หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 11

หัวข้อ: เก็บหมากม่วงวัด

  1. #1
    มิสบ้านมหา 2010
    ศิลปิน นักเขียน
    สัญลักษณ์ของ เขมราฐ
    วันที่สมัคร
    Sep 2008
    ที่อยู่
    กลางท่งเมืองเขมฯ
    กระทู้
    1,946

    เก็บหมากม่วงวัด

    เช้ามืดมื่อวานนี่แถวบางนา ฝนตกแฮงปานฟ้าฮั่วน้องเขม กะขี้คร้านลุกไปเฮ็ดงาน แต่จั่งได๋

    กะต้องลุกอยู่ดี มาฮอดหม่องเฮ็ดงาน(แบบเปียกปอนนิดหนึ่ง) ไฟดับ เฮ็ดหยังบ่ได้ฮ้อ

    นเอ้าว่าซั่น (อยากมายามพี่น้องบ้านมหาใจสิหลุดสิขาดกะยังหว่า) นั่งไปนั่งมาถ่าให้ไฟ

    มา คึดพ้อแต่ตอนเป็นเด็กน้อย เลยหยิบปากกามาขีด ๆ เขียน ไปตามกะเยิม ฝนตกช่วงนี้

    ยามได๋ แม่ใหญ่ของน้องเขมฯมักเอิ้นว่า “ฝนฮำดอกม่วง” ยามดอกหมากม่วงพวมกำลัง

    บาน ฟ้าแตกปานเครียดให้ผู้ได๋มาเป็นสิบชาติ แม่ใหญ่น้องเขมฯกะมักสิบอกว่า “ฟ้าฮ้องสั่ง

    หัวเผือกหัวมัน” น้องเขมฯกะเคยสงสัยว่าเป็นหยังฟ้าต้องฮ้องสั่งหัวเผือกหัวมัน เพิ่นกะสิ

    ร่ายยาวเว้าให้ฟัง ว่าจากนี้ไปตลอดหน้าแล้งฝนสิบ่ตกอีก ฟ้าสิบ่ฮ้องกะเลยเอิ้นสั่งลาแม้แต่

    คนยามสิไปใสกะยังเอิ้นสั่งกัน น้องเขมฯกะสิถามแม่ใหญ่ว่า ยามฝนตกอีกฟ้าสิบ่เอิ้น

    ทักทายหัวเผือกหัวมันอีกติ เพิ่นกะสิบอกว่าตอนนั้นสิเป็นฝนแรกของยามเดือน หก เอิ้นว่า

    ฟ้าไขประตูเมือง ฟ้ากะสิแตกฝนตก ลมกะสิพัดแฮงแนวนี้ล่ะ ฮอดยามเดือนหก หมากม่วง

    กะสิสุกพอดี ลมแฮงหมากม่วงกะสิหล่น คนฟ้าวไปเก็บหมากม่วงในสวนก่อนหมู่คือน้อง

    เขมฯ แต่แม่ใหญ่น้องเขมฯกะบ่อยากให้ลงเก็บหมากม่วงในสวนเพิ่นย่านหง่ามักม่วงแห้ง

    หักทับน้องเขมฯ กะน้องเขมฯย่านเด็กน้อยข้างบ้านมาเก็บก่อนเน๊อะ เลยฟ้าวมีเทื่อหนึ่ง

    ลงไปเก็บหมากม่วงพ้อกันในสวน เพิ่นกะชวนน้องเขมไปเก็บหมากม่วงวัดซั่นแล่วค่ะ เพิ่น

    ว่าหมากม่วงวัดมีหลายกว่าหมากม่วงในสวนของแม่ใหญ่น้องเขมฯอีก น้องเขมฯกะอยาก

    ได้หมากม่วงให้แม่ใหญ่เฮ็ดหมากม่วงแผ่น หลาย ๆ ซั่นแหล่วค่ะ ถือกระต้าแล่นนำเพิ่น

    ไป ไปฮอดวัดบ่ย่านหยังหมากม่วงกะหล่นหลายคักตั้งหน้าตั้งตาเก็บอย่างเดียว บาดหมาก

    ม่วงเต็มกระต้าเงยหน้าขึ้นบ่มีไผ๋จักคน ใจหลุดไปอยู่ส้นหน่องพุ่นแล่วค่ะ แนบเห็นเมรุอยู่

    ข้าง ๆ ย่านแฮงจนก้าวขาบ่ออก นั่งไห้เฝ้ากระต้าหมากม่วง ฝนกะสิตกมาอีก ครึ้มแบบมืด

    ฟ้ามัวดิน นั่งไห้อยู่พักหนึ่งแม่ใหญ่กะนำมาพ้อ เพิ่นถามว่าเป็นหยังจั่งมาเก็บหมากม่วงอยู่

    วัด อยู่สวนเฮาบ่พอติ น้องเขมฯกะเทิงสะอื้นเทิงเว้าไปนำ ว่าอยากได้หมากม่วงหลาย ๆ สิ

    ได้มีหมากม่วงแผ่นกินหลาย ๆ แม่ใหญ่บ่ว่าหยังเทหมากม่วงในกระต้าออกจนเบิด แล้วกะ

    จูงแขนน้องเขมฯหย่างเมือบ้าน ฮอดบ้านให้อาบน้ำ สระผม แล้วมานั่งฟังเพิ่นเว้าบาดนี่มี

    พ่อใหญ่น้องเขมฯมาร่วมสอบสวนนำ เพิ่นว่าอย่าไปเก็บหมากม่วงวัดมันคือไปลักเอาหมาก

    ม่วงเพิ่นตายไปสิเป็นเปรตไปเฝ้าวัด โตสูง มือใหญ่ เป็นตาย่านแต่เพิ่นกะบ่ตีน้องเขมฯดอก

    ค่ะ แค่บอกว่าตายไปสิเกิดเป็นเปรตบ่ได้เป็นคนน้องเขมฯกะย่านแฮงแล่วค่ะ จากนั้นมา

    น้องเขมฯบ่ไปเก็บหมากม่วงวัดอีกเลย เมือบ้านตอนช่วง มกราคมที่ผ่านมา (ไปส่งพ่อใหญ่

    เมือบ้าน) เห็นต้นหมากม่วงอยู่ข้างเมรุต้นนั้นแล้วกะอยากหัวเจ้าของคือกันค่ะ นั่งไห้เฝ้า

    กระต้าหมากม่วง สิหยางเมือบ้านกะก้าวขาบ่ออกเด็กน้อยน้อเด็กน้อย... ว่าสิเว้าให้ฟัง

    หลาย ๆ อยู่ค่ะไฟมาแล้วเฮ็ดการเฮ็ดงานก่อนค่ะ เขาสิไล่ออกอยู่แล้วค่ะ.....
    ::)::)

    ขอบคุณเื้อื้อยอ้ายทุกคนค่ะที่อ่านจนจบ

    เก็บหมากม่วงวัด

  2. #2
    ผู้ช่วยผู้ใหญ่บ้านมหา
    Mr.Reception
    สัญลักษณ์ของ คนตระการ...
    วันที่สมัคร
    Feb 2008
    กระทู้
    4,209

    Re: เก็บหมากม่วงวัด

    เอาหมากมว่งวัดอ้ายกะเคยเป็นประจำ.. เพราะว่าบ้านไกล้วัด.. ยามกลางคืนไปไต้กบแยงไฟเข้าไปในวัดเห็นกบกะเข้าไปเอาเสย..ผีกะย้านยู่แต่ย้านบ่อได้กบหลายกว่า ::) เอาฮอดผ้าคลุมคูบามาเฮ็ดหางว่าว(ดื้อคักแต่เป็นเด็กน้อย) ::) แต่ว่ากะเฮ็ดเวียกให้วัดเป็นประจำอยู่เด้อ ...(พอได้กินขนมนำเณรน้อย)::)

  3. #3
    ฝ่ายเทคนิคและโปรแกรม สัญลักษณ์ของ บ่าวโจ่โล่
    วันที่สมัคร
    Dec 2006
    กระทู้
    1,433

    Re: เก็บหมากม่วงวัด


    จากประสพการณ์ของ ข้ากระผมเองเนาะ เคยเป็นสังกะลี (เด็กวัด) ตั้งแต่เริ่มเรียน ป.1 ฮอด ป.4 พ่อแม่ เข้า กทม ตั้งแต่ผมเข้า ป.1 ปีแรก ๆ เป็นเด็กน้อยยุ อันผีเปรต คือน้องว่าหนิผมกะว่าแม่น เรื่องเผิ่นเว้าตั๋วเด็กน้อยแมะ ถ้าประสพการณ์จริงกะพ้อแล้วหล่ะ

    บาปบุญ คุณโทษ พ้อหลายเห็นหลาย จนว่าชินเนาะ เพราะว่า จบ ป.4 กะได้ไปบวช
    เป็นเณรอยู่ตั้ง 5 ปี ออกธุดงส์ นำหลวงพี่ ย่างว่าแม่นทั่วประเทศไทยแล้วหล่ะ พี่น้องเอ๊ย
    เอ๋าาาาาาา เว้าไปเว้ามา คือไปหลายแทะ ฮ่า ๆ ๆ

    ว่าสิเว้าว่า อ้ายเคยเห็นผีเปรต อิหลี ซื่อ ๆ หนิดอกเด้อ

    ::)


    อย่าคิดนะว่าเธออยู่ในโลกนี้คนเดียว หนทางไม่เปลี่ยวขนาดนั้น ยิ้ม ๆ ไว้ซิก็อุปสรรคต้องฝ่าฟัน ยังไงเธอก็จะมีฉันคอยห่วงใย

    สื่อบันเทิงที่นำมาให้รับชม รับฟังเป็นเพียงตัวอย่างเท่านั้น หากท่านชื่นชอบ สื่อใด โปรดซื้อสินค้าลิขสิทธิ์

  4. #4
    หนุ่มอิสานอินเตอร์
    Guest

    เฮากะเคย เก็บหมากม่วงวัด คือกัน

    อ่านแล้ว..กะเพลินตั่วล่ะเน๋าะ..คึดฮอดตอนเป็นเด็กน้อย...กะคือจั่งเคยได้ยินอยู่ว่า..ไปเอาหมากม่วงวัดมันบ่ดี...แต่กะเด้กน้อยเน๋าะ..กะอยากได้นำหมู่...หมู่พากันไปเก็บตอนฝนแฮงๆๆนั้น..มันกะคือจั่งม่วนนิเด้...ไปแล่นแย่งหมากม่วงกัน...::)

    ขอบคูณเด้อ..ครับ มื่อใหม่พิมพ์ให้อ่านอีกแน่เด้อ...

  5. #5
    ดูแลตรวจสอบเนื้อหา สัญลักษณ์ของ บ่าวกุดชุม
    วันที่สมัคร
    Sep 2008
    ที่อยู่
    กุดชุม
    กระทู้
    584
    บล็อก
    3

    Re: เฮากะเคย เก็บหมากม่วงวัด คือกัน

    เอื้อยคือเป็นคนจั่งชั่น ผมเลี้ยงแต่งัวในวัด

  6. #6

    Re: เฮากะเคย เก็บหมากม่วงวัด คือกัน

    ไปเก็บหมากม่วงคนอื่นมันม่วนกว่าเก็บหมากม่วงตะของน้อจ้า...อิอิอิ ...เอาหมากม่วง จ. นครสวรรค์มาฝากจ้า...ไปเที่ยวมานะ

  7. #7
    มิสบ้านมหา 2010
    ศิลปิน นักเขียน
    สัญลักษณ์ของ เขมราฐ
    วันที่สมัคร
    Sep 2008
    ที่อยู่
    กลางท่งเมืองเขมฯ
    กระทู้
    1,946

    Re: เก็บหมากม่วงวัด

    ขอบคุณค่ะเอื้อยเด็กน้อยสำหรับภาพประกอบพวมสิ เซิร์ส หาพอดีเลย ขอบคุณค่ะ

  8. #8
    ดูแลตรวจสอบเนื้อหา สัญลักษณ์ของ หนุ่มเหงาคนไกลบ้าน
    วันที่สมัคร
    May 2008
    กระทู้
    2,307

    Re: เก็บหมากม่วงวัด

    555คั่นว่ามักม่วนะข้าน้อยแฮงหาลักดีแม่นแท้อยู่ทุ่งนาพากันไปไต่เขียดลักเอาง่ายอิอิแต่มักม่วงวัดกะเคยเอาอยู่ครับไปหาเก็บยามมันสุกครับ

  9. #9
    nui101ka
    Guest

    Re: เก็บหมากม่วงวัด

    บักม่วงลักอยู่สวนคนอื่นมันสิแซบกว่าของจะของตั๊วสมัยเป็นเด็กน้อย
    แฮ่งแย่งกันแฮ่งแซบหลายเน๊าะจ้า

  10. #10
    Membership renewed สัญลักษณ์ของ MADELA
    วันที่สมัคร
    Mar 2009
    ที่อยู่
    japan
    กระทู้
    254

    Re: เก็บหมากม่วงวัด

    เขียนดีเนาะ อ่านแล้วก็หวลคิดถึงอดีตตอนเป็นเด็ก คิดถึงแล้วก็ตลกดี ไปเก็บบักม่วงวัดบ่เป๋นหยังดอกว่าแต่ไปบอกไปขอญาครูเพิ่น:g:g ตอนเปนเณรหน้าบักม่วงคึดยากกวาดเดินวัดคัก

หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •