แกงผักหวาน

[ฅนภูไท]

แกงผักหวาน

ฅนภูไทหาแนวแซบๆมาสู่กินอีกแล้วพี่น้อง พอดีหมู่เอาผักหวานมาให้จากราชบุรีเก็บไว้ได้อาทิตย์กว่าแล้วแต่บ่มีโอกาสได้แกงจักเทื่อ มื้อนี้กะเลยถือโอกาสแกงสู่พี่น้องกินแลง มาเบิ่งกันเลยครับ



ผักหวานที่หมู่เอามาให้ เทคนิคการเก็บผักหวานให้อยู่ได้โดนๆ อันดับแรกใช้กระดาษหนังสือพิมพ์ห่อก่อนแล้วใส่ถุงพลาสติกห่ออีกเทื่อค่อยเก็บไว้ในตู้เย็น สิเฮดใหเก็บไว้กินได้โดนครับ บ่เหี่ยวบ่เปื่อย ลองเบิ่งเด้อครับ



พอเฮาสิแกงเฮากะเอาไปล้างสาก่อน



ทีนี้เฮากะมาแกงกันเลย อันดับแรกกะเอาน้ำใส่หม้อขึ้นค้างไฟพน้ำเดือดใส่พริกแล้วกะ ปลาค่อลงไป



พอน้ำเริ่มเดือดกะใส่ผักหวานลงไป



ที่ขาดบ่ได้กะต้องใส่ปลาแดกลงไป



พอปลาสุกดีแล้วกะใส่ผกอีตู่ ผักขะลงไปปรุงรสตามใจชอบยกหม้อลง



ตักใส่ถ้วยเสริฟพร้อมข้าวเหนียวฮ้อนๆ



แกงผักหวานสูตรนี้เป็นของเฒ่าแม่ของฅนภูไทบ่รู้ทางอื่นแกงแบบนี้บ่น้อ