเข้าไปในเนื้อไก่จนหอม แล้วจั่งใส่น้ำลงไป
พอน้ำเดือด เฮากะใส่ผักชี ต้นหอม ผักอีตู่ลงไป ปรุงรสตามใจชอบ พอผักสุกดีแล้วกะยกหม้อลง
ตักใส่ถ้วยเสริฟกำลังฮ้อนๆพร้อมข้าวเหนียว 8)
Bookmarks