กำลังแสดงผล 1 ถึง 5 จากทั้งหมด 5

เรื่องเล่าหน้าแล้ง 2

  1. #1
    มิสบ้านมหา 2010
    ศิลปิน นักเขียน
    สัญลักษณ์ของ เขมราฐ
    วันที่สมัคร
    Sep 2008
    ที่อยู่
    กลางท่งเมืองเขมฯ
    กระทู้
    2,078

    เรื่องเล่าหน้าแล้ง 2


    กินข้าวเที่ยงกันเบิดสู่คนล่ะบ่น้ออ...มื่อนี่น้องเขมฯออกไปกินข้าวเที่ยง

    เห็นคะเจ้าขายกะทิแตงซงสิเข้าท่า ซื้อมาลองเบิ่งบ่เป็นคือคึดเลยค่ะ คึดฮอดกะทิแตงเฒ่า

    แม่ขึ้นมาทันทีเลยค่ะ เฒ่าแม่น้องเขมฯเพิ่นสิเป็นเซียนปลูกบักแตงตั่วค่ะ อั่นแตงไทยนั่น

    ล่ะค่ะ อยู่บ้านเพิ่นเอิ้นหมากแตงจิง ส่วนแตงกวา เพิ่นเอิ้นหมากแตงช้างค่ะยามหน้าแล้ง

    แนวนี้ไฟไหม้ป่า ไหม้ตอไม้เป็นกองขี้เถ้า พอตกหน้าเดือน 6 ไถนาฮุด เฒ่าแม่กะสิเอาไน

    หมากแตง ไนหมากอึ๋ (อั่นหมากฟักทองนั่นแหม๋) หมากถั่ว ข้าวโพดหมากแตงโม ลง

    ปลูกค่ะ ดู๋ปลูกคักค่ะได้ไนหยังมาปลูกเบิด เจ้าของดู๋ผู้เดียวบ่พอบังคับให้ลูกดู๋นำ บังคับ

    ปานได๋กะบ่ดู๋ดอกค่ะ ::)::)::)ปลูกแล้วกะบ่ต้องหดน้ำ ปล่อยให้ฝนหดมันไป ยามดำนา

    กะสิมีหมากแตงอ่อนกินกับป่นกบน้อย กะเข้าท่าค่ะ ผ่านไปจนฮอดดำนาแล้ว เกี่ยวข้าวกะ

    สิมีหมากแตงสุกกินค่ะ ยามหมากแตงสุกต้องดู๋ไปจอบค่ะ ซั่นสิบ่ทันหนู มันสิเจาะก่อนค่ะ

    ยามมีหมากแตงสุกหลาย ๆ เฒ่าแม่กะสิเฮ็ดกะทิแตงให้กินค่ะ หมากพร้าวกะได้มาแต่สวน

    ในบ้าน หมากแตงกะมีอยู่ท่ง ข้าวโพดกะหักมาจากสวน สด ๆ หวาน ๆ หั่นหมากแตงสุก

    ฝานข้าวโพดต้ม ใส่น้ำกะทิสด น้ำเชื่อมข้น ๆ ทุบน้ำแข็งใส่ลงไปนำค่ะ แซ่บคักน้องเขมฯ

    กะมักใส่ข้าวเหนียวลงไปนำค่ะ มันนุ่ม ๆ ดีสูตรนี้บ่ได้หวงเด้อค่ะ ไผ๋สิลองเบิ่งกะได้ค่ะ ::)::)


    คลายฮ้อนได้เป็นอย่างดีค่ะ ถ้าบ่เฮ็ดกะทิแตง สิกินซื่อ ๆ กะหวานตั่วค่ะ เฒ่าแม่เลาสิ

    ปล่อยให้หมากแตงมันสุกคาเครือเลยค่ะ จนขั้วมันหลุดออกเองค่ะมันจั่งหวานเพิ่นว่า กะ

    หวานอีหลีคือเลาว่านั่นล่ะค่ะ โชคเข้าข้างได้กลับเมืออยู่บ้านนำเฒ่าแม่สิกลับไปปลูกหมาก

    แตงกินเองอยู่ดอกค่ะ กลับไปซะโพนปลูกหมากพริก หมากเขือ กลับสู่อ้อมกอดของเมือง

    อีสาน......


  2. #2
    แบ่งปันความรู้และประสบการณ์ สัญลักษณ์ของ Lerm ubon
    วันที่สมัคร
    Jan 2009
    ที่อยู่
    Chonburi-BASF The Chemical company
    กระทู้
    309

    Re: เรื่องเล่าหน้าแล้ง 2

    กลิ่นหมากเเตงจิงสุกนี่หอมขนาด..ถ้าใส่ข้าวเหนียวบ้านเฮาต้องข้าวก่ำน้ออ:g:g:g

  3. #3
    ผู้ช่วยผู้ใหญ่บ้านมหา
    Mr.Reception
    สัญลักษณ์ของ คนตระการ...
    วันที่สมัคร
    Feb 2008
    กระทู้
    4,718

    Re: เรื่องเล่าหน้าแล้ง 2

    แม่นแล้วน้องหล่า..ของกินอยู่กรุงเทพนี่สู้บ้านเฮาบ่อได้ดอก.. ซื้อกินทุกมื้อนี่กะกินแก้หิวไปซื่อๆ ..ป่น แจ่ว เพิ่นกะเฮ็ดบ่อคือบ้านเฮา ..หรือถ้าซื้อมาเฮ็ดเองกะไคแน่

  4. #4
    ฝ่ายบริหารระดับสูง สัญลักษณ์ของ ตรี ศรีเมืองใหม่
    วันที่สมัคร
    Apr 2006
    ที่อยู่
    หนุ่มอุบล คนศรีเมืองใหม่
    กระทู้
    4,855

    Re: เรื่องเล่าหน้าแล้ง 2

    น้องเขมฯ ขอตอนไปซ้อนฮวกกบ กับตอนไปงมเขียดที่โตนคันแทนา แหน่น้อง อิอิๆๆ "ที่น้องเล่ามาเป็นวิถีชีวิตของชาวอุบลฯอย่างแท้จริง แม้แต่ภาษาน้องก็ใช้สําเนียงไทอุบลฯในการเล่า เยี่ยมมากครับ เล่าอีกเด้อหล่า อ้ายสิคอยตามไปอ่าน อิอิๆๆ"

  5. #5

    เรื่องฮิตน่าอ่าน Re: เรื่องเล่าหน้าแล้ง 2

    น้องเขมเว้ามามีตะแนวคึดฮอดตอนยุบ้านเนาะครับดีๆคับหนับหนุนกลับไปยุบ้านเฮากะมีตะแนวดีๆเนาะเว้าแล้วกะดาย:g:g:g