กลับบ้าน หลาน ๆ มาชวนไปจับ จี้หรีด นำกัน ต้องใช้อุปกรณ์ ดังต่ไปนี้ครับ...
โคมไฟ แบตเตอรี่ ไว้ใต้หาจี้หรีด...
ถังสียี่สิบลิตร ถังน้อยบ่ได้มันสิเต้นออก...
ก้านตาลแห้ง...
เริ่มโดย เวลาประมาณ หกโมงเคิ่งเริ่มมืดหลาน มาเอิ้นบอกว่าอุปกรณ์พร้อมคนพร้อม เหลือแต่น้า เอาไปบ่ให้ย่านผีหลอก พะนะ ::)
วิธีการกะเริ่มโดยการเอาก้านตาลแห้งไปลาก ๆ แกว่ง ๆ บริเวณงานนาที่ เก็บเกี่ยวข้าวเรียบร้อยแล้ว มีกองเฟียง เศษหญ้าเป็นที่อยู่ของ จี้หรีด สังเกตง่าย ๆ ว่ามีหลายหรือน้อย ฟังเสียงฮ้องเอาครับ พี่น้อง
พอเฮาเอาก้านตาลแห้งลาก ไปลากมา เผิ่นว่า จี้หรีด สินึกว่าฝนตกมันสิขึ้นมาให้เฮาจับ เซียงเหมี่ยงฯ กะบ่เคยเซื่อ มะมื่อนี้สิลองเบิ่งกะน๊า ลากไปลากมาเอาไฟโคมส่องหา เอ้า ๆ บักเถิกโตใหญ่ ๆ ขึ้นมาให้จับแล้ว ด้วยความตื่นเต้นฟ่าวคุบมาใส่ถัง แล้วกะลากก้านตาล ต่อไปส่องไฟหาไปเรื่อย ๆ กะมีขึ้นมาเรื่อย ๆ ให้จับใส่คุถัง ใช้เวลาประมาณ ชั่วโมงหนึ่ง กะได้มาส่ำที่เห็นล่ะครับ อิ อิ::)::)
ครับเป็นประสบการณ์ การใต้จี้หรีดเป็นครั้งแรก กะสนุกสนานดีครับ หลาน ๆ กะเป็นผู้ไล่คุบ เซียงเหมี่ยง กะ ทำหน้าที่พนักงานลากก้านตาลครับ ฮ่า ๆ ::)::)
ได้แล้วกะเอามาทอด ใส่ใบบักกูด แล้วพอสะเด็ดน้ำมัน โฮยเกลือ ครับ แซบหลาย ๆ ::)::)
Bookmarks