กำลังแสดงผล 1 ถึง 2 จากทั้งหมด 2

ก่อนจะสิ้นแสงตะวัน

  1. #1
    Super Moderator
    Guide & Photographer
    สัญลักษณ์ของ เจ้าซายน้อย
    วันที่สมัคร
    Sep 2007
    ที่อยู่
    อยู่ในใจเสมอ
    กระทู้
    1,550

    รอบยิ้มพิมใจ ก่อนจะสิ้นแสงตะวัน

    ทินกรสั่งฟ้า เมฆาย้อมสีแก่
    แลเห็นก้อนแหล่ๆ คือแพรตุ้มหน่วยไฟ
    หน่อยหนึ่งลงลับไม้ กุโฏ* ไก่ขึ้นนอนฮัง
    สกุนังจอแจ จอกจิบจับไม้


    เสียงไสๆกาเหว่าฮ้อง ว่าเตยเวยเอิ้นหาคู่
    เทิ่งญาครูเพิ่นลั่นฆ้อง กลองแลงตึ้งโม่งดัง
    ทารกังน้อย สอยวอยได้ฮ้องฮ่ำ
    ย้อนแม่คุมอาบน้ำ ลูกคำเว้าว่าแต่หนาว


    ลมเอ้ยน้อ...ลมพัดใบหมากพร้าว น้าวใส่ใบตองตึง
    สายันต์ถึงสมัยเย็น หน่วยตาเว็นลงแล้ว
    จากเคยแจ๋วไสเหลื่อม กะมามุงมัวมืด
    มิดมอดเมี้ยน แสงต้องบ่ส่องสี


    คิดไปๆมาๆ มวลมนุษย์ในโลกนี้ เปรียบดังสุรีโย
    ปุพพันโหหากใส เลิศวิไลเริงร่า
    อุปมาคือวัยต้น ยังตูมตั้งเต่งตึง
    เถิงวัยปลายคล้ายคล้อย จวนม้อยเข้าทุกปี


    อันว่าชีวิตนี้ หากปี้นเปลี่ยนเวียนวน
    บ่คงทนตายเสีย ผัวเมียเลยตายซ้ำ
    ขอเชิญทำบุญสร้าง บัดยามออกเดินทาง บุญท่อนั่นสิได้เพิ่ง
    ให้ใจใสเลิงๆ ตั้งต่อธรรมพระบาทเจ้า เพิ่นผู้เข้านิรพาน...นั้นล่ะหน่า


    กุโฏ ตัดสั้นจาก กุกฺกุโฏ แปลว่า ไก่

    พระมหานพพร อริยญาโน (ศรีเวฬุคามมุนี)

  2. #2
    ร่วมถ่ายทอดความรู้สู่สังคม สัญลักษณ์ของ สาวเกษตร
    วันที่สมัคร
    Jan 2009
    กระทู้
    157

    Re: ก่อนจะสิ้นแสงตะวัน

    เห็นด้วยดังที่ว่าละจ้า
    ขอบคุณหลายๆๆที่เอามาแบ่งปันกันอ่านจ้า :g