อยากได้กลอนเทศน์ มาลัยหมื่น และเทศน์มาลัยแสน
เพราะหากลอนเทศน์ไม่ได้จริง ๆ ครูบาอาจารย์ท่านใดลงไว้ ผมขอด้วยครับ
ขอบคุณครับ
อยากได้กลอนเทศน์ มาลัยหมื่น และเทศน์มาลัยแสน
เพราะหากลอนเทศน์ไม่ได้จริง ๆ ครูบาอาจารย์ท่านใดลงไว้ ผมขอด้วยครับ
ขอบคุณครับ
ติดต่อหลังบ้านเด้อครับ
sriwaylukammunee@hotmail.com
กลอนอื่นๆมีครับ
รับรองมีให้อีหลี.....................
แหล่ลีลาวดี
บัดนี้..............ลาวดีน้อย กอยสุนทรป้อนเข้าใส่ รักสุดอกสุดใจ ไผสิว่ากะซ่างไผ ไผสิติกะซ่างสิ้น บ่ยินร้ายคันและดี ชาติศักดิ์ศรีบ่แม่นแนวสิกินได้ ลาวกับไทยบ่แตกต่าง ควายก็ดีทอควาย ช้างกะดีทอช้าง จางเปรี้ยวให้ตืมกลืน พี่นางเอย....ขึ้นชื่อว่าเชื้อชาติช้าง โตเขาเผือกงานิน เกิดอยู่ดินเดินผา ป่าวนาแนวไม้ คนของเฮาเลือกเกิดเองบ่มีได้ กรรมไผมันได้ฮ่ำฮัน
อันความฮักความแพง คันสิถือกีดคั้น แม่นฝันได้กะทอฝัน ประสาโลกนี้นั้นกะคือว่าสมมติ
จนหรือรวยคือมนุษย์ อันชื่นหวุนบ่มีได้ ใจไผมันมันประสงค์ คันมือแจวกะดั้นฮอด ผักจอกลอยอยู่น้ำยังมีมื้อดอกโบงเขียว น้ำพวมไหลลากเกี้ยว ปั้นฝายรัดกะยังผัง อุปมาคือดังกะดั่งลาวดีน้อง ใจของนางที่ปองมั่น สายสัมพันธ์กับคุณพี่ ถึงสิมีสิ่งกั้นตันหน้าสิคอยปีน อ้าว ตราบใดฟ้าบ่สิ้น ดินบ่เปลือยเป็นผง ดงบ่กายเป็นบาง ไฮ่นาบ่เป็นแก้ง กกสะแบงบ่กายเป็นพร้าว ลาวกับไทยยังเที่ยวท่องแม่น้ำโขงอยู่กั้นตันหน้าสิคอยลอย อ้อยยังหวานอยู่จังอ้อย
นางบ่ปล่อยพี่ชายหนี ลาวดีบ่ย้อมหยุด คันมุดมวยจนตัวม้วย ควายบ่มีเขาขึ้น พอสามเขาสี่เขากะบ่เว้ากับคนอื่น ยากปานใดกะสิบืน ปืนกระสุนลูกโม้ หมดเกี้ยงสิเสี่ยงตาย ต่อให้พ่อแม่ฮ้าย ป้อยแส่งสิทนอด ลาวดีสิบ่ย้อมใจคด สิซื่อตรงประสงค์อ้าย ตายกะตายอยู่กับเจ้า เอากะเอากับคุณพี่ ยอมเสียเกียรลูกเศรษฐี เอาให้โลกได้ซ่าเรื่อง คันลือย่องว่ารักจริง สิว่าหญิงคือน้อง พยองโตลุกขึ้นต่อ อ้าวคันบ่เชื่อกะลองดู คันชาตินี้บ่ได้อ้าย คันชาตินี้บ่ได้อ้าย แม่นตายแล้ว กะบ่แนงนั้นละหนาพี่นางเอย..........................................นอ
เอาไปลองเทศน์เบิ่งเด้อครับ จากมหาวัดโมลีโลกยารามราชวรวิหาร
Bookmarks