ขอผญาอวยพร

puisamurai · 10-01-2009, 10:03

ขอผญาใช้อวยพรในงานพิธีต่างๆ

**khonsurin** · 10-01-2009, 10:15

ผู้ ได๋เก่งผญา ก็มาเด้อจ้า มาแต่งผญาอวยพรจ้า ทางนี้ บ่ เป็นเด้อจ้าเด้อ

**หนุ่มเหงาคนไกลบ้าน** · 10-01-2009, 11:22

ไผแต่งผญาเป็นกะมาแต่งเด้อครับหนุ่มเหงาแต่งบ่อเป็นดอกครับถ้าเบิ่งซื่อๆ

**ศรีสะท้าน** · 12-01-2009, 09:58

ป๊าด มาสิขอหลาย ขอกว้างแท้อาว ข้อยมาประเดิมให้ก่อนเด้อ เอาผญาอวยพรปีใหม่ไปสาก่อน ส่วนผญาในงานพิธีต่างๆ ค่อยว่ากันไปเนาะ คายาก ข้อยหัวกะสิได้พักนี้หละ

ศุภฤกษ์ล้ำ นำเถิงแถมถ่าย
ปีห้าเอ็ดล่วงย้าย กลายเข้าสู่สอง
ขอสนองเสนอท่าน วาทการผญากล่าว
ฝากอวยพรส่งส่าว กลายก้าวขวบปี

เป็นดิถีวารตั้งอุตตะมัง ให้พ้นโศก
ขอให้โซคซ่อยซ้อน ขจรแจ้งสืบไป
มีสุขในนวลหน่า กายาผุดผ่อง
โรคาเคืองอย่าต้อง ตามเตื้องไต่กาย

ขอสบายกายใจตั้ง แนวหวังให้บังเกิด
พรประเสริฐซื่นซ้อย ศรีข้าน้อยกล่าวโดย
อันว่าโภยภัยฮ้าย อันตรายอย่าบังเบียด
แนวเสนียดหมอกกลั้ว กลัวย้านอย่าพานพา
ขอผลาบุญยู้ ซูเสริมเติมส่ง อันเขตขงพี่น้องมหาบ้านให้อยู่ดี พระเฮยฯ
..................................................................................

สวัส พิพัฒน์พร้อม เพียงผ่ำคำอวย
ดี งาม ยอมาถวย ส่วยศรีสนองเจ้า
ปี ห้าสองมาเข่า เถลิงเนา ศักราช
ใหม่ แม้นปรารถน์ คาดไว้ ขอให่ได้ดั่งมะโน พระเอยฯ

**khonsurin** · 12-01-2009, 10:36

นี่แหละจ้า มือผญาตัวจริงเสียงจริง กราบคารวะค่ะท่านอาจารย์ ผู้ลำเลิศวิชา
ข้าน้อย เข็นจั๋งได๋กะบ่ ขึ้นเด้อจ้าเด้อ

โซเซดะ · 12-01-2009, 16:07

สุดยอดเลยคับ บ่ได่ฟังได้ยินโดนแล้ว

**หนุ่มเหงาคนไกลบ้าน** · 12-01-2009, 16:29

ขอมากะจัดให้ละครับอาจารย์ศรีสะท้านมาเว่าต้านจ่ายผญาอวยพรแล้วสุดยอดครับ

puisamurai · 12-02-2009, 18:09

ขอขอบคุณหลายๆๆคับ

**บ่าวโจ่โล่** · 12-02-2009, 20:50

ได้แต่ยอมือนำ ล่องซ่อง เด้อขะน้อยกะดาย เปิดพาพ้อ สิให้ย่อ ไส่ผญา กะคือสิบ่ทันเป็นดอก
อันแนวแต่งไว้ กะแต่งไปถิ่มไป ผมกะเดย จักสิหาไสมาโพส ไส่เนาะครับ ท่านปารมาจารย์ว่าแล้ว ขะน้อย กะขอโดย ถ่อนแหลวครับบบบบบบบ ฮ่า ๆ ๆ