หน้าที่ 1 จากทั้งหมด 4 หน้า 123 ... หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 35

. ...ลาบอีปู... .

  1. #1
    เจ้าหน้าที่ประชาสัมพันธ์ สัญลักษณ์ของ ใบไม้สีชมพู
    วันที่สมัคร
    Jun 2006
    กระทู้
    3,025

    . ...ลาบอีปู... .


    วันอาทิตย์หวั่งหั่น น้าเพิ่นแวะมารับลูกซายหล่าเพิ่นอยู่สัตหีบ เพิ่นเลยแวะมาพักอยู่พัทยานำคืนหนึ่ง เอื้อยของใบไม้สีชมพูกะเลยฝากข้าวสารเจ้าหอมๆมาให้น้องสาวหล่าเพิ่น ที่ขาดบ่ได้สำหรับหน้านี่กะคืออีปูที่เพิ่นไปก่นมาให้โดยเฉพาะ เพิ่นฮู้ว่าน้องสาวหล่าเพิ่นอยากกิน เพิ่นเลยไปก่นมาหลายเติบ แล้วก็ยังใจดี ตำน้ำปูแล้วก็เคี่ยวมาให้เรียบร้อย ใบไม้ฯกะเลยซำบาย เอาปูที่ได้มามาเฮ็ดลาบ เฮ็ดอ่อม ตามใจมักเลย หยุดปีใหม่สองมื่อบ่ได้ไปไสก็เฮ็ดเมนูปูนั่นแล้วกิน

    มื่อนี้ลองเฮ็ดลาบปูเบิ่งก่อนค่ะ ปกติกลับบ้านนอกเฮา บ่ได้เข้าครัวจั๊กเทือ มีแต่เอื้อยเฮ็ดสู่กิน มื่อนี้ลองเบิ่งค่ะ สิกินได้บ่ กินบ่ได้กะต้องกินเนาะค่ะ เจ้าของเฮ็ดเอง อิอิ

    . ...ลาบอีปู... .

    ถ้วยนี้คือปูที่เอื้อยเพิ่นเคี่ยวมาให้แล้วเรียบร้อยค่ะ ก่อนสิเป็นแบบนี้ เพิ่นกะล้างปูนาบ้านเฮาให้สะอาด แกะปูแบ่งเป็นสองส่วน ส่วนกระดองกับส่วนอกปู สมัยเป็นเด็กน้อย ใบไม้ฯสินั่งแยกเพศกะปูนำ อิอิ เอื้อยเพิ่นตำส่วนที่เป็นอกปู ตำให้แหลกๆ หมุ่นๆ แล้วมากรองเอาแต่น้ำ แล้วก็เอาไปตั้งไฟเคี่ยว คนอยู่เรื่อยๆบ่ให้ไหม้ แล้วก็เอามันปูที่แคะออกจ้ากระดองลงมาเคี่ยวใส่นำกัน

    ใบไม้สีชมพูบ่ต้องตำให้ยุ่งยาก แค่เอาปูในถ้วยข้างบนมาตั้งไฟ แล้วก็เตรียมเครื่องลาบให้เรียบร้อย พริกผง ข้าวคั่ว เอื้อยกะส่งมาให้นำ หอมอีหลี ซื้ออยู่ตลาดกะบ่หอมจั่งซี้เลยค่ะ สั่นต้นหอม ผักชี หอมแดง พริกสด มะนาว (ถ้าอีแม่เฮ็ดเพิ่นสิใส่น้ำมะนาวเปียก) สูตรของอีแม่แซบกว่าของเอื้อยอีก แต่อีแม่เพิ่นบ่เข้าครัวโดนแล้วค่ะ

    . ...ลาบอีปู... .


    เอาปูตั้งไฟเดือดแล้ว ก็ยกลงจากเตาให้เย็นจักหน่อย แล้วค่อยเอามาปรุงค่ะ ผักกะจัดหาตามสะดวก ตามใจมักค่ะ ลองซิมบ่ค่ะ ว่าแซบบ่ ลาบอีปูถ้วยนี้

    . ...ลาบอีปู... .

    มื่อหลังสิมาอ่อมปูสู่กินค่ะ เพิ่นฝากน้ำปูมาบ่หลาย กะเลยหยอมเฮ็ดกินเทือละหน่อยค่ะ อิอิ
    ของดีมีหน่อยเพิ่นว่า
    ::)


  2. #2
    BIG ASS
    Guest
    สุดยอดดดดดดดด เป็นตาแซบแท้น้อ คุ๊ยนำจักคำแหน่เด้อครับ สงสัยมีแต่โตแหม่ แม่นบ่อครับ(อีปู)8):g::)

  3. #3
    เว่ามากะน้ำลายใหลตั้วครับอยากมานานแล้วแต่กะบ่อใด่กินจักเทื่อเมื่อนี่ซ่ำใด่กลับบ้านน้อขอคำข้าวคุ้ยนำแน่เด้อ

  4. #4
    เจ้าหน้าที่ประชาสัมพันธ์ สัญลักษณ์ของ ใบไม้สีชมพู
    วันที่สมัคร
    Jun 2006
    กระทู้
    3,025
    ผู้บ่าวบิ๊กแอ๊ส-คุ้ยคำน่อยๆเด้อจ้า อย่ากินคำใหญ่หลาย เดี๋ยวใบไม้ฯสิบ่อิ่มจ้า ถามเอื้อยผู้ตำแล้วจ้า ถ้วยนี่ผสมมาเทิงปูตัวผู้กับโตแมจ้า ถ้าใบไม้ฯเฮ็ดเอเอาแต่โตแมจ้า นั่งแกะท้องปู กะเตี่ยวปู กว่าสิได้กินกะโดนเติบเนาะค่ะ

    ผู้บ่าวหนุ่มเหงาคนไกลบ้าน-เมียบ้านเฮายามได๋กะสิหาแต่ของมัก ของแซบๆกินจ้า เมื่อวานน้องเพิ่นอยู่หอเดียวกันได้หนูพุกบ้านเฮามา เพิ่นว่าสิผัดเผ็ดสู่กิน ใบไม้ฯบ่กินหนูจ้า แต่ว่าสิไปถ่ายรูป เก็บสูตรมาฝาก ถ้าไปพ้อมื่อเพิ่นเฮ็ด

  5. #5
    ร่วมถ่ายทอดความรู้สู่สังคม สัญลักษณ์ของ โชติ
    วันที่สมัคร
    Mar 2008
    ที่อยู่
    bbk
    กระทู้
    786
    โทษเด้อครับ บ้านอยู่ทางได๋น้อคือมีลาบปู แต่กะเป็นตาแซบน้อครับ อยากกินนำจังเลย อิอิ

  6. #6
    เจ้าหน้าที่ประชาสัมพันธ์ สัญลักษณ์ของ ใบไม้สีชมพู
    วันที่สมัคร
    Jun 2006
    กระทู้
    3,025
    ผู้บ่าว Demons-บ้านใบไม้ฯอยู่โคราชค่ะ แปะๆขอนแก่นพู้นจ้า แนวกินหลายค่ะ ปูนา กบ แมงจินูน ถ้าหมั่นหาบ่อดบ่อยากจ้า ตอนนี้ยังพอมีเหลืออยู่ค่ะ ไว้มื่อหลังสิให้กินอ่อมกะปูมาให้กินจ้า แต่ถ้ากินป่ม บ่ให้กินนำเด้อจ้า

  7. #7
    เอามาเบิ่งแน่เด้อละครับผัดเผ็ดหนูนะครับเดี่ยวถ้ารอกินยุครับอยากคือกันหนูผุกตัวใหญ่ๆๆนะคิดฮอดบ้านเลยละครับ

  8. #8
    เจ้าหน้าที่ประชาสัมพันธ์ สัญลักษณ์ของ ใบไม้สีชมพู
    วันที่สมัคร
    Jun 2006
    กระทู้
    3,025
    อย่าลืมมาซิมเด้อจ้า น้องคนนี้ไทสกลค่ะ เพิ่นเฮ็ดแซบอยู่จ้า

  9. #9
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    6,362
    บล็อก
    23
    ปร๊าดด มีฮอดลาบปูเด้อพี่น้อง..อยากกินเด้ะเนาะ..ส่างเฮ็ดเป็นเนาะเจ้ากะดาย.. :g

  10. #10
    Super Moderator สัญลักษณ์ของ หมูน้อย
    วันที่สมัคร
    Jul 2007
    ที่อยู่
    เหนือสุดในสยาม
    กระทู้
    2,046
    บล็อก
    17
    เป็นตาแซบแท่พี่สาว...อยากกินๆๆๆๆๆ
    ...ขอชิมหน่อยนะ...อิอิอิ..แอบชิมก่อนคนทำดีกว่า..


Tags for this Thread