กำลังแสดงผล 1 ถึง 8 จากทั้งหมด 8

หัวข้อ: หมกแหน่งหน่อไม้

Hybrid View

คำตอบที่แล้วมา คำตอบที่แล้วมา   คำตอบถัดไป คำตอบถัดไป
  1. #1
    มิสบ้านมหา 2010
    ศิลปิน นักเขียน
    สัญลักษณ์ของ เขมราฐ
    วันที่สมัคร
    Sep 2008
    ที่อยู่
    กลางท่งเมืองเขมฯ
    กระทู้
    1,946

    หมกแหน่งหน่อไม้

    ::) ก่อนเลิกงานแม่น้องเขมฯโทรศัพท์มาบอกว่ามีหมกหน่อไม้ ฝากมากับรถล่องมาให้

    น้องเขมฯ จั่งแม่นดีใจหลายค่ะ สิได้กินหมกหน่อไม้ฝีมือเฒ่าแม่ค่ะ ถามเพิ่นว่าหน่อไม้อัด

    ติ๊หมกมาให้กิน บ่แม่นว่าซั่นค่ะ เป็นแหน่งหน่อไม้ไฟไหม้ค่ะ แฮ่งคักหลาย เพิ่นว่าไฟไหม้

    ฝนตกฮำมาดนแล้วเลยไปเลาะโคกเก็บผักหวานนำพวมป่งค่ะ อั่นบ้านน้องเขมฯมีภูนำตั่วค่ะ

    เพิ่นเอิ้นภูพนมดี ยามหน้าแล้งแนวนี้ผู้บ่าวซ่ำน้อยขึ้นหาค้องกระปอมเทิงภู กะเผาหญ้า

    แห้งไปตามกะเยิมนั่นหล่ะค่ะ ดับบ่ทันกะไหม้ไปทั่ว ไหม้เข้าไปป่าหน่อไม้ไหล่ (เป็น

    หน่อไม้พันธุ์หนึ่งบางที่คือสิเอิ้นคือกันเน๊อะค่ะ ) ยามฝนตกมาแหน่งหน่อไม้กะสิป่ง มีพอ

    ได้กินอยู่ค่ะ ผักหวานกะพอมีแต่สมัยน้องเขมฯเป็นเด็กน้อยกะเคยไปเลาะโคกนำเฒ่าแม่

    เพิ่นพาไปเก็บผักหวานอั่นขี้ร้ายหลายค่ะแยกผักหวานกับ ต้นอีหยังบุ๊ค่ะจื่อซื่อมันบ่ได้ ใบ

    มันกะคือกันเน๊อะค่ะ เก็บมาจนเต็มกะต้าแบกมาแต่เทิงภูพุ่นฮอดบ้าน เฒ่าแม่เลา

    ว่า “เก็บมาให้ควายติ บ่แม่นผักหวาน กินบ่เป็นดอกใบแนวนี่” หมกแหน่งหน่อไม้หมกแหน่งหน่อไม้เว้าพื้นแหน่ง

    หน่อไม้กะแหน่งน้อย ๆ ดอกค่ะ หน่อไม้ยามแล้ง ปอกกะยาก ๆ ได้มาเต็มกะต้าปอกออก

    ได้ดอกซ่ำ 2 กำมือนี่ค่ะ เฒ่าแม่เพิ่นกะสิทุบเอาค่ะ งานหลักของน้องเขมฯคือตำยานางใส่ข้าวเบือลงนำจั๊กหน่อย ตำจนแขนหล่อยกะบ่แหลกจั๊กเทื่อหมกแหน่งหน่อไม้ เพิ่นเอาหน่อไม้ทุบไปนึ่งพอ

    มันจืด กะมาใส่น้ำยานาง ใส่น้ำปลาแดก ตำหมากพริกโพนใส่ ที่ต้องเป็นหมากพริกโพน

    ย่อนว่ามันเผ็ดแฮงค่ะ ยามแล้งแนวนี่บ่มีผักกะแยงใส่ กะสิใส่ใบหมากสังค่ะ ซ่ำนี่กะวิเศษ

    แล้วค่ะ มากินหมกหน่อไม้กรุงเทพฯแล้วกะบ่ถืกใจค่ะ ใส่กะทิใส่หมู 3 ชั้นใส่ผักอีตู่ น้อง

    เขมฯบ่มักหลายค่ะน้องเขมฯว่าผักอีตู่กับหน่อไม้มันบ่เข้ากันค่ะกลิ่นบ่ค่อยชวนให้อยากกิน

    ถ้าเป็นหมกหน่อไม้ต้องใส่ใบหมากสัง หรือใบผักกะแยงเท่านั้นค่ะ มื่ออื่นเช้าหมกหน่อไม้

    กะเดินทางมาถึงน้องเขมฯแล้วค่ะ กินแล้วกะจั่งสิมาเว้าให้ฟังเด้อค่ะ ว่าแซ่บซ่ำได๋::)::)::)



    อั่นนี่ภูพนมดีหม่องหาหน่อไม้ค่ะ แต่รูปนี้ถ่ายยามฝนค่ะ


    หมกแหน่งหน่อไม้ [radio]http://wcs.hopto.org/up/file/kongribaan.wma[/radio]

  2. #2
    ผู้ช่วยผู้ใหญ่บ้านมหา
    Mr.Reception
    สัญลักษณ์ของ คนตระการ...
    วันที่สมัคร
    Feb 2008
    กระทู้
    4,209

    Re: หมกแหน่งหน่อไม้

    จ่งไว้ให้กินนำแน่เด้อน้องหลิน อยากกินคือกันเด๊ ..//

    มื่อก่อนแม่อ้ายกะฝากข้าวสารมานำรถล่องคือกัน กับบักมว่งน้อย.ตาหลูโตนผูเฒ่าเนาะยามแม่ไปหาหยังมากะอยากให้ลูกได้กินนำ..บางทีอ้ายฮู้ว่าแม่บ่อทันได้กินซ้ำกะยังส่งมาให้ลูกก่อน..เวลาโทรไปถามเพิ่นว่าได้มาหลายอยู่..ถามคนเฮืนไกล้เพิ่นบอก .. ทางนั่นกะคือสิบ่อต่างกันดอกเนาะ..




    (เพลงนี่ที่เพิ่นเอามาประกอป เฮ็ดให้ผมได้นั่งไห้แต่ตอนมากรุงเทพใหม่) Re: หมกแหน่งหน่อไม้

  3. #3
    ดูแลตรวจสอบเนื้อหา สัญลักษณ์ของ หนุ่มเหงาคนไกลบ้าน
    วันที่สมัคร
    May 2008
    กระทู้
    2,307

    Re: หมกแหน่งหน่อไม้

    เหลือบ่อน้อเอามากินนำแน่เด้อครับ แม่นยุครับแนวกินที่เฮาซื้อคะเจ่ากินกะบ่อแซบปานเฮาทำกินดอกครับ กลับบ้านสงกรานต์นี่หาแนวมากินนำแน่เด้อครับอิอิ

  4. #4
    Membership renewed สัญลักษณ์ของ siranee
    วันที่สมัคร
    Jul 2008
    ที่อยู่
    ลาดกระบัง54(วัดศรีวารีน้อย)
    กระทู้
    909

    Re: หมกแหน่งหน่อไม้

    อ่านแล้วเห็นภาพเลยจ้า เว้าแล้วกะคิดฮอดบ้าน
    คิดฮอดอิพ่ออิแม่เนาะจ้าอยากเมือบ้านแล้วล่ะบาดนิ

  5. #5
    ฝ่ายบริหารระดับสูง สัญลักษณ์ของ ตรี ศรีเมืองใหม่
    วันที่สมัคร
    Apr 2006
    ที่อยู่
    หนุ่มอุบล คนศรีเมืองใหม่
    กระทู้
    4,490

    Re: หมกแหน่งหน่อไม้

    อ่านบทความที่น้องเขมฯเขียนใว้ คิดฮอดบ้านแฮงๆ ปกติอ้ายก็ได้กินข้าวและอาหารทางบ้านจากรถล่องนี้ละครับ อ่านกระทู้นี้แล้วเลยนึกถึงเพลง "คนไกลบ้าน" ของพรศักดิ์ เลยเอามาประกอบกระทู้
    :welcome3"...ศรีเมืองใหม่แดนธรรมประเสริฐ ถิ่นกำเนิดหลวงปู่มั่น ลือลั่นสวรรค์ภูหล่น ยลสวยหินผานางคอย ลอยล่องแก่งจุการ งามตระหง่านเสาธงวงกลมใหญ่...">>>>> www.muangmai.ob.tc

  6. #6
    ร่วมถ่ายทอดความรู้สู่สังคม สัญลักษณ์ของ บ่าวนิติกร
    วันที่สมัคร
    Nov 2008
    กระทู้
    149

    Re: หมกแหน่งหน่อไม้

    หน่อไม้ไฟใหม้ เป็นสุดยอดของหน่อไม้ หากะยาก เฮ็ดกะยาก
    แต่ซุมื้อนี้ เพิ่นรณรงค์ บ่อให้จูด เผา ป่าแล้ว ซอยกันลดมลพิษ
    ลดโลกร้อน แต่กะอยากกิน สิไปหาทางเขมราฐ พู้นละ

  7. #7
    แบ่งปันความรู้และประสบการณ์ สัญลักษณ์ของ chonjung0602
    วันที่สมัคร
    Dec 2007
    กระทู้
    21

    Re: หมกแหน่งหน่อไม้

    ..อากาศเป็นตะดีน้อครับ..::)

  8. #8

    Re: หมกแหน่งหน่อไม้

    ไร่เด็กน้อยกะอยู่ใกล้ภูแลนคา จ้า อีแม่กะสิย่างไปหัวไร่คราวหนึ่งกะได้หน่อไม้มาแกง หมกให้กินเรื่อยจ้า ตอนนี้กะเฮ็ดห่อไม้ซิ่งจ้า แซบตั่วจ้า อิอิอิ

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •