นมงัว(วัว)ย่าง
มื้อนี้ฅนภูไทมีแนวแซบๆมาฝากอีกแล้วครับ เป็นเมนูย่าง หากินยากพอสมควร ไผบ่เคยกินกะลองเฮ็ดกินเบิ่งเด้อครับ รับรองสิติดใจ มาเบิ่งกันเลย
หน้าตานมงัวกะเป็นจั่งซี้หละครับ พอเฮาได้มาแล้วเฮากะจัดการแล่ให้เป็นแผ่น
ทีนี้เฮากะมาหมักกันเลย ใส่กระเทียม น้ำมันงา น้ำมันหอย ซอสปรุงรส ผงชูรส น้ำปลา ลงไป คลุกเคล้าให้เข้ากัน หมักทิ้มไว้ อย่างน้อยจักชั่วโมงเด้อครับ
พอหมักได้ที่ดีแล้ว เฮากะมาดังไฟ จัดการเอานมงัวมาย่างเลย ให้ใช้ไฟอ่อนๆเด้อครับ ย่างให้สุกๆ (มันจั่งสิแซบ เวลาเคี่ยวสิกรุ๊บๆ)
พอสุกดีแล้ว จัดการเอามาซอยใส่จาน เสริฟพร้อมแจ่ว สิแกล้มเหล้า หรือกินกับข้าวเหนียวกะสุดยอดคือกัน
Bookmarks