ยำกระเพาะหมู
มื้อนี้ฅนภูไทมีเมนูกับแกล้มมาฝากอีกแล้วครับ สิเป็นจั่งได๋เป็นตาแซบส่ำได๋มาเบิ่งกันเลยครับ
นี่หละครับหน้าตากระเพาะหมู เลือกมาจักสองลูกเด้อ ราคากะบ่แพงดอกครับ พอได้มาเฮากะเอามาล้างทำความสะอาด (ล้างคักๆเด้อ เดี๋ยวมันสิขม) เสร็จแล้วเฮากะเอาไปแช่น้ำเกลือจักครึ่งชั่วโมง แล้วล้างให้สะอาดอีกเทื่อ
ทีนี้เฮากะเอามาต้ม ตั้งน้ำให้เดือดๆแล้วใส่กระเพาะหมูลงไป ทิ้มไว้จัก1-2 ชั่วโมง ผุเฒ่าต้องต้มโดนๆแหน่จักหน่อเด้อครับ (ตอนต้มให้ใส่ เกลือ ข่า ตะไคร้ ใบมะกรูดนำเพื่อดับกลิ่นคาว)
พอได้ที่แล้วเฮากะตักกระเพาะหมูมาซอยเป็นชิ้นๆใหญ่น้อยตามแต่มัก
ทีนี้เฮากะมายำกันเลยครับ ใส่น้ำมะนาว กระเทียม พริกขี้หนู หอมใหญ่ ขึ้นฉ่าย น้ำปลา ชูรส ลงไป ปรุงรสตามใจชอบ คลุกเคล้าให้เข้ากัน
ตักใส่จานเสริฟพร้อมเบียร์เย็นๆๆ หรือสิกับข้าวสวยฮ้อนๆกะแซบคือกัน
ยำกระเพาะหมูต้องยำแล้วกินเลยเด้อ ถ้าทิ้มใว้ให้มันเย็น มันสิบ่แซบ
Bookmarks