คนอิสานบ้านเฮาคิดจั่งได๋กับภาษาอิสานของเฮา

[ออนซอนอิสาน]

นี่คือความเป็นจริงว่า คนไทยเฮาบ่ว่าซิอยู่ภาคได๋กะตามเข้าไปเฮ็ดเวียกในกรุงเทพเป็นจำนวนหลาย แต่ว่าเป็นอิหยังจั่งเป็นจั่งซี้ว่า คนทางเหนือเวลาพบพ้อหน้ากันอยู่ในกรุงเทพเขากะเว้าภาษาเหนือ(อู้คำเมือง) ใส่กัน คนทางใต้เวลาพบพ้อหน้ากันอยู่ในกรุงเทพเขากะเว้าภาษาใต้(แหล่งใต้) ใส่กัน แต่ว่า คนอิสานบ้านเฮามีภาษาเว้าเป็นเอกลักษณ์ของเจ้าของแท้ๆ บัดเพิ่นพบพ้อหน้ากันอยู่ในกรุงเทพ บัดลืมคำเว้าภาษาเจ้าของ บัดไปพูดไทยอยู่หง่าวๆๆ ถามแนเถาะว่าอายซันบ่กับคำเว้าภาษาของเจ้าของ บ่มีความภูมิอกภูมิใจเลยบ่กับภาษาและวัฒนธรรมท้องถิ่นเจ้าของ ฮึย่านคนว่าเจ้าของเป็นลาวซั่นบ่ อิอิอิ

พี่น้องคนอิสานบ้านเฮาครับ ผมถามแน่ว่าฮอดเวลาไป๋ที่เฮาคนอิสานซิมาซอยกันรณรงค์เว้าจาสื่อสารกันเป็นภาษาอิสาน ภูมิใจในภาษาอิสานที่เป็นเอกลักษณ์เฉพาะตัว บ่ว่าพี่น้องเฮาซิอยู่บ่อนได๋กะตาม ถ้าพี่น้องอ่านกระทู้นี้แล้วมีความคึดเห็นแนวได๋ ขอเซิญตอบกระทู้มาแน่เด้อครับว่า เห็นด้วยฮือบ่แนวได๋ ซอยอธิบายเหตุผลมาให่นำแน ผู้ข่าสิรวบรวมข้อมูลนำเสนอแนวทางในการรณรงค์ต่อไป ขอขอบคุณหลายๆเด้อครับ

[Lerm ubon]

เห็นด้วยหลายๆคับอ้าย

สำหรับผมเเล้วภูมิใจที่ได้เกิดเป็นคนอีสาน..เเต่ที่ผมเห็นมากะบ่ค่อยมีนะคับที่คนบ้านเฮาพ้อหน้ากันเเล้วเว้ากลางใส่กัน...เเต่ที่ขะเจ้าเว้ากะอาจสิเป็นบางสถานการณ์..กะได้คับผมว่า..

--------
ให้เจ่าคอยเพียรสร้าง เสมอแตนแปงซ่อ
ให้สร้างก่อสืบไว่ เสมอเผิ่งสืบฮัง "
-----

[สาวส่าเมืองอุดร]

ภูมิใจจ้า สิอยู่ไสไกลปานใด๋จอยกะบ่เคยว่าสิเว้าภาษาอีสานบ้านเฮาจักเทื่อ ตอนนี้กะยังคงเว้าอยู่คือเก่า ภูมิใจที่ได้เกิดเป้นคนอีสาน แต่กะมีเทื่อหนึ่งไปหามุที่เรียนมานำกันเฮาเว้าอีสานใส่เขาเขาบ่เว้านำเฮาจ้อย สงสารเพิ่นสิว่าเฮาเป้นคนบ้านนอกบ่ ทั้งๆๆที่เพิ่นกะคนอีสานคือกันเพียงแต่ว่าเป้นเฮ้ดงานกรุงเทพโดนสือๆๆ แล้วสุดท้ายกะกับมาอยู่บ้านเกิดคือเก่า