กำลังแสดงผล 1 ถึง 6 จากทั้งหมด 6

หัวข้อ: กินน้ำท่งนา

  1. #1
    ผู้ช่วยผู้ใหญ่บ้านมหา สัญลักษณ์ของ nuzing
    วันที่สมัคร
    May 2007
    ที่อยู่
    ตกฟากอยู่อุบล เป็นคนชราบางแคแล้ว
    กระทู้
    2,260
    บล็อก
    5

    กินน้ำท่งนา

    บ่าวแต้ คนบ้านดอนหนอง เลาเอาควายไปเลี้ยง อยู่หัวนา

    ช่วงนั้น ข้าวกะออกฮวงแล้ว กำลังเป็นข้าวเม่า ว่านเถาะไป๋

    บ่าวแต้ กับหมู่พวก กะพากันไปเลี้ยงควาย ตามปกตินั่นล่ะ ช่วงนี้ ย่อนว่าน้ำนำไฮ่นา กะมีหลาย หากินได้ง่าย บ่คือหน้าฮ้อน บ่าวแต้ กะเลยบ่ได้ห่อน้ำไปนำ (หมายถึงว่า บ่ได้เอากระบอกน้ำ.. บั้งทิง ไปนำ..นั่นหนา)

    ตามปกติแล้ว คันหิวน้ำ กะย่างไปหาเบิ่ง นาไฮ่ได๋ น้ำใสดี เป็นตากินแซบ กะไปก้มดูดกิน นำไฮ่นาไฮ่นั่นล่ะ เพราะว่าสมัยแต่กี้ ยังบ่นิยมใช้ปุ๋ยวิทยาศาสตร์ น้ำนำนา กะเลยถือได้ว่า บ่มีพิษภัยจากสารเคมี... (คันแมนซุมื้อนี้ บ่กล้ากินเดิ้ก มีแต่ปุ๋ย มีแต่ยาฆ่าแมลง..)

    เอ้า...แวเข้ามาหาเรื่องบ่าวแต้

    บ่าวแต้เลี้ยงควายไป เลี้ยงควายมา จนตาเว็นขึ้นกายเคิงฟ้า ได้เวลาบ่ายๆ เด้ บ่าวแต้ เลาหิวน้ำ กะเลยย่างไปไฮ่นาที่เคยกินน้ำประจำ

    **************

    พอดีว่า มื้อเซ้านี้ พ่อใหญ่กา เลามานา เลาะย่างหา เบิ่งข้าวกล้า ตามไฮ่นา พะนะว่า ....พ่อใหญ่กา ย่างเลาะไป ย่างเลาะมา ย่างเลาะมาเลาะไป เลาผัดปวดขี้ ปวดขี้ กะเลยหาหม่องเหมาะเจาะ เฉพาะโต สำหรับนั่งนี้ แซบๆ

    กะพอดีอีกนั่นล่ะ อยู่ไฮ่นาเลา มีหัวตอ ตั้งค่อม่อ อยู่เลาะๆ คันแทนา กะยังว้า กะยังว่า...

    กะพอดีอีกนั่นล่ะ ไฮ่นาไฮ่นี้ หัวตอหม่องนี้ เป็นหม่องที่บ่าวแต้ มักสิมากินน้ำ...

    พอใหญ่กา เลาคึดว่า

    “ ขี้ใส่ไฮ่นา ให้มันเป็นปุ๋ย ก่อน น๊า..”

    ว่าแล้วได้ กะย่ายย่างไปสา.. ว่าแล้วได้ กะย่ายย่างไปสา เลาะไปนำคันแทนา สิไปขี้บ่รอซ้า...

    เลากะย่างไป นั่งงอยหัวตอ ขี้ จ๋อม จ๋อม ลงน้ำ สุดเรียบร้อย กะล้างดาก อยู่ไฮ่นานั่นล่ะ...

    ****************

    บ่าวแต้ กะย่างมา ฮอดไฮ่นาไฮ่นั่น กะค่อยๆ ย่องลงน้ำ ...ย่านน้ำมันขุ่นนั่นหนา... ย่างไปฮอดหม่องเหมาะเจาะ กะก้มลง เป่าขี้หลักเยี่ย ที่ลอยอยู่ ให้กระจายหนี ออกไปไกลๆ แล้วกะก้มเอาปากดูดกินน้ำ

    จู่ด จู่ด...

    กินจนอิ่มแป้แล้ จากนั้น กะเอามือ วักน้ำขึ้นมาล้างหน้า ล้างตา

    น้ำมันกระเพื่อมเนาะ... ขี้พ่อใหญ่ทา ที่ถืกลมพัดลอยมานำน้ำ มาคา อยู่กอข้าว กะแตกโตออก ลอยกระจัดกระจาย ออกจากกอข้าว มาวนอยู่ต่อหน้าต่อตาของบ่าวแต้ เฮ็ดเหลืองอุ่ยฮุ่ย ....

    บ่าวแต้ เหลียวเห็นขี้ ลอยอยู่ต่อหน้าต่อตา....

    น้ำขี้พ่อใหญ่กา

    อัวะ...เอียะ....

    น้ำกะกินเข้าไปแล้ว กินจนอิ่มซั่มแหม บ่าวแต้กะดายน้อ....
    "ใจประสงค์สร้างกลางดงกะหว่าถ่ง ใจขี้คร้านกลางบ้านกะหว่าดง"

  2. #2
    ดูแลตรวจสอบเนื้อหา สัญลักษณ์ของ หนุ่มเหงาคนไกลบ้าน
    วันที่สมัคร
    May 2008
    กระทู้
    2,307

    Re: กินน้ำท่งนา

    ::)::)::)::)::)::)ทำจั่งใด๋ละบ่าวกินข้าวไปแล้วละนำ::)::)

  3. #3
    ร่วมถ่ายทอดความรู้สู่สังคม สัญลักษณ์ของ โชติ
    วันที่สมัคร
    Mar 2008
    ที่อยู่
    bbk
    กระทู้
    700

    Re: กินน้ำท่งนา

    เรื่องบังเอิญไม่มีจริง เห็นท่าเจ้าจะถึงคราวซวยอีหลีแล้วบ่าวแต้ ::)

  4. #4
    ดูแลตรวจสอบเนื้อหา สัญลักษณ์ของ แหลวแดง
    วันที่สมัคร
    Mar 2008
    กระทู้
    1,912

    Re: กินน้ำท่งนา

    แต่กี้กะเคยไปดูดกินน้ำน้ำฮอยตีนควายคือกัน นำตากล้าหมู่นั้นหละ น้ำใสดี อิอิ:g:g

  5. #5
    Maximum learning
    ศิลปิน นักเขียน
    สัญลักษณ์ของ khonsurin
    วันที่สมัคร
    Apr 2008
    ที่อยู่
    ท่าตูม สุรินทร์
    กระทู้
    8,063
    บล็อก
    197

    Re: กินน้ำท่งนา

    กลิ่นมันแปลกๆ ดีดอกจ้า เคยกินอยู่เวลาหิวน้ำอีหลีเด้อจ้า แซบพร้อม

  6. #6
    สาวเมืองชล
    Guest

    Re: กินน้ำท่งนา

    คือจั่งบ่เห็นตั้งแต่ก่อนน้อจ้าเห็นทีหลังแก้ไขบ่ทันแล้วเด้อจ้าRe: กินน้ำท่งนา

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •