หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 18

หัวข้อ: อดีดฮักเถียงนาโนน

  1. #1
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,603

    อดีดฮักเถียงนาโนน

    นั่งอยู่เถียงนาน้อยหัวใจลอยมาคิดพ้อความเก่า - เด้น้อ
    หยืดคอส้องว้อคือโตน้องสิผ่านมา
    โนนหัวนาบ่อนเคยเว้าลอมกองเฟืองหม่องเคยนั่ง
    ยังคิดฮอดความหลังอดีดฝังตั้งแต่กี้เคยมีน้องนั่งเฮียง
    ได้ยินเสียงนกเขาคู้สักกุณาฮ้องหาคู่ยามอ้ายคิดฮอดซู้จักสิเอิ้นใส่ผู้ใด๋
    ตะวันลับป่าไม้แนวป่าพนาสนคิดฮอดคนเคยฮักบัดค่ำแลงลงค้อย
    หัวลมวอยพานต้องขอบฟ้าเป็นสีทองหัวใจอ้ายหนาวสั้น
    เฮาเคยนั่งคุยกันยามตะวันลับขอบฟ้าอ้ายเอาผ้าตุ้มห่มนาง
    เถียงนาฮักบ่ทันฮ้างนางมาห่างบ่คืนดอนใจอาวรณ์ความหลังนั่งละเมอคือบ้า
    อ้ายยังคองคอยถ้าอยู่เถียงนาหม่องเคยนั่ง
    ขอฝากสายลมสั่งอ้ายยังหวังคิดต่อน้องให้คืนโค้งต่าวอี่สนา - แน่เด้อ
    จงเอาชนะในความยาก มิฉะนั้นความยากจะชนะท่าน

  2. #2
    ร่วมถ่ายทอดความรู้สู่สังคม สัญลักษณ์ของ บ่าวนิติกร
    วันที่สมัคร
    Nov 2008
    กระทู้
    149

    Re: อดีดฮักเถียงนาโนน

    ฟ้าวสาหล่า ฟ้าวมาหาอ้ายโป้ยก่าย ลาวมุ่งหมายคอยท่า นางหล่าห่อนตาวคืน

  3. #3
    แบ่งปันความรู้และประสบการณ์ สัญลักษณ์ของ Lerm ubon
    วันที่สมัคร
    Jan 2009
    ที่อยู่
    Chonburi-BASF The Chemical company
    กระทู้
    271

    Re: อดีดฮักเถียงนาโนน

    ถึกใจหลายขอยืมไปร้องเเหน่เด้ออ้าย:g:g:g

  4. #4
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,603

    Re: อดีดฮักเถียงนาโนน

    เอาเลยอาว ว่าแต่ดังแล้วอย่าลืมข้อยเด้อหละ
    ขอไปหอบถงปุ๋ยซุดหางเครื่องซ่อยกะเอาดอก อิอิ
    จงเอาชนะในความยาก มิฉะนั้นความยากจะชนะท่าน

  5. #5
    ร่วมถ่ายทอดความรู้สู่สังคม สัญลักษณ์ของ พิณอิสระ
    วันที่สมัคร
    Sep 2008
    ที่อยู่
    ขอนแก่น อุดรธานี และสุรินทร์
    กระทู้
    503

    Re: อดีดฮักเถียงนาโนน

    Re: อดีดฮักเถียงนาโนน
    ย่างกายเถียงนาน้อย...บ่อนเคยคอย...ผู้ไกลห่าง
    เทียวแนมทางน้องหล่า...ไปไสน้อ...บ่ต่าวคืน
    ในใจอ้ายเศร้าสะอื้น...เจ้าเป็นอื่น...ไลหนี
    ลืมแล้วตี๊เถียงนา...บ่อนเฮาเคย...เคียงคู่
    ฝากลมหนาวบอกให้ฮู้...อ้ายคอยอยู่...เด้อคำแพง
    คึดฮอดแฮงยามอ้ายมา...ถ่าอยู่...เถียงนาน้อย
    ลอมวอยวอยอ้ายสะอื้น...สู่วันคืน...บ่เคยหล๊า
    คองถ่าเจ้าคืนมา...อีสานเฮา...สิเซาฮ้าง นางเอ๊ย ฯ

  6. #6
    แบ่งปันความรู้และประสบการณ์ สัญลักษณ์ของ ทองแดง
    วันที่สมัคร
    Jul 2008
    ที่อยู่
    ศิษย์เก่าน้ำพองศึกษา จ.ขอนแก่น
    กระทู้
    177

    ดูวีดีโอ YouTube ออนไลน์ เถียงนา

    ไกล..กะขอให้ไกลแต่กายเจ้าอย่าลืมมุ้งม่านหมอนหมุน
    โฉมแม่คุณนวลสะอางอย่าจางหายในใจเจ้า
    เคยดำนา-เกี่ยวข้าวนั่งเซาเถียงเคียงอ้ายบ่าว
    บ่ทันคราวผัดแล่นลี้หนีอ้ายไปอยู่ไท
    ปล่อยถิ่มป๋าอ้ายไว้เจ้าลืมไลเถียงนาเก่า
    เคยพักเซาอยู่ซ้นบ่สนอ้ายจ่ายผญา
    มันหากหลายเวลาแล้วบ่เห็นแปวน้องสิก่น
    หรือนาโนนขี้กะต่ายอ้ายสิเป็นม่ายอยู่คอง.

    ทองแดง

    เถียงนา เถียงนา เถียงนา
    เถียงนาเถียงนา เถียงนา

  7. #7
    ร่วมถ่ายทอดความรู้สู่สังคม สัญลักษณ์ของ bnserver
    วันที่สมัคร
    Jan 2009
    กระทู้
    331

    บ่าวบำเหน็จ ครับ

    เป็นตาออนซอนแท้น้อ เห็นภาพแล้วมีความสุขหลายครับ:g

  8. #8
    ดูแลตรวจสอบเนื้อหา สัญลักษณ์ของ แหลวแดง
    วันที่สมัคร
    Mar 2008
    กระทู้
    1,912

    Re: อดีดฮักเถียงนาโนน

    สุดยอดบรรยากาศอี่หลีคับ เห็นภาพพุ้นหละ เถียงนาโนน แต่ว่าเป็นอดีตฮักของอี่พ่ออี่แม่ เพิ่นพาลำบากมาสั่นดอกคับ แต่งได้สุดยอดทุกท่านเลยคับผม:g:g

  9. #9
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,179

    Re: อดีดฮักเถียงนาโนน

    ข้อยเด็กในเมืองบ่มีเถืองนา มีแต่ศาลาริมทางที่พักผู้โดยสารรถเมล์ อิ อิ อิ เลยสิบ่ว่าคือเพิ่นจารย์โป๊ย จารย์พิณเพิ่นดอก..อะแฮมมม

    จำได้บ่น้องหล่า ศาลาเก่าเฮาเคยพัก
    มาคอยดักรถเมล์ จำบ่เด๋นางน้อง
    ตอนป.สองเฮาเคยขึ่นยืนจับลาว โอ๊ะ ราว ฟ้าวขนาด
    อ้ายคาดลาดหมื่นล้ม หัวก้มมุดกระโปรง
    จนเธอหลงเอามือซี้ กระเป๋าตีฟาดกะหง่อน
    อยากขอเว้าหล่อนหล่อน ตอนนั้นจื่อบ่ลืม

    ...หืยยย เอากระเป๋าฟาดหง่อนต่อ(ท้ายทอย)เฮาเหมิดแฮง เจ็บบ่ทันเซา..เท่าปานนี้...
    วรรณคดีล้ำลำนำเอื้อนเอ่ย เขยภาษาพากษ์เว้าลาวพื้นกล่าวไกล

  10. #10
    ศิลปิน นักแต่งผญา สัญลักษณ์ของ พลายแก้ว
    วันที่สมัคร
    Dec 2008
    กระทู้
    630

    Re: อดีดฮักเถียงนาโนน

    อุบัติเหตุตอนหมื่นล้ม สมพอให้อภัยอยู่
    แต่ซะมะดู๋กะด้อ เตาะขาเจ้าของล้มมุดกระโปรง
    ไปโรงเรียนฟังคนเว้า คนเขาลือเขาส่า
    ว่า อ้ายทิดศรีนั่นนา จอบเบิ่งครูอาบน้ำ
    ถืกทำโทษกลางสนาม ฮ่า ฮ่า ฮ่า


    หืย..จั่งแม่นขี้ดื้อเนาะ (เว้าหยอกเด้อท่าน)

หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •