ช่วงนี้สาวทุ่งฝนปิดเทอมอาทิตย์หนึ่งจ้า นอกจากจะนอนเว็นแล้ว
กะยังหาแนวใส่ท้องบ่หยุดบ่หย่อนจ้า (ขึ้นอืดคักๆ) อิอิอิ
มื้อนี้กะกินหลายอย่าง แต่ว่าจะนำเสนอเฉพาะ ตำกระหล่ำปลีจ้า
ขั้นตอนกะบ่มีหยังมากจ้า บักหุ้งตำจังได๋ กะตำคือกันนั่นแหละจ้า
กระหล่ำปลีฝรั่ง แข็งบักอย่างคักจ้า ทำให้ตำแล้วบ่หมุ่นอุ้ยปุ้ย
แซบบ่ต่างจากตำมะละกอเลยจ้า หวาน กรอบจ้า
ปล. เนื่องด้วยฝนเป็นคนแพ้ปลาแดก(น้ำ) ฝนกะเลยต้องใส่ต่อนไปสองสามต่อน
มิฉะนั้นฝนจะมีอาการแพ้ นั้นกะคือคัน(แข่ว) อิอิ ตำเผ็ดๆ แซบแฮงจ้าาา::)
อันนี่กะแม่นหัวกระหล่ำเด้อจ้า
ใช้มีดสองคมฝานให้เป็นเส้นๆเหมือนเส้นมะละกอจ้า
หลังจากเตรียมเรียบร้อยกะจัดการตำเลยจ้า ปรุงเอารสชาติตามมักจ้า
กินกับแคบหมู อร่อยดีจ้า ถ้ามีหนมจีนนำก็สุดยอดจ้า เชิญแชบจ้า ::)
Bookmarks