หน้าที่ 1 จากทั้งหมด 27 หน้า 12311 ... หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 267

หัวข้อ: คำแพงเอ๋ย..........

  1. #1
    บ่าวเมฆินทร์
    Guest

    ดูวีดีโอ YouTube ออนไลน์ คำแพงเอ๋ย..........

    คำแพงเอ๋ย..........
    ความมักความฮักมาแล่นกุ้มมันคือสุ่มงุมหัว
    ความมักความฮักมาพอ ๆ คือกะทองุมไว้
    ในหัวใจของบักอ้ายยาอสิไปหานางทุกเซ้าค่ำ
    อยากไปนั่งนำใกล้ ๆ บอกนางน้องว่า...ฮักหลาย


    อ้ายนี่เปรียบคือจอกลอยน้ำฮากหยั่งบ่ถึงดิน
    ไหลเวินไปเวินมาฮอดบ่ดอกเครือค้าง
    ว่าสิไหลมาข่างหม่อมพะนางสิได้บ่
    คนรูปบ่หล่อคือจั่งบักอ้ายกะกินเข่าบ่ายกบตั่วละคำ
    ..........ฮ้วย........................มีบุญได้เข่านั่งนำแหน่บ่น๋อ......


    คำแพงเอ๋ย..........คำแพงเอ๋ย..........คำแพงเอ๋ย..........

  2. #2
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    5,708
    บล็อก
    23
    ย่านบ่คือดอกอ้าย...ผุเฒ่าเว่าไว่คงบ่ม่ม
    ฮากหยั่งบ่เถิงต่มสำเฮือน้อยลอยเรื่อย
    ฮาดสิไหลไปเอื่อยบ่ย้อนดอกต่าวคืน
    ท่าเรือคือจั่งน้องได่หลงยืนคองถ่า..ซั่นแหลว..
    มองต่าง..อย่างปลง

  3. #3
    บ่าวเมฆินทร์
    Guest
    คำแพงเอ๋ย...........
    คันแม่นน้องฮักอ้ายให้มืนตาใส่น้ำแจ่วเบิ่งเด๋อ......
    น้ำแจ่วเป็นจั่งได๋ใจอ้ายกะจั่งซั่นตัวละคำ....

  4. #4
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,603
    คำแพงเอ้ย
    คันแม่นน้องฮักอ้าย...ให้ไปเตรียมห่อผ้า...ลงเฮือนไปนำพี่...สิพาหนีอี่แม่เจ้า...หนีเข้าสู่กรุง
    คันนางใจมาดมุ่ง...นำพี่คนเดียว...อย่าสุเหลียวแลไผ...ให้ฮักเดียวคืออ้าย
    เฮามาพากันย้าย...ขึ้นรถทัวร์หม่องขนส่ง... ใจประสงค์ต่อตั้ง...กันแล้วบ่หน่ายหนี
    อย่าสุคิดพุ้นพี้...ให้นางปล่อยวางใจ...อ้ายสิพาไปไทย...ขี่รถไฟลอยฟ้า
    ขอสัญญาบ่หนีเจ้า...หวังสิเอาซ้อนบ่อน...บ่ให้ทุกข์เดือดฮ้อน...เงินใช้จ่ายบ่ไหว
    แม่นว่าเจ้าสิอยากได้...แนวใด๋บ่มีเกี่ยง...แม่นเดือนดาวอยู่ฟ้า...สิหาให้อ้ายบ่ขีน คำแพงเอ้ย
    จงเอาชนะในความยาก มิฉะนั้นความยากจะชนะท่าน

  5. #5
    บ่าวเมฆินทร์
    Guest
    คำแพงเอ๋ย......
    ความมักความฮักของบักอ้านคือหินหนักมื่น
    นอนกลางคืนได้แต่เพ้อฝันเห็นน้องอยู่บ่เซา
    เอาหัวใจหมดซุห้องมอบให้นางหมดซุอย่าง
    ย่านแต่ทางนาถน้องตั๋วให้อ้ายได้นั่งคอย.....ซั่นแหลว

  6. #6
    บ่าวเมฆินทร์
    Guest
    คำแพงเอ๋ย......
    ย่อนว่าความฮักเจ้ามันแล่นเข้าสุมอก
    คือจั่งตกต้นตาลปานกันบ่เทียมได้
    บาดตกยามเป็นไข่เห็นหน่านางกะหายส่วง
    มันสิเป็นป่วงบ้าย่านนางน้องนั่นห่างไกล...ซั่นแหลว


  7. #7
    บ่าวเมฆินทร์
    Guest
    คำแพงเอ๋ย.....
    เจ้าผู้จำปีต้น...ลมมาอย่าไหวหวั่น
    ไผสิมาสั่นต้น...พะนางน้องอย่าหั่นไหว
    คันไดฝังหลักแน่น...แสนสิลมมาฮ้อยห่า...กะตามถ่อน
    ส่วนว่าโตของบักอ้าย...สินอนเทิ่งดอกเบิ่งลม...พุ่นแหลว.....


  8. #8
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    5,708
    บล็อก
    23
    ..โอ้อ้าย(ผุนั่น)เอ้ย..
    ..แสนคารมมาอ่อยเว่า บ่คือเค้าเฮาฮักกัน
    ควมผูกพันธ์ฝั่นมั่น ป่านด้ายคั่นพันเกี่ยว
    เพียงสายลมโลมเลี้ยว บ่ได่คึดเหลียวหลง..ดอกอ้าย..

    มองต่าง..อย่างปลง

  9. #9
    ร่วมถ่ายทอดความรู้สู่สังคม สัญลักษณ์ของ บ่าวดอนโบม
    วันที่สมัคร
    Sep 2007
    กระทู้
    1,421
    คำแพงเอ๋ย เจ้าผุแก้มพู่ยู่ หูตู้ ดากง่าม มื่อนี่อ้ายมายาม สิได้กินน้ำจักจอกน้อหล่าเอ๊ย น้อนางเอ้ย

  10. #10
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,179
    คำแพงเอ๋ย เจ้าผู้แพงคำฮ้อยสังมาออยให้อ้ายห่วง
    เจ้าผู้พวงสะพั่งพั้วขัวข่วมซ่างก่ายมา
    อ้ายคือเฮือชาวค้าผู้เทียวท่องนำคองไหล
    ย้านแต่เฮือหลงไปฮ่องใจนางน้อง
    ย้านแต่ลืมหนห้องหนองสะพังเคยยั้งจอด
    ย้านแต่ออดหลอดล้ำไหลเรื่อยเอื่อยนำ นั้นแหลว
    วรรณคดีล้ำลำนำเอื้อนเอ่ย เขยภาษาพากษ์เว้าลาวพื้นกล่าวไกล

หน้าที่ 1 จากทั้งหมด 27 หน้า 12311 ... หน้าสุดท้ายหน้าสุดท้าย

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •