"เอื้อย ผมอยากกินแกงบักฮีฮุม เฮ็ดสู่กินแหน่"
"ฮ่วย เจ้าคือมาหางานยากให้เอื้อยแท้ล่ะ เอื้อยคือเฮ็ดบ่เป็น"
"เป็นโพด ซื้อมาแล้วห้ากำ มื่อแลงเอื้อยเฮ็ดเลย"
ป้าด เด็กน้อยหมู่นี้ หาแต่แนวให้เฮ็ด ปกติใบไม้ฯบ่ค่อยได้เฮ็ดแนวกินปานได๋ดอกจ้า มีแต่คนเฮ็ดสู่กิน มื่อนี้ถูกบังคับ มีแต่คนใจร้ายกับนางเด๊ เคียดแฮง พอดีได้ครัวบ้านพี่ที่ทำงานนี่แหละจ้า ได้เตาถ่านอย่างดี
อันดับแรกกะพากันปอกเปลือกบักอีฮุมกันก่อนเลยจ้า ถ้าใบไม้เอ็ดกินเองและมีเวลาหลายๆสิแกะเอาแต่เนื้อจ้า แต่มื่อนี้ค่ำแล้ว เลยพากันปลอกแล้วตัดเป็นต่อนๆเลยค่ะ "มันค่อยได้ฮูด" เสียงเพิ่นโสกัน สิตีกันไปตังแต่ตอนปลอกเลยค่ะ คนนี้ตัดยาวคนนี้ตัดสั้น แต่สุดท้ายก็เรียบร้อย เตรียมแกงกันเลยค่ะ
แช่นี้มะขามเปียกไว้ก่อนจ้า
ตำพริกแกงส้มใส่เนื้อปลาต้ม แล้วกะละลายน้ำไว้ค่ะ พริกแกงใส่หอม กระชาย กะปิ แค่นี้กะพอแล้วค่ะสูตรนี้ ผู้ลางคนเลี้ยงย่าบ่ได้ ปลอกหอมไปจ่มไป น้ำตาไหลพรากๆ เป็นตาหลูโตนหลาย
ตั้งน้ำใส่จั๊กครึ่งหม้อ น้ำเดือดกะเอาบักอีฮุมใส้ลงไปต้มให้สุก เอาเนื้อปลาละลายน้ำเทลงใส่ตอนน้ำเดือดๆ พอสิสุกกะเอามะมำขามใส่ ใส่น้ำปลา ถ้าสิใส่ปลาแดกกะตามใจ บ่ว่ากันเนาะจ้า
เสียงแม่ของพี่ที่ทำงานว่าใส่หมูสามชั้นนำสิแซบ กะเลยลองใส่ไปครึ่งโลค่ะ แซบจ้า คนอื่นกินผักอีฮุม ใบไม้กินหมูสามชั้น แซบจ้า
อ้างข้อความนี้
Bookmarks