แกงป่าปลากระบอก

[แหลวแดง]

ลองเปลี่ยนรสชาดเบิ่งเนาะคับพี่น้อง รสจัดคือกันคับ เป็นกับข้าวกะได้ กับแกล้มกะดีเนาะ เหมาะกับผู้บ่าวบ้านมหาเลยคับ

ขั้นแรกกะขอดเกล็ดปลา เอาใส้ออก ล้างให้สะอาด หั่นต่อนน้อยต่อนใหญ่แล้วแต่มัก

เครื่องต่างๆคับ

ค้างหม้อ น้ำฮ้อนกะเอาพริกแกงละลาย น้ำเดือดกะใส่ปลา กระชายซอย ใบมะกรูด น้ำเดือดอีกเทื่อหนึ่งกะใส่ผักที่เหลือ รอให้มะเขือสุกจักหน่อย ปรุงรสได้เลยคับ พอได้มักแล้วกะใส่ใบกระเพรา ปิดไฟได้เลย เป็นอันเสร็จ

ตักใส่ถ้วยได้เลยคับ พร้อมเสิร์ฟ บุ๊ย เสิร์ฟ

::)::)

หาออกไปกินได้เลยคับ คือว่าหละเนาะ เป็นกับข้าวกะได้ กับแกล้มกะได้คับผม ปลาโตนั้นบ่แม่นปลาทูเค็มเด้อ เป็นปลาเค็ม ลอกหนังออกแล้วกินเนื้อคับ แซ้บแซบ แม่ค้าเพิ่นห่อใบตองปิ้งขาย เข้ากันดีกับแกงกะยังว่า

[Boy_ubon]

ข่อยมาซิมก่อนหมู่เลยอาว....::)

[หนุ่มลำซี]

มาต้มหน่อยแท้ จังได๋สิพอกันกินหล่ะ
สงสัยคือสิแมนกินผู้เดียวน้อ อ้ายแหลว ::)

[คนตระการ...]

อ้างถึง คือว่าหละเนาะ เป็นกับข้าวกะได้ กับแกล้มกะได้คับผม


ผมขอเป็นกับแกล้มเด้ออ้าย ข้าวนั่นเอาไว้จ้ำกับแจ่วบองดอก ::)::)

[ใบไม้สีชมพู]

อยากกินแกงป่าเผ็ดๆจ้า

[ลูกอิสาน]

บอกได้คำเดียวว่าสุดยอดดดดดดดดดดเลยจ้าอ้ายแหลวแดง

[เซียงเหมี่ยงเมืองสุรินทร์]

สุดยอดครับผม แต่งอยู่แต่งกินเป็นตาแซบคักครับ....

[ขอโทษที่คิดถึง...เด็กดื้อ]

ให้จ้ำปลาทูเค็มนำแนะจ้า ... อิอิอิ

[หนุ่มเหงาคนไกลบ้าน]

สีสันรสชาติน่ากินอ้ายขอมาซดฮ้อนๆๆจักถ้วยแน่น่าครับอ้ายแซบๆๆๆ

[แมวเหมียวพลัดถิ่น]

แกงป่าปลากระบอกเนี่ยอร่อยมากเลยค่ะ เคยกินแล้วแต่นานๆแล้วอยากกินอีก ขอจักถ้วยแนเด้อค่ะ ::)::)