หลังจากที่ได้เข้ามาเป็นสมาชิกของเวป์บ้านมหาดอทคอม มาเป้นเวลาปีกว่า น้องจอยได้รู้จักกับผู้ชายหนึ่งซึ่งเพิ่นใช้นามแฝงว่า บ่าวเต็มใจให้เธอ ซึ่งแต่ก่อนจะพ้อกันยุในห้องแชตเก่า แต่สุมื้อนี้พี่น้องสินิยมมาแชตกันในกล่องขอเพลง สะมากกว่า ซึ่งมื้อก่อน น้องจอยสิมาเฝ้าห้องแชตทุกเช้าของเมืองไทย แล้วก็จะพบกับ ผู้ชายคนนี้ แต่ก่อนน้องจอยจะเอิ้นเพิ่นน้องนิด มาตลอด หลังจากนั้น กะกลายเป้นว่าเพิ่นต้องมาเอิ้น จอยว่าน้องแทน อิอิอิ..ซึ่งมีเปลี่ยนแปลงกะตอนที่เพิ่นมาเป้นดีเจได้สักระยะ ดีเจเต็มใจให้เธอเพิ่นสิมาจัดเพลงทุกเช้า แต่มาช่วงนี้เพิ่นมีภาระหน้าที่ที่จะต้องไปรับผิดชอบ ก็เลยห่างหายไป แต่ น้องจอยก็ดีใจที่ได้พบ อ้ายเพิ่นแวะไปยามน้องจอยเมื่อวันที่23 มกราคม น่านเอง ก่อนไปฮอดกะสอบถามทิศทางของบ้านจนได้พ้อกัน หลังจากลงรถเสร็จ น้องจอยกะต้อนรับด้วยการ นำอ้ายเพิ่นไปนั่งหน้าคอมก่อนเลย เพื่อให้ลงโปรแกรมป้องกันไวรัสให้ แต่พอไปเบิ่งแล้วมีอยู่จ้า(อิอิอิ..บ่มีหยังดอกจ้า เจ้าของบ้านอยากได้เพลงน่านน่าเลยหาเรื่องให้เพิ่นไปหน้าคอม) ซึ่งในการไปยามบ้านเทื่อนี้ ก้อมี หนูนา หลานสาวของน้องจอย ร่วมต้อนรับนำ หลังจากจัดการเรื่องคอมเสร็จแล้ว ก็ให้อ้ายเพิ่นมารับประทานอาหารเที่ยง แนวกินกะจักสิถึกปากเพิ่นบ่ดอก อ้ายเพิ่นกะกินบ่ติจักคำ น่าฮักอีหลี่จ้า จากนั้นกะมานั่งแชตนำพี่น้องอยู่สักพักกะต้องขอโตแยกย้ายกันไป เพราะเช้าวันต่อมาน้องจอยต้องเตรียมงานตักบาตรตอนเช้า อ้ายเพิ่นก็ต้องไปเบิ่งคอมให้ลูกค้าอีก แต่เสียดายอ้ายเพิ่นมาบ่ได้ย้อนมีหน้าที่ที่ต้องรับผิดชอบ แต่น้องจอยขอบอกเลยเด้อจ้า ว่าภูมิใจและประทับใจอีหลี่จ้า ที่ได้พ้ออ้ายเพิ่น ต้องขอบคุณเวป์บ้านมหาที่เฮ้ดให้ได้มาพ้อกัน น้องจอยหวังว่า น้องจอยกลับบ้านครั้งหน้าคงสิมีโอกาสได้ต้อนรับ ดีเจเต็มใจให้เธอ อีกเด้อจ้า
ปล.ขอบคุณสำหรับหมากฮุ่งสุกจ้า หวานดีขนาด ซ่อยน้องจอยหายจากการสวอยเหล้าได้ดีแท้ๆๆ อิอิอิ...
น้องจอยบ่เคยเขียนไดอารี่จักเทื่อ สำนวนคำเว้าบ่ค่อยดีก็ต้องขออภัยมา ณ.ที่นี้เด้อจ้า
มิตรภาพอันดีแบบนี้จะอยู่ในความทรงจำ ของ สาวเมืองอุดร ตลอดไป
รูป...ดีเจเต็มใจให้เธอ สาวเมืองอุดร หนูนา
ส่วนภาพนี้ หลานชายเพิ่นแวะมาเล่นเลยจับเข้ากล้องนำเลย
Bookmarks